ត្រឹមមួយប៉ប្រិចភ្នែក! ឆេះឡានដឹកទំនិញ១គ្រឿង អស់ជាង២ម៉ឺនដុល្លារ (វីដេអូ)
- សៀមរាប
ខេត្តសៀមរាប ៖ ម្ចាស់រថយន្តដឹកទំនិញមួយគ្រឿង ធ្វើដំណើរចេញមកពីស្រុកសូទ្រនិគម ខេត្តសៀម
ខេត្តសៀមរាប ៖ ម្ចាស់រថយន្តដឹកទំនិញមួយគ្រឿង ធ្វើដំណើរចេញមកពីស្រុកសូទ្រនិគម ខេត្តសៀម
ខេត្តសៀមរាប ៖ ម្ចាស់រថយន្តដឹកទំនិញមួយគ្រឿង ធ្វើដំណើរចេញមកពីស្រុកសូទ្រនិគម ខេត្តសៀម រាប ឆ្ពោះយកទៅឱ្យបោះម៉ូយតាមតូបលក់ ចាប់ហួយ លើដងផ្លូវជាតិលេខ៦ ត្រូវបានភ្លើងឆាបឆេះចេញទ្រុងដាក់ទំនិញអស់ ទាំងស្រុង សំណាងល្អមិនបណ្តាលឱ្យឆ្លងរាលដាល ឬរងគ្រោះថ្នាក់ដល់មនុស្សណាម្នាក់ឡើយ ។
ហេតុការណ៍ខាងលើនេះបង្កការភ្ញាក់ផ្អើលពេញផ្លូវជាតិកាលពីវេលាម៉ោង១២និង៥២នាទីថ្ងៃត្រង់ ថ្ងៃ ទី៤ ខែកុម្ភៈ ឆ្នាំ២០២៣ រលត់ទៅវិញនៅម៉ោង១និង៣០នាទីរសៀល តាមបណ្ដោយផ្លូវជាតិលេខ៦ ចម្ងាយពីអធិការ៣គីឡូមែត្រ ស្ថិតនៅភូមិរលួសខាងលិច ឃុំរលួស ស្រុកប្រាសាទបាគង ខេត្តសៀមរាប។
បើតាមប្រភពពីលោក សូរ ប្លាតុង អភិបាលស្រុកប្រាសាទបាគង បានប្រាប់តាមតេឡេក្រាម កាលពី វេលាម៉ោង៩និង៥៥នាទីយប់ថ្ងៃទី៤ ខែកុម្ភ: ឆ្នាំ២០២៣ ម្សិលមិញនេះថា ម្ចាស់រថយន្តខាងលើឈ្មោះ មាស ពៅ ភេទប្រុស អាយុ៦៤ឆ្នាំ រស់នៅភូមិសំរោង ឃុំសំរោង ស្រុកសូទ្រនិគម ខេត្តសៀមរាប បានបើករថយន្តដឹកទំនិញមួយគ្រឿង ម៉ាកហ៊ីយ៉ាន់ដាយ ពណ៌បៃតង ពាក់ស្លាកលេខ សៀមរាប 2C-0373 ត្រូវបានភ្លើងឆាបឆេះអស់ទាំងស្រុង ។ លោកបញ្ជាក់ថា ក្នុងករណីឆេះរថយន្តខាងលើ បណ្តាលឱ្យរងការខូចខាតឆេះទូរទឹកកកចំនួន១គ្រឿង, ឆេះម៉ាស៊ីនបោកខោអាវចំនួន១គ្រឿង, ឆេះចំណីត្រីចំនួន១០ការុង, សាំងក្រអូបចំនួន១០ប៊ីដុង, ស្ព្រាយថ្នាំពណ៍ចំនួន៥០កំប៉ុង, ឆេះសំបករថយន្ត ឆេះសម្ភារៈគ្រឿងបំឡាស់រថយន្ត និងគ្រឿងបន្លាស់ម៉ូតូជាច្រើនទៀត សរុបជាទឹកប្រាក់អស់ជាង២ម៉ឺនដុល្លា។
ករណីអគ្គីភ័យកើតឡើងនេះមិនបានធ្វើឱ្យប៉ះពាល់ដល់ហ្គារាសសាំង ឬផ្ទះដែលនៅជិតខាងនោះទេ។ដោយមានកម្លាំងប៉ុស្តិ៍នៃអធិការដ្ឋាននគរបាលស្រុកប្រាសាទបាគង, កម្លាំងប្រជាការពារ, ម្ចាស់ផ្ទះ និងប្រជាពលរដ្ឋបានជួយពន្លត់ទាន់។
ក្នុងពេលកំពុងកើតហេតុ មានរថយន្ដពន្លត់អគ្គីភ័យរបស់អធិការនគរបាលស្រុកប្រាសាទបាគង បានចេញជួយអន្តរាគមន៍ចំនួន១គ្រឿង, ប្រើប្រាស់ទឹកអស់ចំនួន១រថយន្ដ ទើបរលត់ទៅវិញ។
ចំពោះមូលហេតុមកពីផ្ទុះកំប៉ុងស្ព្រាយថ្នាំពណ៍ និងសាំងក្រអូបដែលនៅជិតគ្នា បណ្ដាលឆេះតែម្ដង។
បច្ចុប្បន្នរថយន្តដឹកទំនិញ ត្រូវអគ្គិភ័យឆាបឆេះអស់ទាំងស្រុង ព្រមទាំងសម្ភារៈជាច្រើនទៀត សរុប ទឹកប្រាក់អស់ប្រមាណជាង២ម៉ឺនដុល្លារ ៕
ចែករំលែកព័តមាននេះ