ប្រទេសថៃ ៖ ប៉ុន្មានថ្ងៃមកនេះ គេហាក់នាំគ្នាសង្កេតឃើញថា បន្ទាប់ពីត្រូវបានគេនិយាយគ្មានសំចៃមាត់ចោទប្រកាន់វា.យប្រ.ហារយ៉ាងចាស់ដៃពីសំណាក់ពុកម៉ែបងប្អូនដែលនិយមលេងនៅក្នុងបណ្ដាញសង្គមទាំងក្នុងហ្វេសប៊ុក និងក្នុង Instagram រួចមក ដែលបាននិយាយថា ខ្លួនគឺជាជនទី៣ ដែលបានធ្វើអោយតារាស្រីដ៏ល្បីឈ្មោះ គឺអ្នកនាង Aum patchrapa និងគូស្នេហ៍របស់អ្នកនាង គឺលោក Pok Phornbrapha បានបែកបាក់គ្នា ដោយមានមនុស្សផ្ដើមពីអក្សរ M ចូលមកជ្រៀតជ្រែកនៅក្នុងរឿងស្នេហារបស់កំពូលតារាសម្ដែងស្រីដ៏មានស្នាដៃ និងទេពកោសល្យដ៏អស្ចារ្យ អ្នកនាង Aum Patchrapa រហូតធ្វើអោយមានការចលាចលផ្ទុះការរិះគន់ប្រតិកម្មយ៉ាងខ្លាំង ដោយក្នុងនោះគ្រប់គ្នាបាននាំគ្នាមានការសង្ស័យថា ជនទី៣ ដែលបានធ្វើអោយអ្នកនាង Aum និងគូរស្នេហ៍ដើរដល់ផ្លូវបំបែកនេះដែរ ពួកគេបានចង្អុលទៅកាន់តារាស្រី Mat Peeranee ឥតឈប់ឈរនោះឡើយ។
ក្រោយមក ពេលឃើញមានគេនិយាយ ក៏ដូចជាសារព័ត៌មានមិនតិចនោះឡើយនៅក្នុងប្រទេសថៃទាំងមូល នាំគ្នាចុះផ្សព្វផ្សាយចោទប្រកាន់តែនាងថាដើរយកគូស្នេហ៍គេរួចមក ភ្លាមៗនោះ ទប់អារម្មណ៍មិនជាប់តារាសម្ដែងស្រីប្រចាំប៉ុស្តិ៍លេខ៣ របស់ថៃ វ័យក្មេង កញ្ញា Mat Peranee ក៏បានចេញមុខមកបកស្រាយការពិតគ្មានសល់នៅមុខមហាជនគ្រប់គ្នាកុំអោយមានការយល់ច្រឡំតទៅទៀតអី ដោយនាងបានបញ្ជាក់នៅរឿងរ៉ាវនេះ តាំងពីដើមឆ្នាំមកម្ល៉េះ។
មិនតែប៉ុណ្ណោះ ក្រោយស្ងប់ស្ងាត់ហើយតារាស្រីអ្នកនាង Aum ចេញមុខមកបកស្រាយចម្ងល់រួចរាល់អស់មក ថ្មីៗនេះផងដែរ ស្រាប់តែតារាសម្ដែងស្រីវ័យក្មេង Matt Peeranee រូបនេះ ក៏បានចេញមុខទម្លាយអារម្មណ៍របស់ខ្លួនជាលើកដំបូងនៅចំពោះមុខអ្នកកាសែតអំពីបញ្ហាដែលបានកើតឡើងយ៉ាងក្ដៅគគុកដូចទឹកបាក់ទំនប់ ហើយជាពិសេស ក៏ដូចជាអរគុណយ៉ាងខ្លាំងទៅកាន់អ្នកគាំទ្រទាំងអស់ រួមទាំងមនុស្សនៅជុំវិញខ្លួននាងផ្ទាល់ ដែលតែងតែផ្ញើសារលើកទឹកចិត្តនាងរយៈពេលកន្លងមកនេះ។
ទន្ទឹមនឹងនោះ បន្ទាប់ពីបានពិភាក្សានៅក្នុងព្រឹត្តិការណ៍ជំនួបជាមួយនឹងក្រុមអ្នកសារព័ត៌មានជាច្រើននៅក្នុងកម្មវិធីគម្រប់ខួប៥ឆ្នាំដ៏មានឈ្មោះល្បីល្បាញមួយដែលគេស្គាល់ថា វាជារបស់ IDENTITY Group ដូច្នេះហើយ ទើបតួឯកស្រីដ៏ស្រស់ស្អាតរូបនេះ ទើបតែមានឱកាសបានជួបជាមួយហ្វេនៗ ក៏ដូចជាអ្នកសារព័ត៌មានដោយផ្ទាល់ ហើយក៏បាននិយាយរៀបរាប់អំពីសុខទុក្ខរបស់នាង ក្រោយពេលបាត់មុខមួយរយៈធំក្នុងពិភពសម្ដែង ហាក់ដូចជាមិនសូវបានឃើញនាងលេចមុខនៅក្នុងកម្មវិធីអ្វីនោះទេ។
ហើយភ្លាមៗនោះ តារាសម្ដែងស្រីរូបនេះក៏បាននិយាយប្រាប់អោយគ្រប់គ្នាបានដឹងបែបនេះថា «ពេលនេះអារម្មណ៍ខ្ញុំមិនអីទេ! អរគុណអ្នកទាំងអស់គ្នាខ្លាំងណាស់ដែលបានបារម្ភអំពីខ្ញុំហើយតែងតែនាំគ្នាផ្ញើសារ ក៏ដូចជាការលើកទឹកចិត្តមកកាន់នាងខ្ញុំ ហើយជាពិសេសខ្ញុំតែងតែទទួលបានការលើកទឹកចិត្តពីអ្នករាល់គ្នា សូមអរគុណពិតមែន»។
ជាចុងក្រោយ កញ្ញា Mat peranee ក៏បាននិយាយបង្ហើបប្រាប់ទៀតថា «ថ្ងៃនេះ នាងមានសំឡេងស្អកដែលប៉ះពាល់ដល់ការនិយាយ ដូច្នេះសុំការអនុញ្ញាតិចេញមកសម្ភាសន៍ម្ដងទៀត នៅពេលក្រោយមុនពេលដើរត្រឡប់ទៅចូលរួមកម្មវិធីម្ដងទៀត»។
សូមរំលឹកផងដែរថា ក្រោយពីបែកបាក់គ្នាមិនឃើញចេញមុខមកនិយាយ និងបានធ្វើអោយមហាជនសង្ស័យអ្នកនេះអ្នកនោះជាជនទី៣រួចមក កាលពីកន្លងទៅនេះ អ្នកនាង Aum patchrapa មិនលាក់ទុកតទៅទៀត ភ្លាមៗនោះក៏បានសម្រេចចិត្តចេញមុខមកទម្លាយការពិតទាំងអស់ខ្ទេចគ្មានសល់នៅក្នុងកម្មវិធីមួយ ចំពោះមុខអ្នកសារព័ត៌មាន ក៏ដូចជាអ្នកគាំទ្រជាច្រើននាក់កុំអោយមានការសង្ស័យ និងងឿងឆ្ងល់តទៅទៀតអំពីរឿងរ៉ាវរបស់អ្នកនាងជាមួយនិងលោកហៃសូ ដែលមូលហេតុដែលនាំឱ្យនាង និងអតីតគូស្នេហ៍ លោក Pok Phornbrapha ចែកផ្លូវគ្នា។
ដោយក្នុងនោះ នៅចំពោះមុខអ្នកកាសែតដែលប្រព្រឹត្តិទៅនៅក្នុងពិធីសម្ពោធផ្សារទំនើបមួយកន្លែង នៅថ្ងៃទី២០ ខែមករា ឆ្នាំ២០២៣កន្លងទៅនេះ តារាសម្ដែងស្រី Aum Patchrapa ទ្រាំលែងបានតទៅទៀត ក៏បានចេញមុខមកបើកកកាយលាតត្រដាងយ៉ាងច្បាស់ ក្រោយមានអ្នកសួរដេញដោលមិនឈប់បែបនេះថា «ចំពោះនាង និងអតីតមិត្តប្រុសដែលបានប្រកាសបែកបាក់គ្នានេះដែរ គឺមិនមែនដោយសារតែមានអ្នកទី៣មកជ្រៀតជ្រែកដូចអ្វីដែលគ្រប់គ្នាបានដឹងនោះទេ សូមកុំនាំគ្នាមានការយល់ច្រឡំទៀតអី ដែលមូលហេតុពិតគឺមកពីអ្នកទាំងពីរជាអ្នកបង្កសុទ្ធសាធ»។
មិនតែប៉ុណ្ណោះតារាស្រីវ័យ៤៣ឆ្នាំ រាងតូចច្រឡឹងរូបនេះ បានផ្ដល់បទសម្ភាសន៍បន្តអោយដឹងទៀតយ៉ាងដូច្នេះថា «នាងមិនមែនជាមនុស្សពូកែប្រចណ្ឌ ឬចូលចិត្តរករឿងឈ្លោះឡើយ ហើយចំណែក Pok ឯណោះវិញ ក៏ជាមនុស្សបើកចិត្តទូលាយផងដែរ ប៉ុន្តែអ្នកទាំងពីរមិនអាចបន្តជាមួយគ្នាទៀតបាននោះឡើយ ព្រោះតែអត្តចរិតផ្ទាល់ខ្លួន ដែលនាំអោយអ្នកទាំងពីររស់នៅមិនចុះសម្រុងនឹងគ្នា»៕
ចែករំលែកព័តមាននេះ