ចំណូលពីការនាំចេញម្រេចធ្លាក់ចុះ ដោយសារការផ្គត់ផ្គង់លើសតម្រូវការ
ដោយសារការផ្គត់ផ្គង់លើសតម្រូវការ កសិករវៀតណាមជាច្រើនត្រូវបានគេប្រាប់ឱ្យស្តុកម្រេច និងរង់ចាំតម្លៃកើនឡើង ។
« ការនាំចេញម្រេចរបស់វៀតណាមត្រូវគេព្យាករថា
ដោយសារការផ្គត់ផ្គង់លើសតម្រូវការ កសិករវៀតណាមជាច្រើនត្រូវបានគេប្រាប់ឱ្យស្តុកម្រេច និងរង់ចាំតម្លៃកើនឡើង ។
« ការនាំចេញម្រេចរបស់វៀតណាមត្រូវគេព្យាករថា
ប្រទេសវៀតណាម ៖ ដោយសារការផ្គត់ផ្គង់លើសតម្រូវការ កសិករវៀតណាមជាច្រើនត្រូវបានគេប្រាប់ឱ្យស្តុកម្រេច និងរង់ចាំតម្លៃកើនឡើង ។
« ការនាំចេញម្រេចរបស់វៀតណាមត្រូវគេព្យាករថា នឹងឈានដល់ប្រហែលជាង១០ម៉ឺនតោនក្នុងរយៈពេល៦ខែដំបូងឆ្នាំ២០១៧ កើនឡើង១៣% ប៉ុន្តែប្រាក់ចំណូលបានមកពីវិស័យនេះទំនងជាធ្លាក់ចុះ១៣% » ។ នេះបើតាមលោក Do Ha Nam ប្រធានសមាគមម្រេចវៀតណាម (VPA) ។
លោក Nam បានប្រាប់សារព័ត៌មានក្នុងស្រុកថា ៖« នៅពេលការផ្គត់ផ្គង់លើសតម្រូវការ អ្នកនាំចូលព្យាយាមបញ្ចុះតម្លៃ។ វៀតណាមជាប្រទេសផ្តល់ទិន្នផលម្រេចជាង៦០%នៃទិន្នផលម្រេចសកល នឹងត្រូវរងផលប៉ះពាល់យ៉ាងធ្ងន់ធ្ងរ » ។
នៅរដូវប្រមូលផលធំបំផុត កសិករបានលក់ម្រេចក្នុងបរិមាណច្រើនដើម្បីទូទាត់នឹងការចំណាយ ជាហេតុធ្វើឱ្យតម្លៃធ្លាក់ចុះ ។ កសិករក្នុងស្រុកជួបនឹងស្ថានភាពលំបាកនៅពេលពួកគេលក់ម្រេចកាន់តែច្រើន ហើយតម្លៃធ្លាក់ចុះ ។
តម្លៃម្រេចក្នុងស្រុកបានធ្លាក់ចុះនៅខែឧសភា និងមិថុនា ដូច្នេះសមាគមម្រេចវៀតណាម ជំរុញឱ្យកសិករក្នុងស្រុកស្តុកម្រេចសិន និងរង់ចាំតម្លៃកើនឡើងវិញ ។
លោក Nam បន្តថា ៖ « ប្រសិនបើកសិករអាចស្តុកម្រេចបានរយៈពេល១ទៅ២ខែទៀត តម្លៃនឹងកើនឡើងម្តងទៀត » ។
ទោះជាយ៉ាងណា បញ្ហាធំបំផុតដែលកំពុងប្រឈមមុខ គឺការពង្រីកចម្ការម្រេច ។ ប្រសិនបើចម្ការបន្តកើនឡើងតាមអត្រាបច្ចុប្បន្ន តម្លៃម្រេចនឹងទទួលរងនូវផលប៉ះពាល់ពីការផ្គត់ផ្គង់លើសតម្រូវការនាពេលអនាគត ។
ក្នុងគោលបំណងកាត់បន្ថយហានិភ័យទាំងនេះ សមាគមបានណែនាំកសិករឱ្យបញ្ឈប់ការដាំម្រេចនៅលើដីមិនសមស្រប និងប្តូរទៅដំណាំផ្សេងជំនួសវិញដើម្បីទទួលបានប្រាក់ចំណូលបន្ថែម ។ ទោះបីមានការព្រមានទាំងនេះ ក៏កសិករនៅតែបន្តពង្រីកចម្ការម្រេចរបស់ពួកគេ ។
ម្រេច១ហិកតាអាចរកប្រាក់ចំណូលបានយ៉ាងហោចណាស់ជាង១ម៉ឺនដុល្លារអាមេរិក ខណៈផ្ទៃដីទំហំដូចគ្នាសម្រាប់ដំណាំកាហ្វេទទួលចំណូលតិចជាងនេះ ៕
ចែករំលែកព័តមាននេះ