ស្រុកចំនួន១ និងក្រុងចំនួន១ នៅខេត្តសៀមរាប ត្រូវបានប្រកាសថាអស់មីន
- សៀមរាប
ខេត្តសៀមរាប ៖ នៅរសៀលថ្ងៃទី១៦ ខែ មករា ឆ្នាំ២០២៣ អាជ្ញាធរមីនកម្ពុជា បានប្រារព្ធធ្វើពិធី
ខេត្តសៀមរាប ៖ នៅរសៀលថ្ងៃទី១៦ ខែ មករា ឆ្នាំ២០២៣ អាជ្ញាធរមីនកម្ពុជា បានប្រារព្ធធ្វើពិធីប្រកាស ថា ក្រុងសៀមរាប និង ស្រុកក្រឡាញ់ ខេត្តសៀមរាប ដែល ជាក្រុង ស្រុកអស់មីន ក្រោមអធិបតីភាព លោក លី ធុជ ទេសរដ្ឋមន្ត្រីទទួលបន្ទុកបេសសកម្មពិសេសអនុប្រធានទី១ អាជ្ញា ធរកម្ពុជាគ្រប់គ្រងសកម្មភាពមីន និងសង្គ្រោះជនពិការដោយសារមីន ដោយ មានការអញ្ជើញចូលរួមពី លោក ទៀ សីហា អភិបាលនៃគណៈអភិបាល ខេត្តសៀមរាប លោក ឯកអគ្គរាជទូតអង់គ្លេស , ឯកអគ្គរដ្ឋទូត អាល្លឺប៉ង់ អស់លោក លោកស្រីជាតំណាងប្រទេសស្វីស, ប្រទេសអាមេរិក និង តំណាងអង្គការ HD R&D និង លោកនាយកអង្គការ ហេឡូត្រាស្ត ប្រចាំកម្ពុជា តំណាងក្រសួង-ស្ថាប័ន, អាជ្ញាធរក្រុងសៀមរាប ស្រុកក្រឡាញ់ តំណាងដៃគូអភិវឌ្ឍន៍ ប្រតិបត្តិករបោសសម្អាតមីនជាតិ-អន្តរជាតិ វិស័យឯកជន មន្ត្រីរាជការ អាជ្ញាធរឃុំ សង្កាត់ ប្រជាពលរដ្ឋ នៃក្រុង-ស្រុកទាំងពីរចូលរួមផងដែរ ។
ក្នុងឱកាសនោះដែរ លោក លី ធុជ ទេសរដ្ឋមន្ត្រីទទួលបន្ទុកបេសសកម្មពិសេស អនុប្រធានទី១ អាជ្ញាធរកម្ពុជាគ្រប់គ្រងសកម្មភាពមីន និងសង្គ្រោះជនពិការដោយសារមីន បានលើកឡើងថា ក្នុងនាមជាប្រជាពលរដ្ឋម្នាក់ លោកកោត សរសើរ និង វាយតម្លៃខ្ពស់ចំពោះស្មារតីអង់អាចក្លាហានរបស់ក្រុមការងារអ្នកដោះមីន ក្នុងការចូលរួមបំពេញបេសកកម្មជូនរាជរដ្ឋាភិបាល ដែលបានធ្វើការលះ បង់ខ្ពស់ និងប្រថុយប្រថាន ជីវិតបំផុតក្នុងការងារដ៏គ្រោះថ្នាក់នេះ ។ តាមរយៈសមត្ថ ភាពរបស់មន្ត្រីកម្ពុជាក៏ត្រូវបានទទួល ស្គាល់ជាអន្តរជាតិ តាមរយៈវត្តមានអ្នកដោះមីនកម្ពុជា នៅក្នុងបណ្តាបេសកកម្មរក្សាសន្តិភាពរបស់អង្គការសហប្រជាជាតិ នៅតាមប្រទេសមួយចំនួនដែលមានជម្លោះប្រដាប់អាវុធ ។
ក្នុងឱកាសនោះដែរលោក ទេសរដ្ឋមន្ត្រី ក៏បានលើកឡើងអំពីការសុំរៀនសូត្ររបស់ប្រទេសអ៊ុយក្រែន អំពីបច្ចេកទេសដោះមីនរបស់កម្ពុជា ដើម្បីធ្វើការបោសសម្អាតមីននៅក្នុងប្រទេសរបស់ខ្លួនដែលកំពុងមានសង្គ្រាមជាមួយប្រទេសរុស្ស៊ី ។ លោកក៏បានសាទរផងដែរ អំពីសមទ្ធិផលក្នុងខេត្តសៀមរាប ដែលត្រូវបានប្រមុខរាជរដ្ឋាភិបាលកម្ពុជាប្រសិទ្ធនាមថា ជា (តារារះនាទិសឧត្ត) ដែលនឹងជម្រុញកំណើនសេដ្ឋកិច្ច និងបង្កើនជីវភាពរស់នៅរបស់បងប្អូនប្រជា ពលរដ្ឋក្នុងខេត្តសៀមរាប កាន់តែល្អប្រសើរថែមទៀត ។
ជាមួយគ្នានោះ លោកបានគូសបញ្ជាក់ថា ខេត្តសៀមរាប ផ្ទៃដីដែលមាន មីន និងសំណល់ជាតិផ្ទុះពីសង្គ្រាម មានទំហំ៥០គីឡូម៉ែត្រក្រឡា ក្នុងស្រុកចំនួន១០ នៃខេត្តសៀមរាប ដែលត្រូវស្វែងរកម្ចាស់ជំនួយ ដើម្បីក្រុមប្រតិបត្តិករយើង ធ្វើការបោសសម្អាត ។
លោក ទេសរដ្ឋមន្ត្រី លី ធុជ ក៏មានសុទិដ្ឋិនិយមថា ឆ្ពោះទៅមុខជាមួយការប្តេជ្ញាចិត្តរបស់រាជរដ្ឋាភិបាល ក្នុងការលុបបំបាត់មីនឲ្យអស់ពីព្រះរាជាណាចក្រកម្ពុជានៅឆ្នាំ២០២៥ គឺទាមទារឲ្យមាន ការចូលរួមចំណែកទាំងអស់គ្នាទាំងធនធាន សម្ភារៈ និងស្មារតីដល់អាជ្ញាធរមីន ដើម្បីអាចសម្រេចបានគោលដៅដ៏មានសារៈសំខាន់មួយនេះ ។
លោកបានបញ្ជាក់ថា កម្ពុជានៅសេសសល់ទូទាំងប្រទេសកន្លែងដែលសង្ស័យមានគ្រាប់មីនទំហំប្រមាណ៦០០គីឡូម៉ែត្រក្រឡា ហើយនៅក្នុងឆ្នាំ២០២៣នេះ គ្រោងបោសសម្អាតផ្ទៃដីចម្ការមីនឲ្យបានជាង២០០ គីឡូម៉ែត្រក្រឡា ដែលនឹងធ្វើឲ្យខេត្តចំនួន១២នឹងក្លាយជាខេត្តអស់គ្រាប់មីន និង រហូតដល់ឆ្នាំ ២០២៥ នឹងក្លាយជាប្រទេសអស់គ្រាប់មីនតាមផែន ការដាក់ចេញដោយប្រមុខរាជរដ្ឋាភិបាលកម្ពុជា។
លោកបានថ្លែងទៀតថា នេះជាជំហានមួយបន្ថែមទៀត ចំពោះការខិតខំប្រឹងប្រែងរបស់រាជរដ្ឋាភិបាលកម្ពុជា ដើម្បីរំដោះផ្ទៃដីចម្ការមីនឲ្យ មានសុវត្ថិ ភាព និង ផ្ដល់ជូនបង ប្អូនប្រជាពលរដ្ឋបានប្រើប្រាស់អាស្រ័យផល និង មិនឲ្យមានការព្រួយបារម្ភ នៃការបង្កគ្រោះថ្នាក់ពីកាកសំណល់ពីសម័យសង្គ្រាមទាំងនោះទៀតឡើយ ។ លោកក៏បានគូសបញ្ជាក់ថា ក្នុងខេត្តសៀមរាបផ្ទៃដីដែល លោក ទេសរដ្ឋមន្ត្រី ក៏បានធ្វើការប្រកាស ទទួលស្គាល់ ក្រុងសៀមរាប និង ស្រុកក្រឡាញ់ នៃខេត្តសៀមរាប ជាក្រុង ស្រុកអស់មីន ចាប់ពីថ្ងៃនេះតទៅ ។
លោក ទៀ សីហា អភិបាលខេត្តសៀមរាប ក៏បានលើកឡើងថា ដោយមានការជួយជ្រោមជ្រែងពីបណ្តារ ប្រទេសជាមិត្ត ព្រមទាំងអង្គការដៃគូរជាច្រើន មក ដល់ពេលនេះ ឃើញថា គ្រាប់មីន គ្រាប់ បែកចង្កោម និង សំណល់ជាតិផ្ទុះផ្សេងៗ ត្រូវបានបោសសម្អាតស្ទើទូទាំងប្រទេស ។
ដោយឡែកសម្រាប់ខេត្តសៀមរាប ក្រោមការខិតខំប្រឹងប្រែងរបស់រាជរដ្ឋា ភិបាល ចាប់ពីឆ្នាំ១៩៩២រហូតដល់ពេលបច្ចុប្បន្ន ការងារបោសសម្អាតមីន និងសំណល់ជាតិផ្ទុះពីសង្គ្រាម របស់អង្គភាពប្រតិបត្តិករ ដែលបាន និងកំពុងធ្វើប្រតិបត្តិការក្នុងខេត្តមាន CMAC , Halo Trust និង អង្គការដោះមីនកម្ពុជា បានធ្វើការបោសសម្អាតចម្កាមីនលើផ្ទៃដីសរុប ៨៨លាន១៣០ពាន់៩៥៥ម៉ែត្រក្រឡា ស្មើ នឹង៨ពាន់៨១៣ហិកតា និងរកឃើញមីនថ្មើជើង ចំនួន ២១ពាន់៤៣៩ គ្រាប់ ,មីន តោន ចំនួន ៧២៧គ្រាប់ សំណល់ជាតិផ្ទុះសល់ពីសង្គ្រាមគ្រប់ប្រភេទមាន ចំនួនៈ ១១៤ពាន់៤៥៨ គ្រាប់។ក្នុងនោះអ្នកទទួលផលដោយផ្ទាល់ និងដោយប្រយោល សរុបចំនួន ៥៣៩ពាន់១៤៨ នាក់ ។ ក្នុងនោះយើងបានធ្វើការបោសសម្អាតបញ្ចប់ទាំងស្រុង ក្នុងក្រុងសៀមរាប និង ស្រុកក្រទ្បាញ់ ដែលនឹងត្រូវប្រកាសបញ្ចប់ពេល នេះ ។ ដោយទ្បែកសម្រាប់ផែនការឆ្នាំ ២០២៣ រដ្ឋបាលខេត្តគ្រោងនឹងស្នើសុំអនុម័តផែនការបោសសម្អាតមីន ចំនួន ១២២ទីតាំង លើផ្ទៃដី សរុបចំនួន ៩លាន ៦៤ពាន់៨៤៧ម៉ែត្រក្រឡាផងដែរ ៕
ចែករំលែកព័តមាននេះ