រាជធានីភ្នំពេញ៖ ទោះបីជាយុទ្ធនាការសម្រាប់ការបោះឆ្នោតជ្រើសរើសអ្នកតំណាងរាស្ត្រសម្រាប់ នីតិកាលទី៦ ឆ្នាំ២០១៨ មិនទាន់ដល់យ៉ាងណាក្តីមេបក្សកាន់អំណាចបានលើកយកចំណុច៤ សម្រាប់
រាជធានីភ្នំពេញ៖ ទោះបីជាយុទ្ធនាការសម្រាប់ការបោះឆ្នោតជ្រើសរើសអ្នកតំណាងរាស្ត្រសម្រាប់ នីតិកាលទី៦ ឆ្នាំ២០១៨ មិនទាន់ដល់យ៉ាងណាក្តីមេបក្សកាន់អំណាចបានលើកយកចំណុច៤ សម្រាប់បន្តដឹកនាំប្រទេសនាពេលខាងមុខនេះ។
សម្តចតេជោ ហ៊ុនសែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា បានសរសេរលើបណ្តាញសង្គមហ្វេសប៊ុកថា ៤សំណួរដែលបញ្ជាក់ថា គណបក្សប្រជានកម្ពុជារឹងមាំ និងបន្តឈ្នះឆ្នោតនៅឆ្នាំ២០១៨ ដែលមានខ្លឹមសារយ៉ាងខ្លីថា គណបក្សប្រជាជនកម្ពុជា ហ៊ានលះបង់រំដោះប្រទេសពីប៉ុលពល, ផ្តល់កំណើតទី២ដល់ពលរដ្ឋខ្មែរ, នាំមកនូវសន្តិភាព កសាងប្រទេស និងហ៊ានលះបងជីវិតខ្លួនមិនស្តាយមិនរត់ចោលស្រុក។
សម្តេចបានសរសេរលើបណ្តាញសង្គមហ្វេសប៊ុកនៅថ្ងៃទី៤ ខែកក្កដាថា ៤សំណួរដែលបញ្ជាក់ថា គណបក្សប្រជានកម្ពុជា រឹងមាំ និង បន្តឈ្នះឆ្នោតនៅឆ្នាំ២០១៨ ដូចជា៖
១)- តើគណបក្សណាមួយ ដែលហ៊ានលះបង់គ្រប់យ៉ាងរំដោះប្រទេសពីរបបប្រល័យពូជសាសន៍ប៉ុលពត និងផ្តល់កំណើតទី២ដល់ប្រជាពលរដ្ឋខ្មែរ? គឺគណបក្សប្រជាជនកម្ពុជា។
២)- តើគណបក្សណាមួយ ដែលបាននាំមកនូវសន្តិភាពពេញលេញដល់កម្ពុជា? គឺគណបក្សប្រជាជនកម្ពុជា។
៣)- តើគណបក្សណាមួយ ដែលបានកសាងប្រទេសពីគំនរផេះផង់រហូតដល់កម្ពុជាបានរីកចម្រើនមកទល់សព្វថ្ងៃនេះ? គឺគណបក្សប្រជាជនកម្ពុជា។
៤)- តើមេដឹកនាំគណបក្សណាមួយ ដែលហ៊ានលះបង់សូម្បីអាយុជីវិតខ្លួនមិនស្តាយ មិនរត់ចោលប្រជាពលរដ្ឋ ទៅសំងំយកស្រួលម្នាក់ឯងនៅក្រៅប្រទេស ហើយនៅតែតស៊ូរួមសុខរួមទុក្ខជាមួយពលរដ្ឋ តាំងពីប្រទេសធ្លាក់ចូលក្នុងភ្នក់ភ្លើងសង្គ្រាម រហូតមកទល់សព្វថ្ងៃនេះ? គឺសម្តេចតេជោ ហ៊ុន សែន ប្រធានគណបក្សប្រជាជន។
លើបណ្តាញសង្គមហ្វេសប៊ុកដដែលបានបញ្ជាក់ថា ប្រជាពលរដ្ឋសព្វថ្ងៃនេះ គឺបានដឹង និងបានឃើញច្បាស់នូវការខិតខំប្រឹងប្រែងរបស់សម្តេចតេជោ ហ៊ុន សែន ប្រមុខដឹកនាំគណបក្សប្រជាជន និងជានាយករដ្ឋមន្ត្រីនៃកម្ពុជាក្នុងការ «ថែរក្សាសន្តិភាពដើម្បីយើងមានឱកាសកសាងប្រទេសជាតិឱ្យកាន់តែរីកចម្រើន។ ហេតុដូច្នេះហើយបានជាក្នុងពេលបោះឆ្នោតក្រុមប្រឹក្សាឃុំ-សង្កាត់កន្លងទៅនេះ គឺគណបក្សប្រជាជន បានឈ្នះដាច់ជាមួយនឹងសម្លេងគាំទ្រច្រើនលើសលុប ដែលបញ្ជាក់កាន់តែច្បាស់ថា គណបក្សប្រជាជនកម្ពុជា គឺនឹងបន្តឈ្នះឆ្នោតទៀតនៅឆ្នាំ២០១៨ ខាងមុខនេះ»។
ទោះបីជាមានការលើកឡើងយ៉ាងណាក្តី គណបក្សប្រឆាំងធ្លាប់បានលើកឡើងថា ការបោះឆ្នោតអ្នកណាឈ្នះ ឬចាញ់នោះអាស្រ័យលើប្រជាពលរដ្ឋដែលជាម្ចាស់ឆ្នោត មិនអាស្រ័យលើបក្សនោះទេ។ ជាងនេះបក្សប្រឆាំងក៏បានធ្លាប់លើកឡើង និងអំពាវនាវថាសូមឲ្យការបោះឆ្នោតដោយត្រឹមត្រូវ និងយុត្តិធម៌ កុំមានការគំរាមកំហែងដោយគ្រប់រូបភាពណាមួយ។ បក្សប្រឆាំងចង់បានលទ្ធផល «ចាញ់ដោយអស់ចិត្ត និងអ្នកឈ្នះដោយកិត្តិយស»៕
ចែករំលែកព័តមាននេះ