រាជធានីភ្នំពេញ ៖ បុរសម្នាក់បើករថយន្តតាក់ស៊ីម៉ែត្រឆ្លងផ្លូវមិនប្រយត្ន័ ត្រូវបានបុរសស្រវឹងស្រាម្នាក់បើកម៉ូតូលឿនពេក ចាប់ហ្វ្រាំងមិនទាន់ ជ្រុលចង្កូតទៅបុកចំពាក់កណ្តាលរថយន្តពេញទំហឹង បណ្តាលឲ្យរងរបួសប៉ោងភ្នែកមួយចំហៀង ។
រាជធានីភ្នំពេញ ៖ បុរសម្នាក់បើករថយន្តតាក់ស៊ីម៉ែត្រឆ្លងផ្លូវមិនប្រយត្ន័ ត្រូវបានបុរសស្រវឹងស្រាម្នាក់បើកម៉ូតូលឿនពេក ចាប់ហ្វ្រាំងមិនទាន់ ជ្រុលចង្កូតទៅបុកចំពាក់កណ្តាលរថយន្តពេញទំហឹង បណ្តាលឲ្យរងរបួសប៉ោងភ្នែកមួយចំហៀង ។ ហេតុការនេះកើតឡើងការពីវេលាម៉ោង១១និង៤០នាទីយប់ ថ្ងៃទី២៣ ខែកក្កដា ឆ្នាំ២០១៧ ស្ថិតនៅតាមបណ្តោយផ្លូវ៥៩៨កែងនិងផ្លូវ១៩៥៨ ក្នុងសង្កាត់បេងកក់២ ខណ្ឌទួលគោក ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុ គេឃើញបុរសម្នាក់ បើករថយន្តមួយគ្រឿងម៉ាក Great waIl ពណ៌ស ប្រភេទតាក់ស៊ីម៉ែត្រ ក្រុមហ៊ុន GLOBAL ពាក់ស្កាកលេខ ភ្នំពេញ ២AJ-២៦៣០ បើកបរតាមផ្លូវលេខ១៩៥៨ ទិសដៅពីលិចទៅកើត ។ ហើយក៏បានបើកឆ្លងផ្លូវ៥៩៨ឆ្ពោះទៅផ្លូវ៣៣៧ ខណៈពេលដែលជិតផុតហើយនោះ ស្រាប់តែមានម៉ូតូមួយគ្រឿងម៉ាក CBR ពណ៌ស ពាក់ស្លាកលេខ ភ្នំពេញ ១CH-៥៣៣៣ បើកបរដោយបុរសម្នាក់ ក្នុងស្ថានភាពស្រវឹង និងបុរសពីរនាក់ទៀតរួមដំណើរពីក្រោយ ដោយបើកបរតាមបណ្តោយផ្លូវ៥៩៨ ក្នុងទិសដៅពីត្បូងទៅជើង និងក្នុងល្បឿនយ៉ាងលឿន លុះមកដល់ចំណុចកើតហេតុខាងលើ ចាប់ហ្វ្រាំងមិនទាន់ ជ្រុលទៅបុកចំពាក់កណ្តាលរថយន្ត បណ្តាលឲ្យកំពឹតទ្វារខាងមុខចំហៀងខាងស្តាំ ចំណែកឯអ្នកបើកបរម៉ូតូរងរបួសបែកចិញ្ចើមខាងស្តាំ ឬឯម៉ូតូរងការខូចខាតវាចបូមខាងមុខ ។
ក្រោយកើតហេតុ ដោយភាគីទាំងពីមិនចង់មានរឿងវែងឆ្ងាយក៏ព្រមយកម៉ូតូ និងរថយន្តទៅជួសជុលដោយខ្លួនឯងរៀងៗ ដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ