ខេត្តព្រៃវែង ៖ អាគាររដ្ឋបាលសាលាឃុំរាធរ ដែលស្ថិតនៅក្នុងស្រុកព្រះស្តេច ខេត្តព្រៃវែង ដែលត្រូវបានអគ្គិភ័យលេបត្របាក់ក្លាយទៅជាផេះផង់ គ្មានសល់អ្វី សូម្បីតែបន្តិច កាលពីយប់ថ្ងៃទី០៤ ខែកក្កដា កន្លងមកនេះ ពេលនេះកំពុងត្រូវបានសាងសង់ឡើងវិញហើយ ដើម្បីបង្កលក្ខណៈងាយស្រួលក្នុងការបម្រើសេវាសាធារណជូនប្រជាពលរដ្ឋ នៅក្នុងឃុំរាធរទាំងមូល ។
ខេត្តព្រៃវែង ៖ អាគាររដ្ឋបាលសាលាឃុំរាធរ ដែលស្ថិតនៅក្នុងស្រុកព្រះស្តេច ខេត្តព្រៃវែង ដែលត្រូវបានអគ្គិភ័យលេបត្របាក់ក្លាយទៅជាផេះផង់ គ្មានសល់អ្វី សូម្បីតែបន្តិច កាលពីយប់ថ្ងៃទី០៤ ខែកក្កដា កន្លងមកនេះ ពេលនេះកំពុងត្រូវបានសាងសង់ឡើងវិញហើយ ដើម្បីបង្កលក្ខណៈងាយស្រួលក្នុងការបម្រើសេវាសាធារណជូនប្រជាពលរដ្ឋ នៅក្នុងឃុំរាធរទាំងមូល ។
លោក សួន វន្ថន ជំទប់ទី១ ឃុំរាធរ បានឲ្យដឹងថា ៖ អគារសាលាឃុំថ្មីនេះ គឺសាងសង់ឡើង ពីគ្រឿងដែកទាំងស្រុង ដោយមានទំហំទទឹង៥ម៉ែត្រ បណ្តោយ៦ម៉ែត្រ និងកំពស់៤.៩៥ម៉ែត្រ ដោយប្រើថវិកាសរុបចំនួន១៧៣០ដុល្លារ ឧបត្ថម្ភទាំងស្រុង ដោយសប្បុរសជននៅសហរដ្ឋអាមេរិក និងបានចាប់ផ្តើមសាងសង់កាលពីថ្ងៃទី២៨ ខែកក្កដា នេះ ហើយគ្រោងនឹងបញ្ចប់រួចរាល់ជាស្ថាពរនៅថ្ងៃទី០៤ ខែសីហា ខាងមុខនេះ ព្រមទាំងធ្វើពិធីសម្ភោធដាក់ឲ្យប្រើប្រាស់ជាផ្លូវការ នៅព្រឹកថ្ងៃទី៥ ដែសីហា តែម្តង ។
លោក ឈៀង ប៊ូ មេឃុំថ្មី នៃឃុំរាធរនេះ បានឲ្យដឹងថា ៖ ថ្វីត្បិតយើងទទួលបានអគារសាលាឃុំថ្មីពីសប្បុរសជននៅអាមេរិកក្តី ប៉ុន្តែមកដល់ពេលនេះសាលាឃុំក៏នៅតែមានបញ្ហាប្រឈមមួយចំនួនទៀតផងដែរ នោះគឺបញ្ហាកង្វះខាតផ្នែកសម្ភារប្រើប្រាស់នៅក្នុងសាលាឃុំ ដូចជាទូដាក់ឯកសារ តុកៅអីធ្វើការ សម្រាប់ក្រុមប្រឹក្សា និងសម្រាប់ប្រជុំ ផ្ទាំងសូឡាអគ្គិសនី ព្រមទាំងកុំព្យូទ័រ និងម៉ាស៊ីនព្រីនជាដើម ជាពិសេសនោះ គឺសៀវភៅអត្រានុកូលដ្ឋាន សម្រាប់ចុះបញ្ជីជូនបងប្អូនប្រជាពលរដ្ឋ ។
ពាក់ពន្ធ័នឹងបញ្ហាកង្វះខាតសម្ភារប្រើប្រាស់ទាំងនេះ លោកមេឃុំបានបញ្ជាក់ប្រាប់ថា ៖ លោក និងក្រុមប្រឹក្សាទាំង៥នាក់ ធ្លាប់បានធ្វើលិខិតស្នើសុំទៅថ្នាក់លើរួចហើយ ប៉ុន្តែពុំបានលទ្ធផលដោយថ្នាក់លើឆ្លើយតបថា គ្មានអ្វីជួយនោះទេ ។ លោកមេឃុំបានបញ្ជាក់ថា ៖ ចំពោះរឿងសម្ភារផ្សេងៗ ដោយត្រូវប្រើប្រាស់ថវិកាទិញនោះ ថ្នាក់លើថាគ្មានអ្វីជួយលោកក៏យល់ដែរ ហើយលោកអាចអំពាវនាវស្នើសុំតាមរយៈសប្បុរសជនក៏បាន ប៉ុន្តែរឿងសៀវភៅអត្រានុកូលដ្ឋាននោះ គឺគ្មានលក់នៅលើទីផ្សារទេ ហើយវាមានសារៈសំខាន់ និងចាំបាច់ណាស់ នៅក្នុងសាលាឃុំ លើការចុះបញ្ជីពីការកើត រៀបការ និងមរណៈភាព របស់ប្រជាពលរដ្ឋ ដូច្នេះលោកស្នើសុំឲ្យថា្នក់លើទាំងស្រុក និងខេត្ត មេត្តាជួយជំរុញ នឹងដោះស្រាយបញ្ហានេះផង ធ្វើយ៉ាងណាជួយផ្តល់សៀវភៅនេះឲ្យសាលាឃុំរាធរ ឲ្យបានឆាប់ៗ ។
ឆ្លើយតបចំពោះបញ្ហានេះ លោក ប៉ិច សុង អភិបាលស្រុកព្រះស្តេច បានអះអាងថា ៖ លោកបានទទួលសំណើរពីលោកមេឃុំហើយ រឿងសុំសៀវភៅអត្រានុកូលដ្ឋាននេះ លោកក៏បានបញ្ជូនសំណើរនេះទៅខេត្ត ខាងខេត្តក៏បានបញ្ជូនបន្តទៅក្រសួងហើយដែរ ហើយតាមដឹង គឺមិនលើសពីកន្លះខែទៀតទេ សាលាឃុំរាធរ និងទទួលបានសៀវភៅនេះហើយ ៕
ចែករំលែកព័តមាននេះ