ADផ្ទាំងផ្សព្វផ្សាយពាណិជ្ជកម្ម

Picture

ទីក្រុង​តូ​ក្យូ​កកកុញ​ពេក រដ្ឋាភិបាល​ប្រកាស​ផ្តល់​ប្រាក់​ជិត៨​ពាន់​​ដុល្លារ ​សម្រាប់​គ្រួសារ​រើ​ចេញ

4 ខែ មុន

ជប៉ុន ៖ ជប៉ុន​បាន​ប្រកាស​ផ្តល់​ប្រាក់​ឧ​បត្ត​ម្ភ​ដល់​គ្រួសារ​ទាំងឡាយ​ណា​ដែល​រើ​ចេញពី​ទីប្រជុំជន​ក្នុង​

ជប៉ុន ៖ ជប៉ុន​បាន​ប្រកាស​ផ្តល់​ប្រាក់​ឧ​បត្ត​ម្ភ​ដល់​គ្រួសារ​ទាំងឡាយ​ណា​ដែល​រើ​ចេញពី​ទីប្រជុំជន​ក្នុង​ទីក្រុង​តូ​ក្យូ ទៅ​រស់នៅ​តំបន់​មិនសូវ​មាន​មនុស្ស​កកកុញ ដើម្បី​ស្ថា​រ​ទីក្រុង​ជនបទ​ឡើង​វិញ និង​ជំរុញ​អត្រា​ផ្តល់​កំណើត ដែល​កំពុង​ធ្លាក់​ចុះ​ខ្លាំង​។

Picture

ចាប់ពី​ខែមេសា​តទៅ គ្រួសារ​ទាំងឡាយ​ដែល​រស់នៅ​ក្នុង​តំបន់​ប្រជុំជន​តូ​ក្យូ រួម​មាន​អ្នក​ដែល​មាន​ឪពុក ឬ​ម្តាយ​តែ​ម្នាក់ នឹង​ទទួល​បាន​ទឹកប្រាក់ ១​លាន​យេ​ន (៧.៧០០​ដុល្លារ​) សម្រាប់​កូន​ម្នាក់ ប្រ​សិន​ពួក​គេ​រើ​ទៅ​រស់នៅ​ក្នុង​តំបន់​មាន​ប្រជាជន​តិច​ទូ​ទាំង​ប្រទេស​។ នេះ​បើ​យោង​តាម​អ្នកនាំពាក្យ​រដ្ឋាភិបាល​កណ្តាល​។

ប្រាក់​លើកទឹកចិត្ត​នេះ​អនុវត្ត​ចំពោះ​កូន​ៗ​អាយុ​ក្រោម ១៨​ឆ្នាំ ឬ​អ្នក​នៅ​ក្នុង​បន្ទុក​អាយុ ១៨​ឆ្នាំ និង​លើស ១៨​ឆ្នាំ​ប្រ​សិន​ពួក​គេ​កំពុង​បន្ត​ការ​សិក្សា​នៅ​វិទ្យាល័យ​។

Picture

នេះ​មិនមែន​ជា​លើក​ដំបូង​ទេ​ដែល​រដ្ឋាភិបាល​ជប៉ុន​ព្យាយាម​ប្រើ​ការ​លើកទឹកចិត្ត​ផ្នែក​ហិរញ្ញវត្ថុ​ដើម្បី​លើកទឹកចិត្ត​ប្រជាជន​ឱ្យ​រើ​ចេញពី​ទីក្រុង​តូ​ក្យូ​ដែល​បច្ចុប្បន្ន​មាន​ប្រជាជន​រស់នៅ ៣៧​លាន​នាក់​។

សូម​បញ្ជាក់​ថា អស់​រយៈពេល​ជា​ច្រើន​ទសវត្សរ៍​មក​ហើយ ប្រជាជន​ទូ​ទាំង​ប្រទេស​ជប៉ុន​បាន​ធ្វើ​អន្តោប្រវេសន៍​ពី​ស្រុក​ទៅ​កាន់​ម​ជ្ឍ​មណ្ឌល​ទីក្រុង ដើម្បី​ស្វែងរក​ឱកាស​ការងារ​។

Picture

មុន​ពេល​មានការ​រាតត្បាត​កូ​វី​ដ ១៩ ចំនួន​ប្រជាជន​ដែល​រើស​មក​រស់នៅ​ទីក្រុង​តូ​ក្យូ​មាន​ចំនួន​ច្រើន​ជាង​អ្នក​ចាកចេញ​រហូត​ដល់ ៨០.០០០​នាក់​ក្នុង​មួយ​ឆ្នាំ​។ នេះ​បើ​យោង​តាម​ស្ថិតិ​របស់​រដ្ឋាភិបាល​កាលពី​ឆ្នាំ ២០២១​។

តូ​ក្យូ ជាទី​ក្រុង​ថ្លៃ​បំផុត​មួយ​ក្នុង​ពិភពលោក ដោយ​វា​ស្ថិត​នៅ​ចំណាត់ថ្នាក់​លេខ ៥​កាលពី​ឆ្នាំ ២០២២៕ (​យោង​តាម​ប្រភព​៖ CNN)

Picture
Picture
Picture