តារាសម្តែងស្រីឆ្នើម អ្នកនាង ស្វែង សុជាតា ដោយបងប្អូនមហាជនជាច្រើនតែងតែបានស្គាល់តារារូបនេះ តាមរយៈការសម្តែងរឿងភាគជាច្រើន ដោយតារាស្រីស្រស់រូបនេះ អាចសម្តែងបានគ្រប់ទម្រង់មិនថា
រាជធានីភ្នំពេញ ៖ តារាសម្តែងស្រីឆ្នើម អ្នកនាង ស្វែង សុជាតា ដោយបងប្អូនមហាជនជាច្រើនតែងតែបានស្គាល់តារារូបនេះ តាមរយៈការសម្តែងរឿងភាគជាច្រើន ដោយតារាស្រីស្រស់រូបនេះ អាចសម្តែងបានគ្រប់ទម្រង់មិនថា កាច ស្លូត ច្រណែនឈ្នានីស អ្វីនោះទេ គឺតារាស្រីអ្នកនាង ស្វែង សុជាតា អាចធ្វើការសម្តែងដោយគ្មានចន្លោះត្រង់ណានោះឡើយ។
ប្រាកដណាស់ កាលពីពេលថ្មីៗនេះ ដោយឃើញមានអាក់ខោនហ្វេសប៊ុកមួយដែលមានឈ្មោះថា «ក្វាងណាក់» បានបង្ហោះដោយរៀបរាប់ថា «ទិញឡានថ្មីជូនម៉ែ ស្វែង សុជាតា»។ តើពិតទេ? ដែលអ្នកនាង ស្វែង សុជាតា មានកូនកំលោះដ៏ស្រស់សង្ហាទិញឡានថ្មីដ៏ស្រស់ស្អាតជូនម្តាយ ដែលជាអ្នកមានគុណដូច្នេះ?។ ដោយត្រង់ចំណុចនោះ មានមហាជនខ្លះបានលើកឡើងថា នេះជារឿងពិត និងខ្លះទៀតបាននិយាយថា មិនពិតទេ ព្រោះមិនដែលឃើញអ្នកនាង ស្វែង សុជាតា បង្ហាញមុខកូនប្រុសផងនោះឡើយ។
ប្រាកដណាស់ បងប្អូនមហាជនប្រាកដជាចង់ដឹកនូវរឿងរ៉ាវទាំងអស់នេះថា តើបុរសដ៏ស្រស់សង្ហានោះ ជាកូនរបស់តារាស្រីឆ្នើមអ្នកនាង ស្វែង សុជាតា ឬយ៉ាងណា?។ ក្នុងបទសម្ភាសន៍ជាមួយសារព័ត៌មានកោះសន្តិភាព ដោយអ្នកនាង ស្វែង សុជាតា នឹងធ្វើការបកស្រាយនៅរឿងរ៉ាវខាងលើ អោយមហាជនបានដឹងជាសាធារណៈ ព្រោះថា មានអ្នកគាំទ្រ និងមហាជនជាច្រើនដែលមានការភាន់ច្រឡំនូវបញ្ហាមួយនេះ។
ប្រាកដណាស់ អ្នកនាង ស្វែង សុជាតា បានធ្វើការបង្ហាញយ៉ាងច្បាស់ៗថា ការបង្ហោះរបស់លោក ក្វាងណាក់ នោះ គ្រាន់តែជាការសម្តែងរឿងតែប៉ុណ្ណោះ ដោយផ្ទៃរឿងទាំងមូល តារាស្រីឆ្នើមរូបនេះ ដើរតួជាម្តាយរបស់លោក ក្វាងណាក់ តែប៉ុណ្ណោះ។
អ្នកនាង ស្វែង សុជាតា បានបន្ថែមថា លោក ក្វាងណាក់ នឹងខ្លួន ដូចជាកូននឹងម្តាយ ដោយកំលោះសង្ហារូបនេះ តែងតែហៅតារាស្រីរូបនេះថា ម៉ែពេញមាត់ៗ ជាពិសេសគឺការគោរពអោយតម្លៃតារាស្រីរូបនេះដូចជាម្តាយរបស់ខ្លួន ហើយចំណែកឯតារារូបនេះ ក៏ស្រឡាញ់ចូលចិត្តអាណិតលោក ក្វាងណាក់ ដូចជាកូនដែរ។
អ្នកនាង ស្វែង សុជាតា ក៏ចង់ទម្លាយពីកូនៗរបស់ខ្លួនផង ដោយតារាស្រីរូបនេះ បានបង្ហើបអោយដឹងថា ខ្លួនមានកូនប្រុសស្រីចំនួន៤នាក់ ប្រុស៣ និងស្រីម្នាក់ អ្នកនាងក៏បានបង្ហើបបន្តថា កូនរបស់ខ្លួនមានដុងសិល្បៈខ្លះៗដែរ ប៉ុន្តែមិនច្រើនដូចជាខ្លួននោះទេ។
តារាស្រីឆ្នើមរូបនេះក៏បានបន្តថា កូនប្រុសរបស់អ្នកនាងនាពេលនេះក៏ពេញរូបពេញរាងហើយដែរ ដោយនាពេលនេះ កូនប្រុសច្បងរបស់តារាស្រីរូបនេះកំពុងតែបន្តថ្នាក់មហាវិទ្យាល័យផងដែរ។ ទាក់ទងរឿងខាងលើ តារាស្រីរូបនេះក៏ចង់បញ្ជាក់អោយច្បាស់ៗថា រឿងទិញនេះ គ្រាន់តែជាការថតរឿងតែប៉ុណ្ណោះ ដូច្នេះសូមបងប្អូនសាធារណជនកុំមានការយល់ច្រឡំ៕
ចែករំលែកព័តមាននេះ