អាមេរិក-ឥណ្ឌា ចាប់ផ្តើមភាពជាដៃគូផ្តោតលើអាវុធ និង AI ដើម្បីប្រកួតប្រជែងជាមួយចិន
សហរដ្ឋអាមេរិក ៖ យោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃទី០១ ខែ
សហរដ្ឋអាមេរិក ៖ យោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃទី០១ ខែ
សហរដ្ឋអាមេរិក ៖ យោងតាមប្រភពពីទីភ្នាក់ងារសារព័ត៌មាន Reuters ចេញផ្សាយកាលពីថ្ងៃទី០១ ខែកុម្ភៈ បានឱ្យដឹងថា សហរដ្ឋអាមេរិក បានចាប់ផ្តើមភាពជាដៃគូជាមួយប្រទេសឥណ្ឌា ដែលលោកប្រធានាធិបតី Joe Biden សង្ឃឹមថា នឹងជួយដល់ប្រទេសនានា ក្នុងការប្រកួតប្រជែងជាមួយនឹងប្រទេសចិន លើឧបករណ៍យោធា ឧបករណ៍អេឡិចត្រូនិក និង AI (បញ្ញាសិប្បនិម្មិត)។
ទីក្រុងវ៉ាស៊ីនតោន ចង់ដាក់ពង្រាយបណ្តាញទូរស័ព្ទចល័តលោកខាងលិចបន្ថែមទៀត នៅក្នុងឧបទ្វីប ដើម្បីទប់ទល់នឹងបច្ចេកវិទ្យាក្រុមហ៊ុន Huawei របស់ចិន តាមរយៈការស្វាគមន៍អ្នកជំនាញផ្នែកបន្ទះឈីបកុំព្យូទ័ររបស់ឥណ្ឌាកាន់តែច្រើន មកកាន់សហរដ្ឋអាមេរិក និងលើកទឹកចិត្តក្រុមហ៊ុននៃប្រទេសទាំងពីរ សហការលើឧបករណ៍យោធាដូចជា ប្រព័ន្ធកាំភ្លើងធំជាដើម។
លោក Jake Sullivan ទីប្រឹក្សាសន្តិសុខជាតិអាមេរិក និងលោក Ajit Doval ទីប្រឹក្សាសន្តិសុខជាតិឥណ្ឌា បានជួបជាមួយនឹងមន្ត្រីជាន់ខ្ពស់នៃប្រទេសទាំងពីរ នៅឯសេតវិមាន កាលពីថ្ងៃទី៣១ ខែមករា កន្លងទៅ ដើម្បីចាប់ផ្តើមគំនិតផ្តួចផ្តើម អាមេរិក-ឥណ្ឌាស្តីពីបច្ចេកវិទ្យាសំខាន់ៗ ដែលកំពុងកើតមាន។
លោក Sullivan បានថ្លែងថា «បញ្ហាប្រឈមដ៏ធំ ដែលបង្កឡើងដោយប្រទេសចិន រួមមានការអនុវត្តសេដ្ឋកិច្ចរបស់ខ្លួន ចលនាយោធាដ៏ឈ្លានពាន កិច្ចខិតខំប្រឹងប្រែង ដើម្បីគ្រប់គ្រងឧស្សាហកម្មនាពេលអនាគត និងខ្សែសង្វាក់ផ្គត់ផ្គង់នាពេលអនាគត បានជះឥទ្ធិពលយ៉ាងខ្លាំង ដល់ការគិតរបស់ឥណ្ឌា»។
កាលពីថ្ងៃទី០១ ខែកុម្ភៈ កន្លងទៅ លោក Sullivan រួមនិងលោក Doval បានចូលរួមក្នុងព្រឹត្តិការណ៍សភាពាណិជ្ជកម្មជាមួយនឹងអ្នកដឹកនាំសាជីវកម្មមកពីក្រុមហ៊ុន Lockheed Martin Corp, Adani Enterprises និង Applied Materials Inc. ខណៈពេលដែលឥណ្ឌា គឺជាផ្នែកមួយដ៏សំខាន់នៃគម្រោងការចូលរួមអាស៊ីហត្ថលេខី របស់រដ្ឋបាលលោក Biden សម្រាប់ក្របខ័ណ្ឌសេដ្ឋកិច្ចឥណ្ឌូប៉ាស៊ីហ្វិក (IPEF) ដែលគំនិតផ្តួចផ្តើមនេះ ក៏រួមបញ្ចូលផងដែរ នូវកិច្ចខិតខំប្រឹងប្រែងរួមគ្នាលើលំហ និងការគណនាកង់ទិច ដែលមានប្រសិទ្ធភាពខ្ពស់។
ទន្ទឹមនឹងនេះផងដែរ ក្រុមហ៊ុន General Electric ក៏កំពុងស្នើសុំរដ្ឋាភិបាលសហរដ្ឋអាមេរិក សម្រាប់ការអនុញ្ញាតឱ្យមានការផលិតម៉ាស៊ីនយន្តហោះជាមួយនឹងប្រទេសឥណ្ឌា។ នេះបើយោងតាមប្រភពពីសេតវិមាន ដែលបានបញ្ជាក់ថា ការពិនិត្យឡើងវិញ កំពុងតែដំណើរការ៕
ចែករំលែកព័តមាននេះ