១-បោះកាក់ចូលម៉ាសីុនយន្តហោះ
ស្ត្រីចំណាស់ម្នាក់ជាដើមហេតុធ្វើឱ្យជើងហោះហើរមួយនៅក្រុងសៀងហៃយឺតយ៉ាវ ក្រោយពីបោះកាក់ចូលម៉ាសីុន ធ្វើឱ្យអាកាសយានិកចុះចតបន្ទាន់ ។
២-ត្រីសាលម៉ុងនៅអាត្លង់ទិកជិតផុតពូជ
១-បោះកាក់ចូលម៉ាសីុនយន្តហោះ
ស្ត្រីចំណាស់ម្នាក់ជាដើមហេតុធ្វើឱ្យជើងហោះហើរមួយនៅក្រុងសៀងហៃយឺតយ៉ាវ ក្រោយពីបោះកាក់ចូលម៉ាសីុន ធ្វើឱ្យអាកាសយានិកចុះចតបន្ទាន់ ។
២-ត្រីសាលម៉ុងនៅអាត្លង់ទិកជិតផុតពូជ
បច្ចុប្បន្នត្រីសាលម៉ុងកំពុងជិតផុតពូជនៅតំបន់អាត្លង់ទិក ។ កាលពីឆ្នាំ២០១៦នៅសល់តិចជាង៥០០.០០០ក្បាល ដោយធ្លាក់ចុះប្រហែល២៧%កាលពីឆ្នាំ២០១៥ ។
៣-លាក់បង្កងប៉ាកក្នុងវ៉ាលីសធ្វើដំណើរ
បង្កងប៉ាកមួយក្បាលស្ថិតនៅក្នុងវ៉ាលីសអ្នកដំណើរនៅអាកាសយានដ្ឋានក្រុងបូស្តុន កាលពីពេល ថ្មីៗកន្លងមក ដើម្បីយកទៅចិញ្ចឹម ប៉ុន្តែត្រូវគយឆែកឃើញ ។
៤-កង់ឈប់ចតគ្មានសណ្តាប់ធ្នាប់ត្រូវអាជ្ញាធរចិនចាប់
កង់ជាច្រើនពាន់គ្រឿងដាក់តម្រៀបនៅទីលានមួយ ព្រោះជាកង់ចតដោយខុសច្បាប់ ត្រូវអាជ្ញាធរចាប់យកទៅគរទុកចោល នៅក្រុងហាងចូវ ប្រទេសចិន ។
៥-ជនភៀសខ្លួនស្លាប់នៅវាលខ្សាច់ចំនួន៥១នាក់
ជនភៀសខ្លួនអាហ្វ្រិកខាងលិចប្រហែល៥១នាក់ ស្លាប់នៅវាលខ្សាច់សាហារ៉ា ប្រទេសនីហ្សេ ដោយសារខ្វះម្ហូបអាហារ និងទឹក ខណៈពេលពួកគេភៀសខ្លួនទៅប្រទេសទី៣នៅអឺរ៉ុប ។
៦-ចេកចម្លែកចេញផ្លែនៅកណ្តាលដើម
អ្នកក្រុងឡាំពូន ប្រទេសថៃ នាំគ្នាអុជធូបនៅដើមចេកចម្លែកដែលចេញត្រយូងកណ្តាលដើម ដោយមាន៤ស្និតចំនួន៤៨ផ្លែ ដើម្បីសុំលេខឆ្នោត ។
៧-ខ្មោចបាឡែនទើរនៅតំបន់ឆ្នេរខេត្តភូកេត
ខ្មោចត្រីបាឡែនដ៏ធំមួយរសាត់អណ្តែតទើរលើឆ្នេរក្នុងខេត្តភូកេត ប្រទេសថៃដោយសន្និដ្ឋានថា វាងាប់រយៈពេល៧ថ្ងៃមកហើយ ។ អាជ្ញាធរថៃកំពុងពិនិត្យរកមើលមូលហេតុ ។
៨-យន្តហោះផ្ទុះកង់ក្នុងពេលចុះចតនៅអេស្ប៉ាញ
យន្តហោះមួយគ្រឿងរបស់ក្រុមហ៊ុនអាកាសចរណ៍«Jet2»ពីក្រុងមេនឆេស្ទ័ររបស់អង់គ្លេសទៅក្រុងTenerifeប្រទេសអេស្ប៉ាញ បានផ្ទុះកង់ ខណៈពេលចុះចត តែសំណាងល្អគ្មាននរណាម្នាក់របួសទេ ។
៩-ស្រីតែងតួជាប្រុសពពោះជំនួសប្រពន្ធ
នារីតែងតួជាប្តីបានពពោះជំនួសប្រពន្ធជាស្ត្រីភេទដូចគ្នា បច្ចុប្បន្នពួកគេកំពុងត្រៀមសម្រាលកូនក្នុងពេល ឆាប់ៗខាងមុខ នៅប្រទេសថៃ ។
១០-បារាំងចាប់ខ្លួនជនល្មើសដែលបើករថយន្តបុកមនុស្សនៅខាងក្រៅវិហារក្រុងប៉ារីស
ប៉ូលិសបារាំងបានចាប់ខ្លួនបុរសម្នាក់ ក្រោយពីព្យាយាមបើករថយន្តចូលទៅហ្វូងមនុស្សនៅផ្នែកខាងមុខវិហារមួយនៅភាគខាងកើតឆៀងខាងត្បូងក្រុងប៉ារីស កាលពីពេល ថ្មីៗកន្លងទៅ ៕
ចែករំលែកព័តមាននេះ