រយៈពេលប៉ុន្មានថ្ងៃកន្លងមក សីតុណ្ហភាពឡើងខ្ពស់ដល់ទៅ៣២អង្សាសេនៅអង់គ្លេស ធ្វើឱ្យលោក Joey Barge អាយុ២០ឆ្នាំ ជាបុគ្គលិករបស់ក្រុមហ៊ុនមួយសម្រេចចិត្តស្លៀកពាក់ខុសបទបញ្ជាផ្ទៃក្នុងរបស់ក្រុមហ៊ុន គឺ
រយៈពេលប៉ុន្មានថ្ងៃកន្លងមក សីតុណ្ហភាពឡើងខ្ពស់ដល់ទៅ៣២អង្សាសេនៅអង់គ្លេស ធ្វើឱ្យលោក Joey Barge អាយុ២០ឆ្នាំ ជាបុគ្គលិករបស់ក្រុមហ៊ុនមួយសម្រេចចិត្តស្លៀកពាក់ខុសបទបញ្ជាផ្ទៃក្នុងរបស់ក្រុមហ៊ុន គឺស្លៀកខោខ្លីទៅធ្វើការ ។
លោកJoeyស្លៀកខោខ្លីពណ៌ខៀវទៅធ្វើការ និងបង្ហោះរូបតាមហ្វេសប៊ុក ខណៈបើកបររថយន្តទៅក្រុមហ៊ុនដោយសរសេររៀបរាប់ថា «ស្ត្រីអាចស្លៀកសំពត់ទៅធ្វើការបាន ខ្ញុំក៏អាចស្លៀកខោខ្លីទៅធ្វើការបានដូចគ្នា» ។
នៅពេលទៅដល់កន្លែងធ្វើការលោកJoeyត្រូវប្រធានក្រុមហ៊ុនចេញបញ្ជាប្តូរទៅស្លៀកខោជើងវែងវិញ ប៉ុន្តែគេមិនធ្វើតាមទេ ដូច្នេះហើយត្រូវហាមមិនឱ្យចូលកន្លែងធ្វើការ ។
ស្អែកឡើងលោកJoeyផ្គើនដោយស្លៀកសំពត់ខ្លីពណ៌ឆើតឆាយទៅធ្វើការ ដោយក្នុងចិត្តគិតថា ប្រហែលជាត្រូវបណ្តេញទៅផ្ទះទៀតហើយ ប៉ុន្តែលទ្ធផលមិនដូច្នេះទេ គឺបែរជាអនុញ្ញាតឱ្យចូលធ្វើការជាធម្មតាទៅវិញ ។
ខណៈពេលទៅដល់កន្លែងការងារ លោកJoeyបង្ហោះរូបតាមហ្វេសប៊ុកបង្ហាញលោកស្លៀកសំពត់ខ្លី និងសរសេរថា «បន្តិចទៀតជួបគ្នា ហើយខ្ញុំប្រហែលជាត្រូវបណ្តេញទៅផ្ទះជាមិនខាន» ។
នៅពេលទៅដល់ក្រុមហ៊ុន លោកJoeyបែរជាជួបរឿងនឹកស្មានមិនដល់ទៅវិញគឺបានទទួលអីុម៉េលពីផ្នែកបុគ្គលិកបញ្ជាក់ថា «សូមគោរពសុភាពបុរស លោកអាចស្លៀកខោខ្លីមានប្រវែង៣ភាគ៤ ពណ៌ខ្មៅ ពណ៌ខៀវ និងពណ៌ប្រផេះមកធ្វើការបាន» ៕
ចែករំលែកព័តមាននេះ