ឯកអគ្គរាជទូតជប៉ុនថ្មី អ៊ូ អិណុ ទស្សនាសារមន្ទីរប្រល័យពូជសាសន៍ទួលស្លែង
រាជធានីភ្នំពេញ ៖ បើតាមស្ថានទូតជប៉ុនប្រចាំព្រះរាជាណាចក្រកម្ពុជា បានអោយដឹងថា នៅព្រឹកថ្ងៃទី១៨ ខែមករា ឆ្នាំ២០២៣ ឯកឧត្តម អ៊ូ អិណុ…
រាជធានីភ្នំពេញ ៖ បើតាមស្ថានទូតជប៉ុនប្រចាំព្រះរាជាណាចក្រកម្ពុជា បានអោយដឹងថា នៅព្រឹកថ្ងៃទី១៨ ខែមករា ឆ្នាំ២០២៣ ឯកឧត្តម អ៊ូ អិណុ ឯកអគ្គរាជទូតតែងតាំងថ្មី បានអញ្ជើញទៅធ្វើទស្សនកិច្ច នៅសារមន្ទីរប្រល័យពូជសាសន៍ទួលស្លែង ហើយបានបួងសួងដល់វិញ្ញាណក្ខន្ធជនរងគ្រោះទាំងអស់ដែលស្លា.ប់ក្នុងរបបខ្មែរក្រហម ។
ក្រោយពីបានស្តាប់ការពន្យល់ ដោយជនរងគ្រោះមួយរូប ដែលគាត់បានរស់រានមានជីវិតពីមន្ទីរស-២១ (មន្ទីរឃុំឃាំងទួលស្លែង) និងលោក ហង្ស និស្ស័យ នាយកគ្រប់គ្រងសារមន្ទីរប្រល័យពូជសាសន៍ទួលស្លែង ឯកអគ្គរាជទូតជប៉ុន បានជ្រាបអំពីអ្វីដែលបានកើតឡើងនៅមន្ទីរស-២១ ក្នុងសម័យខ្មែរក្រហម ហើយបានសម្តែងនូវការគោរព ចំពោះប្រជាជនកម្ពុជាទាំងអស់ ដែលទទួលបានសន្តិភាព និងការអភិវឌ្ឍ នាពេលបច្ចុប្បន្ន បន្ទាប់ពីឆ្លងកាត់ពេលវេលាដ៏លំបាកចន្លោះឆ្នាំ១៩៧៥ ដល់១៩៧៩ មានរយៈពេល០៣ឆ្នាំ ០៨ខែ ២០ថ្ងៃ និង០៦ម៉ោង ៕
ចែករំលែកព័តមាននេះ