លោកស្រី ថុង សុវណ្ណរង្សី ត្រូវបានជ្រើសតាំងជាអគ្គលេខាធិការក្លិបអ្នកកាសែតកម្ពុជា
- ភ្នំពេញ
ភ្នំពេញ៖ លោកស្រី ថុង សុវណ្ណរង្សី អគ្គនាយិកាសារព័ត៌មាន កោះសន្តិភាព ត្រូវបានជ្រើសតាំងជាអគ្គលេខាធិការក្លិបអ្នកកាសែតកម្ពុជា។ លោកស្រី ថុង វណ្ណរង្សី…
ភ្នំពេញ៖ លោកស្រី ថុង សុវណ្ណរង្សី អគ្គនាយិកាសារព័ត៌មាន កោះសន្តិភាព ត្រូវបានជ្រើសតាំងជាអគ្គលេខាធិការក្លិបអ្នកកាសែតកម្ពុជា។ លោកស្រី ថុង វណ្ណរង្សី…
ភ្នំពេញ៖ លោកស្រី ថុង សុវណ្ណរង្សី អគ្គនាយិកាសារព័ត៌មាន កោះសន្តិភាព ត្រូវបានជ្រើសតាំងជាអគ្គលេខាធិការក្លិបអ្នកកាសែតកម្ពុជា។ លោកស្រី ថុង វណ្ណរង្សី បានក្លាយជាសមាជិកគណៈកម្មាធិការនាយកក្លិបអ្នកកាសែតកម្ពុជា ២អាណត្តិរួចមកហើយ គិតចាប់ពីឆ្នាំ២០១៧។
ក្នុងអាណត្តិទី៧ រយៈពេល ៣ឆ្នាំ ចាប់ពីឆ្នាំ២០២៣-២០២៦ លោកស្រី ថុង សុវណ្ណរង្សី ក៏ត្រូវបានសមាជិកក្លិបអ្នកកាសែតកម្ពុជា បានបោះឆ្នោតជ្រើសតាំងជាសមាជិកគណៈកម្មាធិការនាយក ក្លិបអ្នកកាសែតកម្ពុជា ជាមួយនឹងសមាជិកគណៈកម្មាធិការនាយក ៨រូបផ្សេងទៀត។
ការបោះឆ្នោតជ្រើសតាំងគណៈកម្មាធិការនាយកក្លិបអ្នកកាសែតកម្ពុជា ៩រូប ត្រូវបានធ្វើឡើង កាលពីរសៀលថ្ងៃទី២៧ ខែមករា ឆ្នាំ២០២៣ នៅភោជនីយដ្ឋាន បឹងមាស នៅជ្រោយចង្វា ក្នុងរាជធានីភ្នំពេញ។ ក្រោយកិច្ចប្រជុំបោះឆ្នោតនេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានអញ្ជើញជាអធិបតីក្នុងពិធីជួបជុំអាហារសាមគ្គី ដែលរៀបចំដោយក្លិបអ្នកកាសែតកម្ពុជា។
គណៈកម្មាធិការនាយកថ្មី របស់ក្លិបអ្នកកាសែតកម្ពុជា សម្រាប់អាណត្តិទី៧ ឆ្នាំ២០២៣-២០២៦ ដែលត្រូវបានបោះឆ្នោតជ្រើសតាំង នាល្ងាចថ្ងៃទី២៧ ខែមករា ឆ្នាំ២០២៣ រួមមាន៖ ១-លោក ខៀវ កូឡា ស្ថាបនិកក្លិបអ្នកកាសែតកម្ពុជា ២-លោក ជេត សន ស្ថាបនិកក្លិបអ្នកកាសែតកម្ពុជា ៣-លោកស្រី ថុង សុវណ្ណរង្សី អគ្គនាយិកាសារព័ត៌មានកោះសន្តិភាព ៤-លោក ទាវ សារៈមុនី និពន្ធនាយកសារព័ត៌មានរស្មីកម្ពុជា ៥-លោក នៅ សុភ័ស្ស នាយកសារព័ត៌មាន Click News នៃ CBS ៦-លោក ពុយ គា ប្រធានអ្នកឆ្លើយឆ្លងឱ្យទីភ្នាក់ងារសារព័ត៌មានជប៉ុន ក្យូដូ ៧-កញ្ញា យ៉ាន់ លីណា នាយិកាវិទ្យុវាយោ FM ៨-លោក លាង ដឺលុច សហស្ថាបនិកសារព័ត៌មានថ្មីៗ និង៩-លោក សៅ ភិរុណ អគ្គនាយករង BTV។
ក្រោយសមាជិកក្លិបអ្នកកាសែតកម្ពុជា បានបោះឆ្នោតជ្រើសតាំងសមាជិកគណៈកម្មាធិការនាយកថ្មី ទាំង ៩រូបរួចមក គណៈកម្មាធិការនាយកទាំង ៩រូប បានជួបប្រជុំគ្នា ហើយបានសម្រេចជ្រើស តាំងលោក ពុយ គា ជាប្រធានក្លិបអ្នកកាសែតកម្ពុជា ហើយលោកស្រី ថុង សុវណ្ណរង្សី ជាអគ្គលេខាធិការក្លិបអ្នកកាសែតកម្ពុជា។ ក្នុងនោះ លោក ខៀវ កូឡា ក៏ត្រូវបានជ្រើសតាំងបន្ថែមជាទីប្រឹក្សារបស់ប្រធានក្លិបអ្នកកាសែតកម្ពុជា ផងដែរ៕
ចែករំលែកព័តមាននេះ