ខេត្តមណ្ឌលគិរី ៖ យុវតីជាសិស្សសាលាម្នាក់ បានបង្កភ្ញាក់ផ្អើលដល់ក្រុមគ្រួសារយ៉ាងខ្លាំង ព្រោះតែនាងបានរត់ចេញពីផ្ទះបន្សល់ទុកសំបុត្រមួយច្បាប់ប៉ុណ្ណោះ កើតឡើងកាលពីល្ងាចថ្ងៃទី១០ កក្កដា ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ។
ខេត្តមណ្ឌលគិរី ៖ យុវតីជាសិស្សសាលាម្នាក់ បានបង្កភ្ញាក់ផ្អើលដល់ក្រុមគ្រួសារយ៉ាងខ្លាំង ព្រោះតែនាងបានរត់ចេញពីផ្ទះបន្សល់ទុកសំបុត្រមួយច្បាប់ប៉ុណ្ណោះ កើតឡើងកាលពីល្ងាចថ្ងៃទី១០ កក្កដា ស្ថិតក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី ។
អធិការក្រុងសែនមនោរម្យ លោកកាន់ ពេញ បានឱ្យដឹងដែរថា ក្រោយពីទទួលពាក្យបណ្តឹងពីឈ្មោះសៅ រិទ្ធ និងឈ្មោះសួន ស៊ីថា ជាឪពុកម្តាយក្មេងស្រី លោកក៏បានជូនដំណឹងបន្តទៅបណ្តាប៉ុស្តិ៍រដ្ឋបាលទូទាំងខេត្ត ដើម្បីចុះអន្តរាគគមន៍ ។ លោកថា យុវតីដែលរត់ចេញពីផ្ទះឈ្មោះហុច ស្រីពៅ អាយុ១៦ឆ្នាំ ជាសិស្សថ្នាក់ទី១០ មានទីលំនៅភូមិដោះក្រមុំ សង្កាត់សុខដុម ក្រុងសែនមនោរម្យ។
ក្រោយការសាកសួរឪពុកម្តាយថា មិនមានការស្តីបន្ទោសលើកូនស្រី ឬមានបញ្ហាអ្វីជាមួយកូននោះទេ ប៉ុន្តែក្រោយរត់ចេញនោះកូនស្រី បានបន្សល់ទុកសំបុត្រមួយច្បាប់ដែលបានសរសេរថា «កូនស្រីម្នាក់នេះខុសច្រើនណាស់ កូនសូមទោស ម៉ែកុំតាមរកកូនអី កូនមិនល្អទេ» ។ នៅក្នុងឃ្លាចុងក្រោយនៃសំបុត្របញ្ជាក់ថា «ថ្ងៃណាមួយ កូននឹងមកលេងម៉ែ» ។
ទោះជាយ៉ាងណា មកដល់ថ្ងៃទី១១ កក្កដា នេះ យុវតីដែលរត់ចេញពីផ្ទះ សមត្ថកិច្ចនិងក្រុមគ្រួសារ នៅមិនទាន់មានតម្រុយនៅឡើយទេ ។
ចែករំលែកព័តមាននេះ