ថ្នាំពន្យារកំណើតក្រោយពេលរួមភេទភ្លាមឬគេនិយមហៅទូទៅថា«ថ្នាំ៧២ម៉ោង» ត្រូវលេប ភ្លាមៗ បន្ទាប់ពីរួមភេទដោយមិនបានការពារ ។ ទោះជាយ៉ាងណាក្តីវាមិនល្អទេក្នុងការពឹងផ្អែកលើថ្នាំនេះច្រើនដង ។ ផ្ទុយទៅវិញប្រសិនបើអ្នកមិនទាន់ត្រៀមខ្លួនរួចរាល់ក្នុងការមានផ្ទៃពោះ សូមទៅពិគ្រោះជាមួយគ្រូពេទ្យ និងរៀបចំផែនការពន្យារកំណើតជាជាងអាស្រ័យលើថ្នាំនេះ ។
ខាងក្រោមនេះគឺជាផលប៉ះពាល់ ខ្លះៗនៃការប្រើប្រាស់ថ្នាំ៧២ម៉ោងនេះ៖
១-ថ្នាំទាំងនេះកំណត់អាយុប្រើជាក់លាក់
មានមនុស្សជាច្រើនមិនដឹងទេថាថ្នាំពន្យារកំណើតក្រោយពេលរួមភេទ ភ្លាមៗត្រូវបានបង្កើតឡើងចំពោះស្ត្រីដែលមានអាយុចន្លោះពី២៥ និង៤៥ឆ្នាំ ។ ក្មេងជំទង់ដែលប្រើប្រាស់ថ្នាំនេះអាចបំផ្លាញប្រព័ន្ធបន្តពូជរបស់ពួកគេជាអចិន្ត្រៃយ៍ ។
២-វាអាចរំខានដល់វដ្តរដូវ
ថ្នាំពន្យារកំណើត៧២ម៉ោង គឺជាថ្នាំអ៊័រម៉ូន។ ការប្រើហួសកម្រិត ឬប្រើប្រាស់មិនត្រឹមត្រូវអាចធ្វើឱ្យមានការប្រែប្រួលដល់វដ្តរដូវរបស់ស្ត្រី ។
៣-បន្ថយចំណង់ផ្លូវភេទ
ការស្រាវជ្រាវមួយចំនួនក៏បានបង្ហាញផងដែរថាការប្រើប្រាស់ថ្នាំនេះដូចជាថ្នាំ i-pill ជាបន្តបន្ទាប់អាចនាំឲ្យមានការថយចុះអារម្មណ៍ផ្លូវភេទ និងធ្វើឲ្យស្បែកឡើងកន្ទួលរមាស់ និងអាលែកហ្ស៊ី ។
៤-បណ្តាលឲ្យមានបញ្ហាសរីរៈផ្សេងទៀត
ការចង្អោរ ឈឺក្បាល ក្អួតអាចជាផលប៉ះពាល់ជាប្រចាំនៃការប្រើប្រាស់ថ្នាំពន្យារកំណើតប្រភេទនេះ ។ ក្រៅពីនេះការឈឺពោះផ្នែកខាងក្រោម រដូវមកយឺត ឈឺទ្រូង និងការឡើងទម្ងន់ក៏អាចជាបញ្ហាផងដែរ ៕
ចែករំលែកព័តមាននេះ