ខេត្តកំពង់ឆ្នាំង ៖ នៅព្រឹកថ្ងៃទី២៤ ខែកក្កដា ឆ្នាំ២០១៧ នេះ នៅខេត្តកំពង់ឆ្នាំង គេសង្កេតឃើញមានសកម្មជនគណបក្សសង្គ្រោះជាតិ បានជិះរថយន្តយកថ្នាំពណ៌ទៅបាញ់លើស្លាកគណៈបក្សរបស់ខ្លួន លុបរូបលោក សម រង្ស៊ី និងលោក កឹម សុខា ចេញពីក្នុងស្លាកគណៈបក្សសង្ក្រោះជាតិ ។
ប្រជាពលរដ្ឋបានឃើញនាំគ្នាឆ្ងល់ ហើយបានសួរក្រុមសកម្មជនទាំងនោះ ពួកគាត់ប្រាប់ថា គឺលុបរូបលោក សម រង្ស៊ី ចេញទុកលោក កឹម សុខា តែដោយសារ រូបឈរលើកដៃជាប់គ្នា ទើបលុបទាំងអស់ ហើយយករូបកឹមសុខាមកដាក់ថ្មីម្នាក់ឯងវិញ ។
ទោះយ៉ាងណា ក្រុមសកម្មជនទាំងនោះប្រាប់ថា នេះជាផែនការបន្ទាន់របស់បក្ស បើសិនអាចធ្វើទាន់ នឹងធ្វើឡើងវិញទាំងអស់ តែក៏ត្រូវថវិការច្រើនដែរ ។ ចំណែករឿងលុបរូបលោក សម រង្ស៊ី ទុករូបលោក កឹម សុខា ដោយសារអ្វីនោះ មិនមានការបកស្រាយណាមួយទេ ៕
ចែករំលែកព័តមាននេះ