ស្ត្រីម្នាក់ឮសំឡេងមនុស្សផ្លោះរបងចូលផ្ទះ លុះស្ទុះទៅបើកភ្លើងមើលផ្អើល
- ភ្នំពេញ
រាជធានីភ្នំពេញ ៖ បុរសម្នាក់បានឡើងផ្លោះរបងចូលទៅក្នុងបរិវេណផ្ទះមួយកន្លែង ប៉ុនប៉ងចូលលួច
រាជធានីភ្នំពេញ ៖ បុរសម្នាក់បានឡើងផ្លោះរបងចូលទៅក្នុងបរិវេណផ្ទះមួយកន្លែង ប៉ុនប៉ងចូលលួច
រាជធានីភ្នំពេញ ៖ បុរសម្នាក់បានឡើងផ្លោះរបងចូលទៅក្នុងបរិវេណផ្ទះមួយកន្លែង ប៉ុនប៉ងចូលលួចទ្រព្យសម្បត្តិក្នុងផ្ទះនោះ ប៉ុន្តែត្រូវបានម្ចាស់ផ្ទះដឹងទាន់ក៏បានដេញតាមឃាត់ខ្លួនបាន បន្ទាប់មកបានប្រគល់ជូននគរបាលយកទៅសាកសួរនិងកសាងសំណុំរឿងចាត់ការតាមច្បាប់។
ហេតុការណ៍ខាងលើនោះបានកើតឡើងកាលពីវេលាម៉ោង៦ល្ងាចថ្ងៃទី២៦ ខែមករា ឆ្នាំ២០២៣ នៅត្រង់ចំណុចផ្ទះលេខ០៩ ស្ថិតនៅតាមផ្លូវបេតុង បុរីDRរ៉េស៊ីដិន ភូមិព្រៃសកើត សង្កាត់ព្រៃស ខណ្ឌដង្កោ រាជធានីភ្នំពេញ។
បុរសដែលជាជនសង្ស័យម្នាក់ខាងលើនោះឈ្មោះ កែវ រាជរ័ត្ន អាយុ២៦ឆ្នាំ មានទីលំនៅក្នុងភូមិកើតហេតុខាងលើ ហើយជនសង្ស័យរូបនេះបានសារភាពប្រាប់នគរបាលរួចហើយថា ខ្លួនពិតជាបានផ្លោះរបងចូលទៅក្នុងផ្ទះខាងលើក្នុងបំណងលួចយកទ្រព្យសម្បត្តិមែន។ ប៉ុន្តែពុំទាន់បានលួចផងត្រូវម្ចាស់គេទាន់ក៏ឃាត់ខ្លួនប្រគល់ជូននគរបាលតែម្ដង ចំណែម្ចាស់ផ្ទះឈ្មោះ តុម បញ្ញា ភេទប្រុស អាយុ៣២ឆ្នាំ មានប្រពន្ធឈ្មោះគាត វួចឈីន មុខរបរលក់ដូរ ។
ម្ចាស់ផ្ទះខាងលើបានប្រាប់ឲ្យនគរបាលដឹងថា នៅមុនពេលកើតហេតុ ខណៈពេលកំពុងនៅក្នុងផ្ទះគាត់បានឮសម្លេងមនុស្សផ្លោះរបងចូលក្នុងផ្ទះ ហើយពេលនោះថ្ងៃលិចមេឃងងឹតទៅហើយ គាត់ក៏ស្ទុះទៅបើកភ្លើងមើល ស្រាប់តែឃើញជនសង្ស័យខាងលើកំពុងលោតផ្លោះរបងចេញពីបរិវេណផ្ទះរបស់គាត់ចូលទៅផ្ទះអ្នកជិតខាងវិញរួចក៏គេចខ្លួនបាត់ស្រមោលតែម្ដង។
ស្ត្រីជាម្ចាស់ផ្ទះដដែលបានប្រាប់នគរបាលបន្តទៀតថា បន្ទាប់មកគាត់ក៏បានទូរស័ព្ទប្រាប់ប្ដីរបស់គាត់ដែលមានការនៅក្រៅផ្ទះបានដឹង ហើយគាត់ក៏ដើរតាមរកជនសង្ស័យខាងលើ ។ លុះកន្លះម៉ោងក្រោយមកក៏បានប្រទះឃើញជននោះកំពុងដើរនៅតាមផ្លូវបេតុងក្នុងបុរីខាងលើនោះដែរ គាត់ក៏បានឃាត់ខ្លួន។ បន្ទាប់មកប្រគល់ជូននគរបាលប៉ុស្តិ៍រដ្ឋបាលព្រៃសនាំទៅសាកសួរនិងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់ ៕
ចែករំលែកព័តមាននេះ