សោកសង្រេងណាស់! ស្លា.ប់ទាំងម្តាយ និងទារកក្នុងផ្ទៃ
- ស្វាយរៀង
តើប្តីណាមិនស្លុត ដោយមច្ចុរាជបានឆក់យកជីវិតប្រពន្ធជាទីស្រឡាញ់ និងកូននៅក្នុងផ្ទៃមិនទាន់បានឃើញមុខផងនោះ? គឺមានតែសោកស្តាយស្រណោះនិងសង្រេងបំផុត
ខេត្តស្វាយរៀង ៖ តើប្តីណាមិនស្លុត ដោយមច្ចុរាជបានឆក់យកជីវិតប្រពន្ធជាទីស្រឡាញ់ និងកូននៅក្នុងផ្ទៃមិនទាន់បានឃើញមុខផងនោះ? គឺមានតែសោកស្តាយស្រណោះនិងសង្រេងបំផុត ។ ហេតុការណ៍ស្ត្រីដែលស្លា.ប់ទាំងទារកនៅក្នុងផ្ទៃនេះបានកើតឡើងនៅវេលាម៉ោង១០និង១១នាទីយប់ថ្ងៃទី០៥ មករា ២០២៣ ស្ថិតនៅភូមិព្រៃវល្ល៍ ឃុំថ្មីស្រុកកំពង់រោទ៍ ។
បើតាមសមត្ថកិច្ចបានឲ្យដឹងថា ស្ត្រីរងគ្រោះឈ្មោះជា សោភណ្ឌ័ អាយុ៣២ឆ្នាំ មានមុខបរលក់ដូរផលិតផលនិងឡេ គ្រឿងក្រអូបនៅផ្ទះ មានទីលំនៅភូមិព្រៃវល្ល៍ ឃុំថ្មីស្រុកកំពង់រោទ៌ ។ ប្រភពបន្តថា ស្ត្រីរងគ្រោះគឺមានផ្ទៃពោះជិតគ្រប់ខែហើយ កន្លងមក នាងបានទៅពិនិត្យអេកូ គឺទារកក្នុងផ្ទៃ«កូនប្រុស» ហើយបានទៅមណ្ឌលសុខភាពពិនិត្យផ្ទៃពោះ ហើយត្រូវគ្រូពេទ្យបានប្រាប់ថា នាងគ្រប់ខែហើយនៅតែចាំថ្ងៃសម្រាលទេ ។
ចំពោះសុខភាពគាត់គឺល្អធម្មតា មិនដែលមានជំងឺឈឺស្កាត់អីទេ ។ ហើយនៅថ្ងៃកើតហេតុវេលាម៉ោង០៦ល្ងាច ស្ត្រីរងគ្រោះគឺហូបបាយជុំគ្នាជាមួយប្តីនិងកូនស្រីម្នាក់អាយុ៧ឆ្នាំ គឺសុខភាពធម្មតា ១ម៉ោងក្រោយមក ស្រាប់តែមានអាការៈហត់ដង្ហក់ខ្លាំងតែម្តង បុរសជាប្តីក៏បានប្រញាប់ប្រញាល់ហៅរថយន្តសាមុយដឹកស្ត្រីជាប្រពន្ធ បញ្ជូនទៅមន្ទីរពេទ្យបង្អែកខេត្តស្វាយរៀង ដើម្បីសង្គ្រោះ ។
តែជាអកុសលបញ្ជូនទៅជិតដល់មន្ទីរពេទ្យហើយ ស្ត្រីរងគ្រោះបានស្លា.ប់បាត់បង់ជីវិត នៅលើរថយន្ត គួរឲ្យសង្វេក ខណៈនោះក្រុមគ្រូពេទ្យបានដឹកសពស្ត្រីរងគ្រោះយកទៅមន្ទីរពេទ្យខេត្ត ហើយធ្វើការវះកាត់ភ្លាមៗដើម្បីសង្គ្រោះទារកក្នុងផ្ទៃ ក៏ប៉ុន្តែអ្វីៗគឺយឺតពេលទៅហើយទារកក៏បានស្លា.ប់ទៅតាមម្តាយដែរ ។
បុរសជាប្តីដែលវ័យ៣៦ឆ្នាំបានឲ្យដឹងទៀតថា គាត់បានរៀបការជាមួយស្ត្រីជាប្រពន្ធ មានចំណងដៃកូនស្រីម្នាក់អាយុ៧ឆ្នាំ ហើយដែលស្លា.ប់នៅក្នុងផ្ទៃគឺជាកូនទី២ជាកូនប្រុស មិនគួរមកជួបរឿងអកុសល តែមួយប៉ព្រិចភ្នែក ត្រូវព្រពន្ធនិងកូនក្នុងផ្ទៃស្លា.ប់ចោលគាត់និងកូនស្រីបែបនេះសោះ វាលឿនពេកហើយ។ សព ម្តាយនិងកូនសមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី និងធ្វើពិធីបូជានៅល្ងាចថ្ងៃទី០៦មករា២០២៣នេះសូមចូលរួមសោកស្តាយផង ៕
ចែករំលែកព័តមាននេះ