ADផ្ទាំងផ្សព្វផ្សាយពាណិជ្ជកម្ម

Picture

ចាប់ពីខែតុលា ឆ្នាំ២០២២ ក្រុមហ៊ុនអាជីវកម្មរ៉ែមាសចិនមួយបានចម្រាញ់មាសសុទ្ធក្នុងខេត្តក្រចេះបាន៦៧.៥៣គីឡូក្រាម

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ ចាប់ពី​ខែតុលា ឆ្នាំ​២០២២ មក​ដល់​បច្ចុប្បន្ន ក្រុមហ៊ុន​អាជីវកម្ម​រុករក​រ៉ែ​មាស​មួយ​របស់​ប្រទេស​ចិន​បាន​ធ្វើការ​រុករក​រ៉ែ​មាស និង​ចម្រាញ់​មាស​បាន​៦៧.៥៣​គីឡូក្រាម​។​នេះ​បើ​តាម​អភិបាលខេត្ត​ក្រចេះ​។ ឯកឧត្តម វ៉ា ថន…

រាជធានី​ភ្នំពេញ ៖ ចាប់ពី​ខែតុលា ឆ្នាំ​២០២២ មក​ដល់​បច្ចុប្បន្ន ក្រុមហ៊ុន​អាជីវកម្ម​រុករក​រ៉ែ​មាស​មួយ​របស់​ប្រទេស​ចិន​បាន​ធ្វើការ​រុករក​រ៉ែ​មាស និង​ចម្រាញ់​មាស​បាន​៦៧.៥៣​គីឡូក្រាម​។​នេះ​បើ​តាម​អភិបាលខេត្ត​ក្រចេះ​។

ឯកឧត្តម វ៉ា ថន គណៈ​អភិបាល​នៃ​គណៈ​អភិបាលខេត្ត​ក្រចេះ​បាន​លើក​ឡើង​ថា ក្នុង​សន្និសីទ​សារព័ត៌មាន​នា​ព្រឹក ថ្ងៃ​ទី​៣១ មក​រា ឆ្នាំ​២០២៣ នៅ​ទីស្តីការគណៈរដ្ឋមន្ត្រី​បាន​បញ្ជាក់​ថា ៖«​ជា​ការ​ចាប់អារម្មណ៍​ក្រុមហ៊ុន​រ៉ែ​មាស​១ ដែល​វិនិយោគ​មក​ពី​ប្រទេស​ចិន​ស្ថិត​ក្នុងស្រុក​សំ បូ​ខេត្តក្រចេះ បាន​ចម្រាញ់​មាស​សុទ្ធ​ចាប់ ពី​ខែតុលា​ឆ្នាំ​២០២២​ដល់​បច្ចុប្បន្ន​បាន​៦៧.៥៣​គីឡូក្រាម​»​។

ឯកឧត្តម​បន្ត​ថា កាលពី​ចុងឆ្នាំ​២០២២ ឯកឧត្តម ស៊ុ​យ សែ​ម រដ្ឋមន្ត្រីក្រសួង​រ៉ែ និង​ថាមពល និង​ឯកឧត្តម​បាន​ចុះ​ទៅ​ទី​ទាំង​ក្រុមហ៊ុន​ឆ្លង​មាស​នេះ​ផ្ទាល់​ផង​ដែរ​។យ៉ាងណា​ក្តី នៅ​ខេត្តក្រចេះ​ការ​ធ្វើ​អាជីវកម្ម​រ៉ែ​មាស​មាន​ចំនួន​តិច​ជាង​ការ​ធ្វើ​អាជីវកម្ម​រ៉ែ​មាស​នៅ​ខេត្តមណ្ឌលគិរី​។​ប៉ុន្តែ​យ៉ាងណា​ក្តី​ការ​ធ្វើ​អាជីវកម្ម​នេះ​បាន​ស្រូប​យក​ថវិកា​ចូលជាតិ​ផង​ដែរ​។

ឯកឧត្តម​អភិបាលខេត្ត​ក៏​បាន​លើក​ឡើង​ថា ខេត្តក្រចេះ​មាន​សក្តានុពល​លើក​វិស័យ​ធនធានធម្មជាតិ ដូច​ជា វិស័យ​រ៉ែ​ថ្មី​ក្រា​នី​ត ស្ថិត​នៅ​ក្នុងភូមិ​សាស្ត្រ​ស្រុក​ឈ្នួល ស្រុក​ជិន​បុរី និង​ស្រុក​សំបូរ​។

នៅ​ក្នុង​ខេត្តក្រចេះ​មាន​ក្រុមហ៊ុន​រុករក និង​ស្វែងរក​រ៉ែ​ចំនួន​៦១​ក្រុមហ៊ុន​ស្មើរ​នឹង​៦ និង​៥​អាជ្ញាប័ណ្ណ ក្រុមហ៊ុន​ស្រាវជ្រាវ​រ៉ែ​លោហៈ​ចំនួន​៥​ក្រុមហ៊ុន ស្មើ​៦​អាជ្ញាប័ណ្ណ ក្រុមហ៊ុន អាជីវកម្ម​រ៉ែ​មាស ១​ក្រុមហ៊ុន ការ​រ​ដ្ឋា​ន​វា​.​យ​ថ្ម​ចំនួន​២៥​ក្រុមហ៊ុន​ស្មើ​២៨​អាជ្ញាប័ណ្ណ និង​ក្រុមហ៊ុន​គ្រោះ​ខ្សាច់ ៨​ក្រុមហ៊ុន​។

ជាមួយ​គ្នា​នោះ​ដែរ ឯកឧត្តម​អភិបាលខេត្ត​បាន​លើក​ឡើង​ថា ខេត្ត​កំពុង​តែ​ជំរុញ​ការ​អភិវឌ្ឍ​តំបន់​វិស័យ​ទេសចរណ៍​ដែល​មាន​ចំនួន​២១​កន្លែង នៅ​ក្នុង​នោះ​មាន​រោម​ណី​យ​ដ្ឋា​ន​ប្រវត្តិសាស្ត្រ​៦​កន្លែង រម​នី​យ​ដ្ឋា​ន​ធម្មជាតិ​១១​កន្លែង រម​នី​យ​ដ្ឋា​ន​វប្បធម៌​ធម្មជាតិ​១​កន្លែង រម​នី​យ​ដ្ឋា​ន​កែ​ច្នៃ​៣​កន្លែង និង​រម​នី​យ​ដ្ឋា​ន​បំរុង​ទុក​១​កន្លែង​។

ឯកឧត្តម​អភិបាលខេត្ត​ក៏​បាន​លើក​ឡើង​ថា នៅ​ក្នុង​ខេត្តក្រចេះ​មាន​ធនធាន​ដ៏​កម្រ គឺ​សត្វ​ផ្សោត ដែល​ត្រូវ​បាន​គ្រប់គ្រង​អភិរក្ស​ដែល​បច្ចុប្បន្ន​មាន​សត្វ​ផ្សោតរ​ស់មាន​ចំនួន​ប្រមាណ​៨០​ក្បាល ហើយ​តំបន់​នោះ​ត្រូវ​បាន​អភិវឌ្ឍន៍ និង​រៀបចំ​រម​នី​យ​ដ្ឋា​ន​ទេសចរណ៍ ហើយ​បាន​កំពុង​ទាក់ទាញ​អ្នក​ទេ​ចរណ៍​ជាតិ និង​អន្តរជាតិ និង​មាន​កំណើន​ជា​រៀង​រាល់​ឆ្នាំ​។

ក្រៅពី​នេះ ខេត្តក្រចេះ​ក៏​មាន​សណ្ឋាគារ​១៥​កន្លែង ផ្ទះសំណាក់​៥២​កន្លែង រមណីយដ្ឋាន​អាហារ​ដ្ឋា​ន​១៥៥​កន្លែង សេវា​កម្សាន្ត​មនុស្ស​ពេញវ័យ​២៣​កន្លែង ហាង​ម៉ាស្សា​១១​កន្លែង​។ នៅ​ក្នុង ឆ្នាំ​២០២២​ខេត្តក្រចេះ​បាន​ទទួលភ្ញៀវ​ទេសចរ​ចំនួន​៣៦៣ ៩៨២​ក្នុង​នោះ ភ្ញៀវ​ទេចរ​អន្តរជាតិ​៧០៦៥​នាក់ និង​ភ្ញៀវ​ទេសចរ​ជាតិ​៣៥៦១១៧​នាក់​៕

អត្ថបទសរសេរ ដោយ

កែសម្រួលដោយ