អ្នកលេងអុកម្នាក់ត្រូវគេព្រមានមិនឱ្យត្រឡប់ទៅវិញ ក្រោយចូលរួមប្រកួតមិនពាក់កន្សែងក្បាល
អ៊ីរ៉ង់ ៖ អ្នកលេងអុកជនជាតិអ៊ីរ៉ង់ម្នាក់បានធ្វើដំណើរមកដល់ប្រទេសអេស្ប៉ាញកាលពីថ្ងៃអង្គារ ទី ៣
អ៊ីរ៉ង់ ៖ អ្នកលេងអុកជនជាតិអ៊ីរ៉ង់ម្នាក់បានធ្វើដំណើរមកដល់ប្រទេសអេស្ប៉ាញកាលពីថ្ងៃអង្គារ ទី ៣ មករា ម្សិលមិញនេះ បន្ទាប់ពីរងការព្រមានមិនឱ្យត្រឡប់ទៅកាន់ប្រទេសអ៊ីរ៉ងវិញ ដោយសារតែបានចូលរួមប្រកួតអុកក្នុងប្រទេសកាហ្សាក់ស្ថានដោយមិនបានពាក់កន្សែងលើក្បាល (hijab)។
ស្ត្រីឈ្មោះ Sara Khadem វ័យ ២៦ឆ្នាំ បានចូលរួមក្នុងការប្រកួតជើងឯកអុកពិភពលោកកាលពីសប្តាហ៍មុនក្នុងទីក្រុង Almaty ដោយមិនមានពាក់កន្សែងក្បាល ដែលជាកាតព្វកិច្ចតម្រូវដោយច្បាប់សំលៀកបំពាក់ដ៏តឹងរបស់អ៊ីរ៉ង់។
តាមប្រភពមួយដែលសុំមិនបញ្ចេញឈ្មោះ បាននិយាយថា Sara Khadem ទទួលបានការហៅទូរស័ព្ទចូលជាបន្តបន្ទាប់ជាច្រើនដង ដោយក្នុងនោះមានអ្នកខ្លះព្រមាននាងមិនឱ្យត្រឡប់ទៅស្រុកវិញ បន្ទាប់ពីការប្រកួត ខណៈអ្នកខ្លះទៀតនិយាយថា នាងគួរត្រឡប់ទៅវិញ ដោយសន្យាថានឹងដោះស្រាយបញ្ហារបស់នាង។
តាមប្រភពបញ្ជាក់ថា សាច់ញាតិ និឪពុកម្តាយរបស់នាង ដែលកំពុងរស់នៅក្នុងប្រទេសអ៊ីរ៉ង់ ក៏ទទួលបានការគំរា.មផងដែរ។
ការព្រមានតាមទូរស័ព្ទនោះ បណ្តាលឱ្យអ្នករៀបចំព្រឹត្តិការណ៍ប្រកួតអុកផ្តល់ការការពារដល់នាងដោយមានកិច្ចសហប្រតិបត្តិការពីប៉ូលីសកាហ្សាក់ស្ថាន។ នៅខាងក្រៅបន្ទប់សណ្ឋាគាររបស់នាង Sara Khadem មានអង្គរក្សការពារចំនួន ៤នាក់។
យោងតាមវេបសាយសហព័ន្ធអុកអន្តរជាតិ (ICF) Sara Khadem ស្ថិតនៅចំណាត់ថ្នាក់ ៨០៤ក្នុងពិភពលោក៕ (យោងតាមប្រភព៖ Reuters)
ចែករំលែកព័តមាននេះ