ខេត្តសៀមរាប ៖ កម្លាំងអធិការនគរបាលព្រហ្មទណ្ឌក្រុងសៀមរាបចុះឃាត់ខ្លួនក្រុមក្មេងស្ទាវបានចំនួន៣នាក់ បន្ទាប់ពីធ្វើសកម្មភាពជិះម៉ូតូដេញកា.ប់ទៅលើជនរងគ្រោះម្នាក់នៅផ្លូវ៦០ម៉ែត្របណ្ដាលឱ្យរបួ.សធ្ងន់ រួចហើយពួកគេគេចខ្លួនបាត់ ។ ហេតុការណ៍ឃាត់ខ្លួនធ្វើឡើងកាលពីវេលាម៉ោងប្រមាណ៥ល្ងាចថ្ងៃទី០១ មករា ឆ្នាំ២០២៣ ស្ថិតនៅត្រង់ចំណុចភូមិអញ្ចាញសង្កាត់នគរធំ…
ខេត្តសៀមរាប ៖ កម្លាំងអធិការនគរបាលព្រហ្មទណ្ឌក្រុងសៀមរាបចុះឃាត់ខ្លួនក្រុមក្មេងស្ទាវ
បានចំនួន៣នាក់ បន្ទាប់ពីធ្វើសកម្មភាពជិះម៉ូតូដេញកា.ប់ទៅលើជនរងគ្រោះម្នាក់នៅផ្លូវ៦០ម៉ែត្របណ្ដាលឱ្យរបួ.សធ្ងន់ រួចហើយពួកគេគេចខ្លួនបាត់ ។ ហេតុការណ៍ឃាត់ខ្លួនធ្វើឡើងកាលពីវេលាម៉ោងប្រមាណ៥ល្ងាចថ្ងៃទី០១ មករា ឆ្នាំ២០២៣ ស្ថិតនៅត្រង់ចំណុចភូមិអញ្ចាញសង្កាត់នគរធំ ក្រុងសៀមរាប ។
បើតាមប្រសាសន៍របស់លោកវរសេនីយ៍ ឯក ដា ចំរើន អធិការនគរបាលក្រុងសៀមរាបបានឱ្យដឹងថា ដោយទទួលបានពាក្យបណ្ដឹងរបស់ជនរងគ្រោះ ឈ្មោះ គ្រុំ ស្រស់ ភេទប្រុស អាយុ១៩ឆ្នាំ មុខរបរសិស្ស រស់នៅភូមិវត្តបូព៌ សង្កាត់សាលាកំរើក ក្រុងខេត្តសៀមរាប បណ្តាលឱ្យរងរបួសត្រង់ខ្នង ទើបលោកឱ្យកម្លាំងនគរបាលមូលដ្ឋាននៃក្រុងសៀមរាប បានធ្វើការស្រាវជ្រាវរហូតឃាត់ខ្លួនបានជន សង្ស័យចំនួន៣នាក់ រួចយកមកធ្វើការសួរនាំ នៅអធិការដ្ឋាននគរបាលក្រុង ដើម្បីរៀបចំកសាងសំណុំ រឿងបញ្ជូនខ្លួនទៅតុលាការ ចាត់ការបន្ត។
លោកបញ្ជាក់ថា ជនសង្ស័យ ទី ០១-ឈ្មោះ យឹម អង ហៅឆាង ភេទប្រុស អាយុ១៨ឆ្នាំ មុខរបរមិនពិតប្រាកដ មានស្រុកកំណើត នឹងទីលំនៅបច្ចុប្បន្ននៅភូមិបឹងដូនប៉ា សង្កាត់ស្លក្រាម ក្រុង/ខេត្ត សៀមរាប ។ ជនសង្ស័យ ទី០២-ឈ្មោះស៊ឹង ម៉េងលាប ភេទប្រុស អាយុ១៥ឆ្នាំ មុខរបរមិនពិតប្រាកដ មានស្រុកកំណើត នឹងទីលំនៅបច្ចុប្បន្ននៅភូមិអញ្ចាញ សង្កាត់នគរធំ ក្រុង/ខេត្តសៀមរាប និងជនសង្ស័យទី០៣-ឈ្មោះ សន សុខវីត ភេទប្រុស អាយុ១៥ ឆ្នាំ មុខរបរ មិនពិត ប្រាកដ មានស្រុកកំណើតនិងទីលំ នៅបច្ចុប្បន្ននៅភូមិអញ្ចាញ សង្កាត់នគរធំ ក្រុង/ខេត្តសៀម រាប។
លោកបន្ថែមទៀតថា ជនសង្ស័យទាំង៣នាក់ខាងលើ ពាក់ព័ន្ធទៅនឹងករណីហិ.ង្សា.ដោយចេតនា និងធ្វើឱ្យខូចខាតដោយចេតនាមានស្ថានទម្ងន់ទោស នឹងប្រើប្រាស់ដោយខុសច្បាប់នូវសារធាតុញៀន ។
សូមរំលឹកផងដែរថា កាលពីថ្ងៃទី៣១ ខែធ្នូ ឆ្នាំ២០២២ វេលាម៉ោង០៣ទៀបភ្លឺ ឈានចូលថ្ងៃទី១ ខែមករាស្ថិត នៅចំណុចខាងត្បូងរង្វង់មូលផ្លូវ ៦០ម៉ែត្រ ក្នុងភូមិធ្លកអណ្តូង សង្កាត់ស្លក្រាម ក្រុង,ខេត្តសៀមរាប មានករណីហិង្សាដោយចេតនា មានស្ថានទម្ងន់ ទោស និងធ្វើឱ្យខូចខាតដោយចេតនា មានស្ថានទម្ងន់ទោស បង្កឡើងដោយជនសង្ស័យខាងលើ និងបក្សពួក បានធ្វើសកម្មភាពជិះម៉ូតូដេញកាប់ជនរង គ្រោះ ឈ្មោះ គ្រុំ ស្រស់ ភេទ ប្រុស អាយុ ១៩ឆ្នាំ មុខរបរសិស្ស រស់នៅភូមិវត្តបូព៌ សង្កាត់សាលាកំរើក ក្រុងខេត្តសៀមរាប បណ្តាលឱ្យរងរបួសត្រង់ខ្នង ហើយ ជនរងគ្រោះផ្តួលម៉ូតូ រួចរត់គេចខ្លួន ។
បន្ទាប់មកក្រុមជនសង្ស័យបានកាប់ម៉ូតូរបស់ជនរងគ្រោះបណ្តាលឱ្យខូចខាតស្ទើទាំងស្រុង ហើយ ក៏ នាំគេច ខ្លួនបាត់ អស់ទៅ បន្សល់ទុកនៅម៉ូតូរបស់ជនរងគ្រោះ។
ចែករំលែកព័តមាននេះ