បុរសម្នាក់បើកបរម៉ូតូលឿនដូចហោះ ជួបគ្រោះអកុសលយ៉ាងរន្ធ.ត់
- សៀមរាប
ខេត្តសៀមរាប ៖ បុរសវ័យ៣០ឆ្នាំម្នាក់ បើកបរម៉ូតូក្នុងល្បឿនលឿនដូចហោះទៅបុ.កគូថរថយន្តពី
ខេត្តសៀមរាប ៖ បុរសវ័យ៣០ឆ្នាំម្នាក់ បើកបរម៉ូតូក្នុងល្បឿនលឿនដូចហោះទៅបុ.កគូថរថយន្តពីក្រោយ បណ្តាលឱ្យស្លា.ប់ភ្លាមៗនៅនឹងកន្លែងកើតហេតុ បង្កការភ្ញាក់ផ្អើលទាំងយប់ ។ នេះបើតាមការឱ្យដឹងពីសមត្ថកិច្ច នគរបាលចរាចរណ៍ផ្លូវគោក។
ហេតុការណ៍ខាងលើនេះបានកើតឡើងកាលពីវេលាម៉ោង៩និង២០នាទីយប់ថ្ងៃទី២១ ខែមករា ឆ្នាំ ២០២៣ នៅចំណុចមុខកីឡដ្ឋាន ហនុមាន ផ្លូវ ហ៊ុន សែន សន្តិភាព ( ផ្លូវក្រវ៉ាត់ក្រុង ) ស្ថិតនៅភូមិ ស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប។
ជនរងគ្រោះដែលបាត់បង់ជីវិតឈ្មោះ ឃឹម វិសាល ភេទ ប្រុស អាយុ៣០ឆ្នាំ នៅភូមិស្វាយព្រៃ សង្កាត់ស្វាយដង្គំ ក្រុងសៀមរាប ខេត្តសៀមរាប ជាអ្នកបើកបរម៉ូតូ MSX ពណ៍ខ្មៅលាយប្រផេះ ពាក់ផ្លាក់លេខ សៀមរាប 1S-8993 ។ ចំណែកភាគីខាងរថយន្តម៉ាកហ៊ីយ៉ាន់ដាយ ក្បាលពណ៍ស ពាក់ផ្លាកលេខ ត្បូងឃ្មុំ 3A-1862 អ្នកបើកបរមិនស្គាល់អត្តសញ្ញាណ ។
បើតាមប្រភពពីមន្ត្រីនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្ត សៀមរាប បានឱ្យដឹងនៅព្រឹកថ្ងៃទី២២ ខែមករា ឆ្នាំ២០២៣នេះថា មានករណីគ្រោះថ្នាក់ចរាចរណ៍រវាងរថយន្ត និង ម៉ូតូ ហើយនៅមុនពេលកើតហេតុ ម៉ូតូធ្វើដំណើរក្នុងទិសដៅពីជើងទៅត្បូង បានទៅបុ.ករថយន្តម៉ាកហ៊ីក្នុងទិសដៅពីជើងទៅត្បូង បណ្តាលឱ្យអ្នកបើកបរម៉ូតូបាត់បង់ជីវិត និងខូចខាតម៉ូតូ១គ្រឿង យ៉ាងធ្ងន់ធ្ងរ ។
តាមប្រភពដដែលបានបញ្ជាក់ថា បើតាមការសន្និដ្ឋានរបស់សមត្ថកិច្ចជំនាញថា ម៉ូតូបើកបរក្នុងល្បឿនលឿន ទៅបុ.ករថយន្តពីក្រោយ (អ្នកបើកបរមិនបានពាក់មួកសុវត្តិភាព)។
តាមប្រភពដដែលបញ្ជាក់ទៀតថា កម្លាំងនគរបាលការិយាល័យជំនាញ បានបញ្ជូនអ្នកបើកបររថយន្តទៅការិយាល័យ ព្រមទាំងចុះវាស់វែង និងប្រមូលវត្តុតាងទៅរក្សាទុកនៅការិយាល័យ នគរបាលចរាចរណ៏ផ្លូវគោកខេត្តសៀមរាប ៕
ចែករំលែកព័តមាននេះ