ក្តៅពេកសុំស្លៀកខោខ្លីមិនឱ្យ ទាល់តែចឹង
សិស្សប្រុសក្នុងសាលារៀន ISCA College ក្នុងទីក្រុង Exeter ប្រទេសអង់គ្លេស បានទៅរៀនដោយស្លៀកសំពត់ ដើម្បីប្រឆាំងនឹងគោលការណ៍មិនឲ្យស្លៀកខោខ្លីរបស់សាលារៀន បើទោះជាមានអាកាសធាតុក្តៅ។
សិស្សប្រុសក្នុងសាលារៀន ISCA College ក្នុងទីក្រុង Exeter ប្រទេសអង់គ្លេស បានទៅរៀនដោយស្លៀកសំពត់ ដើម្បីប្រឆាំងនឹងគោលការណ៍មិនឲ្យស្លៀកខោខ្លីរបស់សាលារៀន បើទោះជាមានអាកាសធាតុក្តៅ។
សិស្សប្រុសក្នុងសាលារៀន ISCA College ក្នុងទីក្រុង Exeter ប្រទេសអង់គ្លេស បានទៅរៀនដោយស្លៀកសំពត់ ដើម្បីប្រឆាំងនឹងគោលការណ៍មិនឲ្យស្លៀកខោខ្លីរបស់សាលារៀន បើទោះជាមានអាកាសធាតុក្តៅ។
កាលពីថ្ងៃពុធ សិស្សប្រុស៥នាក់ បាននាំមុខក្នុងការស្លៀកសំពត់ទៅរៀន ប៉ុន្តែថ្ងៃព្រហស្បត្តិ៍ បែរជាឃើញមានសិស្សច្រើនជាង៥០នាក់ទៅទៀតដែលសម្រេចចិត្តធ្វើតាម ដោយមានសិស្សខ្លះទៅខ្ចីសំពត់ពីស្រីៗដែលនៅជិតសាលារៀន ដើម្បីចូលរួមការធ្វើកូតកម្មទៀត។
បន្ទាប់ពីសិស្សទាំងនោះ បានមកកាន់សាលារៀនដោយស្លៀកសំពត់ សាលារៀនបាននិយាយថា ពួកគេកំពុងតែពិចារណាលើការផ្លាស់ប្តូរគោលការណ៍ឯកសណ្ឋានរបស់ពួកគេ ប៉ុន្តែសិស្សដទៃបានរាយការណ៍មកថា សិស្សប្រុសជាច្រើនត្រូវបានផ្តន្ទាទោសទៅវិញ។
ក្នុងថ្ងៃព្រហស្បត្តិ៍ សិស្សម្នាក់បានអះអាងថា លោកត្រូវបានប្រាប់ឲ្យផ្លាស់ប្តូរសំពត់ចេញ ព្រោះតែវាមានប្រវែងខ្លីពេក ខណៈដែលសិស្សម្នាក់ទៀតនិយាយថា ព្រោះតែជើងរបស់គេមានរោមច្រើនពេក។
ពួកគេបានបន្ថែមថា សិស្សប្រុសៗថ្នាក់ខ្ពស់បានយកឡាមមកកោររោមជើងទៀតផង។
អ្នកស្រី Claire Reeves ដែលជាអាណាព្យាបាលបាននិយាយថា «សិស្សស្រីអាចស្លៀកសំពត់មួយឆ្នាំពេញ ដូច្នេះខ្ញុំគិតថា វាមិនយុត្តិធម៌ទេសម្រាប់សិស្សប្រុសដែលមិនអាចស្លៀកខោខ្លី។ សិស្សប្រុសមិនមានជម្រើសទេ ហើយខ្ញុំពិតជាព្រួយបារម្ភពពីការប៉ះពាល់របស់កំដៅទៅដល់ពួកគេណាស់»។
ម្តាយម្នាក់ទៀតរបស់ក្មេងប្រុសអាយុ១៤ឆ្នាំម្នាក់ដែលជាសិស្សសាលាខាងលើបាននិយាយថា «កូនប្រុសរបស់ខ្ញុំចង់ស្លៀកខោខ្លី ប៉ុន្តែគេត្រូវបានប្រាប់មកថា នឹងមានការផ្តន្ទាទោសអស់មួយសប្តាហ៍។ ប្រធានគ្រូបានប្រាប់ដល់គេថា ពួកគេអាចស្លៀកសំពត់បាន ប៉ុន្តែខ្ញុំគិតថា អ្នកគ្រូនិយាយលេងតែប៉ុណ្ណោះ។ ប៉ុន្តែក្មេងៗបែរជាយកពាក្យនោះជាការពិត ដូច្នេះក្មេងប្រុស៥នាក់ស្លៀកសំពត់ទៅរៀន ហើយដោយសារតែអ្នកគ្រូជាអ្នកប្រាប់ថា ការស្លៀកសំពត់គឺមិនខុស ទើបអ្នកគ្រូមិនអាចធ្វើអ្វីបានឲ្យតែសំពត់ទាំងនោះជាសំពត់រៀន»។
ប្រធានគ្រូ Aimee Mitchell បាននិយាយថា ពួកគេកំពុងតែពិចារណាលើការកែប្រែគោលការណ៍ឯកសណ្ឋានសាលាហើយ។
អ្នកគ្រូបានបន្តថា «ពួកយើងទទួលស្គាល់ថា ក្នុងរយៈពេលប៉ុន្មានថ្ងៃមកនេះ ពិតជាមានអាកាសធាតុក្តៅពិតមែន ហើយពួកយើងកំពុងតែខិតខំអស់ពីសមត្ថភាពក្នុងការផ្តល់ភាពងាយស្រួលដល់សិស្ស និងបុគ្គលិករបស់ពួកយើងតាមទៅអ្វីដែលអាចធ្វើបាន។ កៅខ្លី គឺមិនមែនជាផ្នែកមួយនៃឯកសណ្ឋានសិស្សប្រុសទេក្នុងពេលបច្ចុប្បន្ននេះ ហើយខ្ញុំមិនចង់ធ្វើការកែប្រែណាមួយមុនពេលពិភាក្សាជាមួយសិស្ស និងគ្រួសាររបស់ពួកគេជាមុនទេ។ យ៉ាងណាក្តី ដោយអាកាសធាតុក្តៅមានកាន់តែញឹកញាប់ទៅ ខ្ញុំក៏សប្បាយចិត្តនឹងពិចារណាថា នឹងកែប្រែនាពេលអនាគតដែរ»។
ចែករំលែកព័តមាននេះ