ខេត្តបន្ទាយមានជ័យ ៖ ជារឿងដដែលៗហើយ បានកើតមានឡើងធ្វើឱ្យអ្នកដំណើរផ្ទុះការរិះគន់ស្ទើររាល់ថ្ងៃ គឺបញ្ហាគោដេកដើរយ៉ាងអនាធិបតេយ្យបំផុត នៅតាមដងផ្លូវលំនិងផ្លូវជាតិក្នុងក្រុងប៉ោយប៉ែត ។
ហ្វូងគោជាច្រើនបានដើរ តែគ្មានឃើញអ្នកគង្វាលទេមិនថាពេលថ្ងៃ ឬពេលយប់ នៅតាមដងផ្លូវបេតុងកាន់តែប្រសាច ។ ទិដ្ឋភាពបានឱ្យអ្នកដំណើរសម្តែងកាព្រួយបារម្ភជាខ្លាំង ចំពោះសុវត្ថិភាពចរាចរណ៍ ខណៈហ្វូងគោទាំងនេះ ដើរដេកយ៉ាងអនាធិបតេយ្យតាមដងផ្លូវបែបនេះ ។ មានអ្នកដំណើរខ្លះ ដោយសារតែខឹងហ្វូងគោដែលតែងតែបង្កការកកស្ទះចរាចរណ៍បានស្រែកថា «តើពេលណា ទើបអស់ហ្វូងគោទាំងនេះ ហើយពេលណាទើបសមត្ថកិច្ចចាត់វិធានការទៅ?» ។ មានការកត់សម្គាល់ថា បញ្ហាខាងលើកើតមានជាញឹកញាប់ ហើយក៏ត្រូវកាសែតក្នុងស្រុកបានលើយកមករិះគន់ជារឿយៗផងដែរ។ប៉ុន្តែអាជ្ញាធរ មានសមត្ថកិច្ចនៅក្រុងប៉ោយប៉ែត ហាក់គ្មានចំណាត់ការលើម្ចាស់ហ្វូងគោទាំងនេះឡើយ ។
ជុំវិញករណីនេះ លោកសៅ សារឿន អធិការរងទទួលផែនចរាចរណ៍នៃអធិការដ្ឋាននគរបាលក្រុងប៉ោយប៉ែតប្រាប់កោះសន្តិភាពថាកន្លងមក សមត្ថកិច្ចបានចាប់គោយមួយចំនួនដែរ ប៉ុន្តែលោកថាពិបាករកម្ចាស់ សមត្ថកិច្ក៏បានលែងគោទាំងនោះវិញ។ យ៉ាងណាក៏ដោយ លោកអធិការរងរូបនេះអះអាងថា លោកនឹងឲ្យកម្លាំងជំនាញចុះស្រាវជ្រាវរកម្ចាស់ហ្វូងគោទាំងនេះ ដើម្បីអប់រំនិងធ្វើកិច្ចសន្យា ។
ចែករំលែកព័តមាននេះ