តាមប្រសាសន៍របស់លោក សូរ ប្លាតុង អភិបាល នៃគណៈអភិបាលស្រុកប្រាសាទបាគង បានប្រាប់នៅព្រឹកថ្ងៃទី១០ ខែមករា ឆ្នាំ២០២៣នេះថា ករណីអណ្ដាតភ្លើងឆាបឆេះម៉ាស៊ីនកិនស្រូវមួយកន្លែង បានកើតឡើងកាលពី
ខេត្តសៀមរាប ៖ បើតាមប្រសាសន៍របស់លោក សូរ ប្លាតុង អភិបាល នៃគណៈអភិបាលស្រុកប្រាសាទបាគង បានប្រាប់នៅព្រឹកថ្ងៃទី១០ ខែមករា ឆ្នាំ២០២៣នេះថា ករណីអណ្ដាតភ្លើងឆាបឆេះម៉ាស៊ីនកិនស្រូវមួយកន្លែង បានកើតឡើងកាលពីរាត្រីទៀបភ្លឺ ថ្ងៃទី៩ ខែមករា ឆ្នាំ ២០២៣ វេលាម៉ោង៤និង០០នាទីព្រឹក ដែលជាម៉ាស៊ីនកិនស្រូវរបស់ឈ្មោះ ឆុយ ប៊ុនឈឿន ភេទប្រុស អាយុ៣៥ឆ្នាំ រស់នៅចំណុចភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀម រាប តាមបណ្ដោយផ្លូវជាតិលេខ៦។
លោកបានបន្ថែមថា ករណីឆេះម៉ាស៊ីនកិនស្រូវនោះ បណ្តាលឱ្យមានការខូចខាត ៖ ១- រោងម៉ាស៊ីនកិនស្រូវ១ខ្នង ដែលមានទំហំ៣០ម៉ែត្រគុណ៥០ម៉ែត្រ ប្រក់ស័ង្កសីជញ្ជាំងស័ង្កសី ដែលឆេះអស់ ១៥ %។ ២- ឆេះស្រូវដែលចម្អិតនៅឡ អស់ចំនួន១០តោន។ ៣- ឆេះឡស្ងូតមួយដែលមានតម្លៃ ១០,០០០ដុល្លារ។
លោកបានបញ្ជាក់ថា ករណីអគ្គីភ័យកើតឡើងនេះ មិនបានធ្វើឱ្យប៉ះពាល់ដល់ផ្ទះដែលនៅជិតខាងនោះទេ ដោយសារកម្លាំងប៉ុស្ដិ៍ កម្លាំងប្រជាការពារ ម្ចាស់ផ្ទះ និងប្រជាពលរដ្ឋបាននាំគ្នាជួយពន្លត់ទាន់ពេលវេលា។
លោកបញ្ជាក់ទៀតថា ក្នុងពេលកំពុងកើតហេតុនោះ រថយន្ដពន្លត់អគ្គិភ័យរបស់អធិការនគរបាលស្រុកប្រាសាទបាគង បានចេញជួយអន្តរាគមន៍អស់១គ្រឿង ដោយប្រើប្រាស់ទឹកអស់ចំនួន៣រថយន្ត រហូតនៅវេលាម៉ោង៩និង៣០នាទីព្រឹកថ្ងៃខែឆ្នាំដដែល អណ្ដាតភ្លើងក៏បានរលត់ទាំងស្រុងតែម្តង។ ហើយចំពោះមូលហេតុ គឺបណ្ដាលមកពីដាច់.កស៊ីម៉ាំងឡម៉ាស៊ីនសម្ងួតស្រូវដែលកំពុងដំណើរការ បណ្ដាលឱ្យមានចេញផ្កាភ្លើងក្លាយជាអគ្គិភ័យឆាបឆេះតែម្ដង។ លោកបញ្ជាក់ទៀតថា ចំពោះករណីភ្លើងឆេះម៉ាស៊ីនកិនស្រូវនោះ លោកនៅមិនបានដឹងថា តើអស់តម្លៃសរុបប៉ុន្មាននោះទេ?៕
ចែករំលែកព័តមាននេះ