ចក្រភពអង់គ្លេស និងសហរដ្ឋអាមេរិក នឹងចាប់ផ្តើមចរចាក្រៅផ្លូវការមួយទាក់ទិននឹងកិច្ចព្រមព្រៀងពាណិជ្ជកម្ម គ្រាដែលមន្ត្រីអង់គ្លេស បានមកកាន់ទីក្រុងវ៉ាស៊ីនតោន កាលពីថ្ងៃចន្ទ ។
ប្រធានាធិបតីអាមេរិក
ចក្រភពអង់គ្លេស និងសហរដ្ឋអាមេរិក នឹងចាប់ផ្តើមចរចាក្រៅផ្លូវការមួយទាក់ទិននឹងកិច្ចព្រមព្រៀងពាណិជ្ជកម្ម គ្រាដែលមន្ត្រីអង់គ្លេស បានមកកាន់ទីក្រុងវ៉ាស៊ីនតោន កាលពីថ្ងៃចន្ទ ។
ប្រធានាធិបតីអាមេរិកលោក ដូណាល់ ត្រាំ (Donald Trump) សង្ឃឹមថា នឹងអាចមានកិច្ចព្រមព្រៀងដ៏ធំ និងដ៏រឹងមាំមួយដែលផ្តល់អត្ថប្រយោជន៍ដល់ប្រទេសទាំងពីរក្នុងពេលយ៉ាងឆាប់ៗនេះ ។
កិច្ចព្រមព្រៀងបែបនេះគឺជាគុណប្រយោជន៍ដ៏ធំសម្រាប់ចក្រភពអង់គ្លេស។ ប្រទេសនេះជឿជាក់ថា ការចាកចេញពីសហភាពអឺរ៉ុបនឹងបញ្ចេញសក្តានុពលពាណិជ្ជកម្មរបស់ពួកគេ ព្រោះវាមានភាពងាយស្រួលក្នុងការសម្រេចកិច្ចព្រមព្រៀងទ្វេភាគីជាងរងចាំប្រទេសចំនួន២៧ទៀតសម្រេចចិត្ត ។
យ៉ាងណាក្តី អ្នកជំនាញបាននិយាយថាកិច្ចព្រមព្រៀងដូច្នេះ គឺមិនអាចកើតមានឡើងទេ ។ ខាងក្រោមនេះគឺជាមួលហេតុមួយចំនួនដែលធ្វើឲ្យវាមានភាពលំបាកក្នុងការសម្រេចបាន ៖
១-Brexit សំខាន់ជាងគេ
បើទោះជាអ្នកចរចាអាចសម្រេចកិច្ចព្រមព្រៀងមួយបានយ៉ាងលឿនពិតមែន ក៏ប្រទេសអង់គ្លេសមិនទាន់អាចចុះហត្ថលេខាលើវាបានភ្លាមៗដែរ ។ មូលហេតុគឺមកពីចក្រភពអង់គ្លេសនៅតែជាសមាជិករបស់សហភាពអឺរ៉ុបរហូតដល់ខែមីនាឆ្នាំ២០១៩ ដូច្នេះប្រទេសនេះមិនអាចសម្រេចកិច្ចព្រមព្រៀងថ្មីបានទេ លុះត្រាតែពួកគេចាកចេញជាផ្លូវការ ។
ក្នុងពេលជាមួយគ្នានេះ អ្នកជំនាញធំៗរបស់ប្រទេសអង់គ្លេស នឹងប្រើប្រាស់រយៈពេលប៉ុន្មានខែខាងមុខ ព្យាយាមសម្រេចព័ត៌មានលម្អិតទាក់ទិននឹងទំនាក់ទំនងពាណិជ្ជកម្មរបស់ប្រទេសជាមួយនឹងសហភាពអឺរ៉ុបដែលជាទីផ្សារនាំចេញធំជាងគេរបស់ប្រទេស ។
២-កង្វះអ្នកជំនាញ
ការចាកចេញពីសហភាពអឺរ៉ុប មានន័យថា ប្រទេសអង់គ្លេសនឹងមិននៅក្នុងសន្ធិសញ្ញាប្រមាណ៦០០ទៀតទេ ដោយមានសន្ធិសញ្ញាមួយចំនួនជាមួយនឹងសហរដ្ឋអាមេរិក និងភាគច្រើនទាក់ទិននឹងការធ្វើពាណិជ្ជកម្ម ហើយក៏ត្រូវការការចរចាឡើងវិញផងដែរ ។
ប៉ុន្តែបញ្ហាដ៏ធំមួយ គឺប្រទេសអង់គ្លេសបានពឹងផ្អែកលើអ្នកជំនាញចរចាមកពីសហភាព ហើយពួកគេមិនមានអ្នកជំនាញផ្នែកពាណិជ្ជកម្មគ្រប់គ្រាន់ឡើយ ។ រដ្ឋាភិបាលអង់គ្លេស គឺកំពុងតែប្រញាប់ប្រញាល់ស្វែងរកមន្ត្រីថ្មីៗ ។
៣-ក្រុមប្រឆាំងក្នុងស្រុក
អ្នកនយោបាយមកពីគណបក្សពលកម្មក្នុងប្រទេសអង់គ្លេសបានសន្យថា នឹងបញ្ឈប់កិច្ចព្រមព្រៀងនេះដើម្បីការពារសេវាកម្មសាធារណៈរបស់ប្រទេសអង់គ្លេសដែលរួមមានសេវាកម្មសុខាភិបាល ព្រោះវាអាចត្រូវបានប៉ះពាល់ដល់ក្រុមហ៊ុនអាមេរិកដែលស្វែងរកប្រាក់ ចំណេញ ។
រាល់កិច្ចព្រមព្រៀងនាពេលអនាគត អាចនឹងជួបប្រទះនឹងការព្រួយបារម្ភ ដូចជា សេវាកម្មសាធារណៈ, ការការពារអតិថិជន, សុខភាព និងសន្តិសុខជាដើម ៕
ចែករំលែកព័តមាននេះ