បុរសម្នាក់ និងយុវជនម្នាក់ទៀត ដែលត្រូវជាបងប្អូនថ្លៃនឹងគ្នាបានផឹកស៊ីជុំគ្នា លុះពេលស្រវឹង ស្រាប់តែមានទំនាស់ពាក្យសម្ដីគ្នាកើតឡើងតែម្តង ហើយយុវជនជាប្អូនថ្លៃនិយាយឌឺដងដាក់បងថ្លៃថា «បើបងឯងខ្លាំងហក់មក»។ ភ្លាមៗនោះ ក៏ត្រូវបុរសជាបងថ្លៃស្ទុះចូលទៅមែន ហើយ
រាជធានីភ្នំពេញ ៖ បុរសម្នាក់ និងយុវជនម្នាក់ទៀត ដែលត្រូវជាបងប្អូនថ្លៃនឹងគ្នាបានផឹកស៊ីជុំគ្នា លុះពេលស្រវឹង ស្រាប់តែមានទំនាស់ពាក្យសម្ដីគ្នាកើតឡើងតែម្តង ហើយយុវជនជាប្អូនថ្លៃនិយាយឌឺដងដាក់បងថ្លៃថា «បើបងឯងខ្លាំងហក់មក»។ ភ្លាមៗនោះ ក៏ត្រូវបុរសជាបងថ្លៃស្ទុះចូលទៅមែន ហើយធាក់១ជើងចំកណ្ដាលមុខដួលដាច់ផ្ងារ ទើបមានការវា.យតប់គ្នាទៅវិញទៅមក។ ខណៈនោះបុរសជាបងថ្លៃក៏ទាញបានកាំបិតបុ័ងតោ១កា.ប់ក្បាលប្អូនថ្លៃជាច្រើនកាំបិត បណ្ដាលឲ្យមុតរយះហូរឈា.មកក្លាក់ដួលដេកនៅនឹងកន្លែងកើតហេតុតែម្តង។
ហេតុការណ៍ខាងលើនោះ បានកើតឡើងបង្កឲ្យមានការភ្ញាក់ផ្អើលកាលពីវេលាម៉ោង៣និង៥៥នាទីល្ងាច ថ្ងៃទី១៥ ខែមករា ឆ្នាំ២០២៣ ស្ថិតនៅក្នុងភូមិព្រែកថ្លឹង សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
ជនរងគ្រោះដែលត្រូវជាប្អូនថ្លៃមានឈ្មោះ សេង ពិសិដ្ឋ អាយុ២២ឆ្នាំ មុខរបររត់ម៉ូតូកង់៣ ស្នាក់នៅក្នុងភូមិកើតហេតុខាងលើ ចំណែកបុរសជាបងថ្លៃដែលជាជនដៃដល់វិញមានឈ្មោះ ហ៊ុន ប្រុសពេជ្រ អាយុ២៧ឆ្នាំ។
បើតាមប្រភពព័ត៌មានបានឲ្យដឹងថា នៅមុនពេលកើតហេតុ អ្នកទាំង២រួមនឹងមិត្តភ័ក្ដិម្នាក់ទៀតបានផឹកស៊ីជាមួយគ្នានៅក្នុងភូមិ រហូតដល់ស្រវឹងរៀងៗខ្លួន បន្ទាប់មកមិត្តភ័ក្ដិក៏បានសុំទៅផ្ទះមុន ចំណែកអ្នកទាំង២ដែលត្រូវជាបងថ្លៃ និងប្អូនថ្លៃបាននៅផឹកស៊ីជាមួយគ្នាបន្តទៀត។ លុះមួយសន្ទុះក្រោយ ប្រពន្ធរបស់ប្អូនថ្លៃបានទៅហៅឲ្យត្រឡប់ទៅផ្ទះវិញ ហើយនៅពេលទៅដល់ផ្ទះវិញ បងថ្លៃស្រីម្នាក់ទៀតបានស្តីបន្ទោសឲ្យរឿងពូកែដើរផឹកស៊ី ។
ប្រភពដដែលបានប្រាប់ឲ្យដឹងបន្តទៀតថា ពេលនោះជនរងគ្រោះ (ប្អូនថ្លៃប្រុស) បាននិយាយតបតទៅកាន់បងថ្លៃស្រីនោះវិញថា «បងឯងពូកែរអ៊ូរទាំដាក់ខ្ញុំច្រើនម្ល៉េះ» បន្ទាប់ពីឮបែបនេះហើយ ស្រាប់តែជនសង្ស័យ (បងថ្លៃប្រុស) ដែលកំពុងនៅលើផ្ទះស្តាប់ឮ ក៏បានស្រែកដាក់ជនរងគ្រោះដែលជាប្អូនថ្លៃថា «អ្ហែងអីក៏សំដីខ្លាំងម្ល៉េះ»។ បន្ទាប់មកជនរងគ្រោះដែលជាប្អូនថ្លៃក៏បានឆ្លើយឌឺដងតបទៅបងថ្លៃវិញថា «បើបងឯងខ្លាំងហក់មក» គ្រាន់តែឮប៉ុណ្ណឹងភ្លាម ជនដៃដល់ត្រូវជាបងថ្លៃក៏បានស្ទុះទៅធាក់ជនរងគ្រោះចំកណ្តាលមុខមួយជើង បណ្តាលឲ្យដួលដាច់ផ្ងារទៅលើដីតែម្តង។
ប្រភពខាងលើបានបញ្ជាក់បន្ថែមទៀតថា គ្រានោះជនរងគ្រោះជាប្អូនថ្លៃ ក៏បានស្រវេស្រវាក្រោកឡើងវា.យតបតវិញ ចំណែកជនដៃដល់ជាបងថ្លៃក៏ចាប់បានកាំបិតបុ័ងតោ១ រួចកា.ប់ទៅលើប្អូនថ្លៃ បណ្ដាលឲ្យរងរបួសធ្ងន់ធ្ងរ។ បន្ទាប់មក ត្រូវបានក្រុមគ្រួសារបញ្ជូនទៅសង្គ្រោះបន្ទាន់ភ្លាមៗ ហើយក្រុមគ្រូពេទ្យបានដេររបួសអស់ចំនួន៩០ថ្នេរផងដែរ។
ក្រោយពេលកើតហេតុ កម្លាំងនគរបាលប៉ុស្តិ៍ព្រែកកំពឹស ក៏បានចុះទៅឃាត់ខ្លួនបុរសដៃដល់ដែលជាបងថ្លៃ រួចនាំទៅសាកសួរ និងចាត់ការតាមច្បាប់តែម្ដង៕
ចែករំលែកព័តមាននេះ