មានករណីមួយបង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះមកត្រួតពិនិត្យភ្លាមៗ ខណៈអណ្ដាតភ្លើងបានឆាបឆេះបន្ទប់ខុនដូមួយកន្លែង
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានករណីមួយបង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះមកត្រួតពិនិត្យភ្លាមៗ ខណៈអណ្ដាតភ្លើងបានឆាបឆេះបន្ទប់ខុនដូមួយកន្លែង។ ហេតុការណ៍នេះដែរ បានបង្កអោយមានការឡើងកាលពីវេលាម៉ោង៨និង៣០នាទីយប់ ថ្ងៃទី៥ ខែមករា ឆ្នាំ២០២២ នៅក្នុងបន្ទប់ខុនដូជាន់ទី២ មួយកន្លែង ជិតច្រកចូលចូលវត្តដំបូងខ្ពស់ ផ្លូវបេតេ ស្ថិតក្នុងភូមិក្បាលទំនប់ សង្កាត់បឹងទំពុនទី១ ខណ្ឌមានជ័យ ។
យោងតាមប្រភពព័ត៌មានពីប្រជាពលរដ្ឋដែលឃើញហេតុការណ៍បានអោយដឹងថា មុនពេលកើតហេតុ ពួកគាត់ជាអ្នករស់នៅក្បែរអគារខុនដូនោះ ក៏បានប្រទះឃើញមានផ្សែងហុយចេញពីបន្ទប់ខុនដូខាងលើ ជាន់ទី២ តែដឹងមិនថាឆេះអ្វីនោះទេ ទើបនាំគ្នាឆោឡោថា មានភ្លើងឆេះ និងរាយការណ៍ជូនអាជ្ញាធរសមត្ថកិច្ចមូលដ្ឋានអោយចុះទៅពិនិត្យផងដែរ តែពេលដែលសមត្ថកិច្ចចុះទៅពិនិត្យ បុគ្គលិកនៅក្នុងខុនដូបានប្រាប់សមត្ថកិច្ចថា មានករណីឆេះជំនាងផ្ទះ តែត្រូវបានពួកគាត់បានយកបំពង់ពន្លត់អគ្គិភ័យមកបាញ់មួយបំពង់ និងបានរលត់ទៅវិញអស់ហើយដែរ ។
ទោះបីជាយ៉ាងណាក៏ដោយ នៅក្នុងហេតុការណ៍ឆេះជំនាងផ្ទះខាងលើនេះ ទាំងម្ចាស់ផ្ទះ ក៏ដូចជាសមត្ថកិច្ចមិនទាន់អាចបញ្ជាក់បានទេថា តើមកពីមូលហេតុអ្វីនោះទេ?។
ចែករំលែកព័តមាននេះ