នាំទៅស្បថដូចនាំទៅឆបោ.ក យកប្រាក់សុទ្ធអស់៦០ម៉ឺនបាតថ្នូរនឹងប្រាក់ក្លែងក្លាយ៣ម៉ឺនដុល្លារ
- បន្ទាយមានជ័យ
នគរបាលមូលដ្ឋានប៉ុស្តិ៍រដ្ឋបាលអូរជ្រៅ បានទទួលពាក្យបណ្តឹងផ្ទាល់មាត់ពីជនរគ្រោះម្នាក់ដែលមានឈ្មោះ
នគរបាលមូលដ្ឋានប៉ុស្តិ៍រដ្ឋបាលអូរជ្រៅ បានទទួលពាក្យបណ្តឹងផ្ទាល់មាត់ពីជនរគ្រោះម្នាក់ដែលមានឈ្មោះ
ខេត្តបន្ទាយមានជ័យ ៖ បើតាមសេចក្តីរាយការណ៍បានឲ្យដឹងថា កាលពីថ្ងៃទី១៣ ខែមករា ឆ្នាំ២០២៣ នគរបាលមូលដ្ឋានប៉ុស្តិ៍រដ្ឋបាលអូរជ្រៅ បានទទួលពាក្យបណ្តឹងផ្ទាល់មាត់ពីជនរគ្រោះម្នាក់ដែលមានឈ្មោះ CHAKWAITHANAPHON CHAI ភេទប្រុស អាយុ៤៩ឆ្នាំ មុខរបរលក់ដូរ ជាជនជាតិថៃ ស្នាក់នៅភូមិក្បាលស្ពាន១ ស្ថិតក្នុងសង្កាត់អូរជ្រៅ ប៉ោយប៉ែត ខេត្តបន្ទាយមានជ័យ បានទៅប្តឹងសមត្ថកិច្ចថា កាលពីថ្ងៃទី៣ ខែមករា ឆ្នាំ២០២៣ មានមិត្តភក្តិរបស់គាត់ម្នាក់ឈ្មោះ អ៊យ ភេទស្រី អាយុប្រហែល៤៥ឆ្នាំ ជាជនជាតិថៃដូចគ្នា បានណែនាំជនរងគ្រោះថា មានជនជាតិខ្មែរ គេចង់យកលុយដុល្លារទិញលុយបាត ដោយឲ្យតម្លៃក្នុង ១០០ដុល្លារ ដូរបាន ២៥០០បាត ហើយមិត្តភក្តិស្រីនោះបានឲ្យលេខទូរស័ព្ទរបស់គាត់ (ជនរងគ្រោះ) ទៅគេ ដើម្បីទាក់ទងមក។
ប៉ុន្តែពេលនោះជនរងគ្រោះក៏មានការសង្ស័យដែរ ហើយក៏បានយកលុយតែ ២៥០០ បាតដូរតែប៉ុណ្ណោះទេ ដោយបានណាត់ទៅជួបគ្នានៅហាងកាហ្វេយីហោ (ជំរាបសួរ២) នៅទល់មុខ GALAXY ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ លុះពេលទៅដល់ទីនោះ ក៏បានជួបនឹងបុរសវ័យកណ្តាលចំនួន២នាក់ ជាជនជាតិខ្មែរ ដោយមិនស្គាល់អត្តសញ្ញាណ បន្ទាប់ពីបានជួបគ្នាហើយ ជនរងគ្រោះបានយកលុយបាតចំនួន ២៥០០ បាត ដូរយកក្រដាស់ប្រាក់ដុល្លារ១០០ដុល្លារអាមេរិក រួចជនរងគ្រោះក៏ត្រឡប់ទៅថៃវិញ។ ពេលទៅដល់ថៃ ជនរងគ្រោះក៏បានយកប្រាក់១០០ដុល្លារនោះ ទៅដូរនៅធនាគារសាកមើលក៏បានលុយពិតមកវិញដែរ។
តាមពាក្យបណ្តឹងបានបញ្ជាក់ទៀតថា បន្ទាប់មកជនរងគ្រោះក៏បានទាក់ទងទៅបុរសម្នាក់នោះជាប់លាប់ក្នុងការងារប្រកបមុខរបររកស៊ីជាមួយគ្នា។ លុះមកដល់ថ្ងៃទី១៣ ខែមករា ឆ្នាំ២០២៣ បុរសម្នាក់នោះ (ជនឆបោ.ក) បានខលមកជនរងគ្រោះហើយប្រាប់ថា គេត្រូវការលុយបាតជាច្រើន ដូច្នោះទើបជនរងគ្រោះលក់របស់របរបរបានលុយចំនួន ៦០០.០០០ បាត ត្រៀមទៅដូរយកប្រាក់ដុល្លារ ដើម្បីបានផលចំណេញក្នុងមុខរបររកស៊ី បន្ទាប់មកជនរងគ្រោះក៏បានទាក់ទងទៅបុរសម្នាក់នោះវិញ គេបានប្រាប់ជនរងគ្រោះថា មិនអីទេ គាត់ដូរឲ្យចំនួន ៣០.០០០ដុល្លារអាមេរិក ដោយព្រមឲ្យជនរងគ្រោះជំពាក់ ១៥០.០០០បាត សិន ព្រោះបាតមិនគ្រប់ ហើយជនរងគ្រោះបានចេញពីថៃ នឹងបានទៅជួបជនឆបោ.កនៅកន្លែងចាស់ ហាងកាហ្វេ «ជំរាបសួរ២» នៅទល់មុខ GALAXY ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ដដែល។
ពេលទៅដល់ជនរងគ្រោះបានជួបនឹងបុរសវ័យកណ្តាលចំនួន៣នាក់ ដែលក្នុងចំណោមមនុស្សទាំង៣នាក់នោះ គឺមានតែម្នាក់ប៉ុណ្ណោះដែលចេះនិយាយភាសាថៃ។ ពេលបានជួបគ្នាហើយ ជននោះក៏បានឲ្យជនរងគ្រោះរាប់លុយគេ (ដុល្លារ) ដោយពិនិត្យមើលលុយដុល្លារទាំងនោះ គឺជាលុយសុទ្ធពិត តែពេលនោះបុរសម្នាក់ដែលចេះនិយាយភាសាថៃ បានប្រាប់ជនរងគ្រោះថា យើងនៅមានពេលរកស៊ីជាមួយគ្នារយៈពេលជាយូរទៀត ដូចនេះយើងត្រូវការភាពស្មោះត្រង់នឹងគ្នា ទើបឲ្យជនរងគ្រោះទៅស្បថជាមួយគ្នា ជនរងគ្រោះក៏យល់ព្រម ហើយបានឡើងជិះរថយន្តម៉ាក GS300 ពណ៌ស របស់ពួកគេទៅ ។
បន្ទាប់មក ពួកគេក៏បានទៅឈប់រថយន្តនៅខាងជើងកាស៊ីណូ GALAXY បន្តិច ហើយក៏បានប្រាប់ឲ្យជនងគ្រោះចុះទៅមុន តែពេលនោះលុយបាតចំនួន ៦០០.០០០បាតរបស់ជនរងគ្រោះបានដាក់លើកៅអីខាងក្រោយ និងទូរស័ព្ទម៉ាក PHONE 12PRO ១គ្រឿង ម៉ាក MI០ ១គ្រឿងហើយបុរសម្នាក់ក្នុងចំណោម៣នាក់បានដកយកលុយដុល្លារ៣ដុំ ដាក់ចូលក្នុងកាបូប រួចហុចឲ្យជនរងគ្រោះដោយប្រាប់ថា (ចុះទៅ) ពេលជនរងគ្រោះក៏ចុះពីលើរថយន្ត គ្រាន់តែបែរក្រោយបន្តិច ស្រាប់តែជនសង្ស័យ១ក្រុមនោះបាននាំគ្នាបើករថយន្តយ៉ាងប្រញាប់ប្រញាល់ចេញទៅបាត់ ដោយបន្សល់ទុកជនរងគ្រោះនៅកន្លែងកើតហេតុ ពេលឃើញសកម្មភាពជន១ក្រុមនោះធ្វើដូច្នោះ ជនរងគ្រោះបានដេញតាមដែរ តែដេញមិនទាន់ឡើយ។ បន្ទាប់មកជនរគ្រោះបានយកលុយដុល្លារ១កាបូប ដែលជនឆបោ.កបានហុចឲ្យនោះ (៣ម៉ឺនដុល្លារ) ទៅមើលទើបដឹងថា ជាលុយក្លែងក្លាយទាំងអស់ ធ្វើឲ្យជនរងគ្រោះតក់ស្លុតស្ទើរតែគាំងបេះដូងទៅហើយ។
ក្រោយពេលទទួលបានពាក្យបណ្តឹងនោះភ្លាម សមត្ថកិច្ចនគរបាលប៉ុស្តិ៍រដ្ឋបាលអូរជ្រៅ បានធ្វើការដុតដៃដុតជើងសហការជាមួយកម្លាំងជំនាញក្រុង-ខេត្ត តាមស្រាវជ្រាវយ៉ាងយកចិត្តទុកដាក់ ដើម្បីស្វែងរកមុខសញ្ញាឆបោ.កនោះ រួចនាំមកផ្តន្ទាទោសតាមផ្លូវច្បាប់៕
ចែករំលែកព័តមាននេះ