អាមេរិកចោទចិន រឿងបង្ហោះបាឡុងចារកម្មលើទីតាំងសំខាន់របស់ខ្លួន
សហរដ្ឋអាមេរិក ៖ សហរដ្ឋអាមេរិក កំពុងតាមដានបាឡុងចារកម្មរយៈកម្ពស់ខ្ពស់របស់ចិន ដែលត្រូវ
សហរដ្ឋអាមេរិក ៖ សហរដ្ឋអាមេរិក កំពុងតាមដានបាឡុងចារកម្មរយៈកម្ពស់ខ្ពស់របស់ចិន ដែលត្រូវបានប្រទះឃើញហោះលើទីតាំងរសើបរបស់ខ្លួន ក្នុងប៉ុន្មានថ្ងៃថ្មីៗនេះ។ នេះបើតាមការអះអាងពីសំណាក់មន្ត្រីការពារជាតិជាន់ខ្ពស់អាមេរិកមួយរូប កាលពីថ្ងៃទី០២ ខែកុម្ភៈ កន្លងទៅ។
មន្ទីរបញ្ចកោណបានកំពុងតាមដានបាឡុងចារកម្ម ដែលត្រូវបានអះអាងថាជារបស់ចិន អស់ពេលជាច្រើនថ្ងៃមកហើយ ខណៈវត្ថុនោះ បានហោះពីលើកោះ Aleutian នៃរដ្ឋអាឡាស្កា និងកាត់តាមប្រទេសកាណាដា មុនបង្ហាញខ្លួននៅលើទីក្រុង Billings នៅក្នុងរដ្ឋម៉ុនតាណា (Montana) កាលពីថ្ងៃទី០១ ខែកុម្ភៈ កន្លងទៅ។
ម៉ុនតាណា ជារដ្ឋភាគខាងលិច ដែលមានប្រជាជនតិច និងជាទីជម្រកនៃកន្លែងផលិតកាំជ្រួចនុយក្លេអ៊ែរមួយក្នុងចំណោម៣កន្លែងនៅសហរដ្ឋអាមេរិក នៅឯមូលដ្ឋានទ័ពអាកាស Malmstrom ហើយក្រុមមន្ត្រីបាននិយាយថា បាឡុងចារកម្ម ជាក់ស្តែងកំពុងហោះពីលើទីតាំងរសើប ដើម្បីប្រមូលព័ត៌មាន។
ឧត្តមសេនីយ៍ Patrick Ryder មន្ត្រីការពារជាតិជាន់ខ្ពស់អាមេរិក ដែលបម្រើការជាលេខាធិការព័ត៌មានមន្ទីរបញ្ចកោណ បាននិយាយថា «យើងមានទំនុកចិត្តថា បាឡុងចារកម្មរយៈកម្ពស់ខ្ពស់នេះ ជារបស់សាធារណរដ្ឋប្រជាមានិតចិន។ បច្ចុប្បន្នបាឡុងនេះ កំពុងធ្វើដំណើរក្នុងរយៈកម្ពស់ខ្ពស់ពីលើចរាចរណ៍ផ្លូវអាកាសពាណិជ្ជកម្ម ហើយមិនបង្ហាញពីការគំរាមកំហែងផ្នែកយោធា ឬជនស៊ីវិលណាម្នាក់នោះទេ»។
យោធាអាមេរិក សម្រេចចិត្តបដិសេធការបា.ញ់ទម្លាក់បាឡុងនោះ ប៉ុន្តែរដ្ឋាភិបាលបានរៀបចំយន្តហោះចម្បាំង រួមទាំងយន្តហោះ F-22 ក្នុងករណីដែលសេតវិមានបញ្ជាឱ្យមានការបា.ញ់ទម្លាក់វត្ថុនោះ ខណៈដែលផ្លូវហោះហើររបស់វា ស្ថិតលើទីតាំងរសើបមួយចំនួន។
លោក Ryder បាននិយាយថា វាមិនបង្ហាញហានិភ័យនៃការប្រមូលផ្តុំព័ត៌មានសម្ងាត់ដ៏សំខាន់នោះទេ ដោយសារតែមន្ត្រីអាមេរិកដឹងច្បាស់ថា បាឡុងនេះ នៅទីណា និងច្បាស់ថា វាឆ្លងទៅណា ប៉ុន្តែវាត្រូវបានវាយតម្លៃថា មានតម្លៃបន្ថែម សម្រាប់ការកំណត់តាមទស្សនៈនៃការប្រមូលព័ត៌មានសម្ងាត់។ អាមេរិកជឿថា ផ្កាយរណបចារកម្មចិន នៅក្នុងគន្លងផែនដីទាប មានសមត្ថភាពផ្តល់ភាពវៃឆ្លាតស្រដៀងគ្នា ឬប្រសើរជាងនេះ ដោយកំណត់តម្លៃនៃអ្វីដែលទីក្រុងប៉េកាំង អាចប្រមូលបានពីបាឡុងកម្ពស់ខ្ពស់ ដែលមានទំហំប៉ុនឡានក្រុងចំនួន៣គ្រឿង។
ដោយឡែក បើយោងតាមប្រភពពីសារព័ត៌មាន BBC នៅថ្ងៃទី០៣ ខែកុម្ភៈ នេះ បានរាយការណ៍ថា ពាក់ព័ន្ធបញ្ហានេះ ភាគីចិនមិនទាន់ធ្វើការអត្ថាធិប្បាយណាមួយ ជុំវិញការចោទប្រកាន់នេះ នៅឡើយទេ។ ស្របពេលប្រធានាធិបតីសហរដ្ឋអាមេរិក លោក Joe Biden ត្រូវបានរាយការណ៍ដោយសង្ខេបអំពីស្ថានភាពមួយនេះ៕ (ដកស្រង់ចេញពី CNN និង BBC)
ចែករំលែកព័តមាននេះ