ADផ្ទាំងផ្សព្វផ្សាយពាណិជ្ជកម្ម

Picture

ប្រតិភូ​យោធភូមិ​ភាគ​ទី​៥​កម្ពុជា​និង​យោធភូមិ​ភាគ​​ទី​១​ថៃ​ជួប​គ្នា ដើម្បី​ពង្រឹង​សហប្រតិបត្តិការ​​

3 ថ្ងៃ មុន
  • បន្ទាយមានជ័យ

ខេត្តបន្ទាយមានជ័យ ៖ ប្រតិភូ​យោធភូមិ​ភាគ​ទី​៥​កម្ពុជា និង​ភូមិភាគ​ទី​១​ថៃ បាន​ពិភាក្សា​គ្នា​នៅ​លើ​ស្ពាន​មិត្តភាព​-​ថៃ ច្រក​ទ្វារ​អន្តរជាតិ​ប៉ោយ​ប៉ែ​ត ដើម្បី​ពង្រឹង​សម្ព័ន្ធមេត្រីភាព និង​សហប្រតិបត្តិការ​ពី​កងកម្លាំង​ជាប់​ព្រំដែន កាលពីថ្ងៃទី​២៤ មក​រា…

ខេត្តបន្ទាយមានជ័យ ៖ ប្រតិភូ​យោធភូមិ​ភាគ​ទី​៥​កម្ពុជា និង​ភូមិភាគ​ទី​១​ថៃ បាន​ពិភាក្សា​គ្នា​នៅ​លើ​ស្ពាន​មិត្តភាព​-​ថៃ ច្រក​ទ្វារ​អន្តរជាតិ​ប៉ោយ​ប៉ែ​ត ដើម្បី​ពង្រឹង​សម្ព័ន្ធមេត្រីភាព និង​សហប្រតិបត្តិការ​ពី​កងកម្លាំង​ជាប់​ព្រំដែន កាលពីថ្ងៃទី​២៤ មក​រា ឆ្នាំ​២០២៣ នៅ​ក្រុង​ប៉ោយ​ប៉ែ​ត ។

Picture

ក្នុង​ឱកាស​ដែល​ជួប​ស្វាគមន៍​នៅ​លើ​ស្ពាន​មិត្តភាព​កម្ពុជា​-​ថៃ ច្រក​ទ្វារ​អន្តរជាតិ​ប៉ោយ​ប៉ែ​ត និង​ច្រក​ខ្ល​ង​ឡឹ​ក ភាគី​កម្ពុជា គឺ​មាន​វត្តមាន​លោក​ឧត្តមសេនីយ៍ទោ សេង ធា​រិ​ន មេបញ្ជាការ​រង និង​ជា​នាយ​សេនាធិការ​យោធភូមិ​ភាគ​ទី​៥, ឯកឧត្តម អ៊ុំ រាត្រី អភិបាល​ខេត្តបន្ទាយមានជ័យ​, លោក​ឧត្តម​សេ​នីយ៍ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ និង​ថ្នាក់ដឹកនាំ​យោធភូមិ​ទី​៥ និង​ភាគី​ថៃ មាន​លោក​ឧត្តមសេនីយ៍ទោ ផាក់​ណា ខ្លែ​វ​ផ្ល​ត​ធុ​ក មេបញ្ជាការ​ភូមិភាគ​ទី​១​ថៃ​, ឯកឧត្តម ប៉ាក់​រិ​យ៉ា ពោ​សាត់ អភិបាលខេត្ត​ស្រៈ​កែវ​, លោក​ឧត្តមសេនីយ៍ត្រី សា​រ៉ា​វុ​ធ ឆៃ​សិទ្ធិ មេបញ្ជាការ​កម្លាំង​បូព៌ា និង​ថ្នាក់ដឹកនាំ​ភាគី​ថៃ​ជា​ច្រើន​រូប​ទៀត ។

Picture

លោក​ឧត្ត​សេនីយ៍​ទោ សេង ធា​រិ​ន មេបញ្ជាការ​រង និង​ជា​នាយសេនាធិការ​យោធភូមិ​ភាគ​ទី​៥​បាន​ប្រាប់​ថា ក្នុង​ឱកាស​ដែល​ជួប​ស្វាគមន៍ រវាង​ប្រតិភូ​យោធភូមិ​ភាគ​ទី​៥​កម្ពុជា​និង​ភូមិភាគ​ទី​១​ថៃ នៅ​លើ​ស្ពាន​មិត្តភាព​កម្ពុជា​-​ថៃ​ច្រក​ទ្វារ​អន្តរជាតិ​ប៉ោយ​ប៉ែ​ត និង​ច្រក​ខ្ល​ង​លឹ​ក​ថៃ និង​ចូល​ជួប​ប្រជុំ​នៅ​អគារ​សាល​ប្រជុំ​ច្រក​ទ្វារ​អន្តរជាតិ​ប៉ោយ​ប៉ែ​ត ជួប​សម្តែង​ការ​គួ​សមរ​វាង​ប្រតិភូ​យោធ​ភាគ​ទី​៥​កម្ពុជា និង​ភូមិភាគ​ទី​១​ថៃ ដើម្បី​ពង្រឹង​សម្ព័ន្ធមេត្រីភាព​និង​សហប្រតិបត្តិការ​គ្នា​រវាង​កម្លាំងយោធា​ជាប់​ព្រំដែន​កម្ពុជា​-​ថៃ​។

Picture

លោក​បាន​បញ្ជាក់​ថា ការ​ជួប​ប្រជុំ​ពិភាក្សា​រវាង​ប្រតិភូ​យោធភូមិ​ភាគ​ទី​៥​កម្ពុជា​និង​ភូមិភាគ​ទី​១​ថៃ​ដើម្បី​សហការ​គ្នា​ទប់ស្កាត់​បទល្មើស​ឆ្លង​ដែន និង​តាម​បន្ទាត់​ព្រំដែន និង​ការពារ​សន្តិសុខ​និង​សណ្តាប់​ជូន​ប្រជាពលរដ្ឋ​រស់​ជាប់​ជាយ​ដែន​មាន​សុខ​សន្តិភាព និង​ការ​អភិវឌ្ឍន៍​អោយ​កាន់តែ​រីក​ចម្រើន ។ ក្រោយ​កិច្ចប្រជុំ​ពិភាក្សា​ហើយ​ប្រតិភូ​កម្ពុជា​.​ថៃ​បាន​ជូន​វត្ថុ​អនុ​ស្សារី​យ៍​និង​កាដូរ​រវាង​ប្រតិភូ​យោធភូមិ​៥​កម្ពុជា​និង​ភូមិភាគ​ទី​១​ថៃ ។

Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023