ឃាត់ខ្លួនមនុស្ស២នាកពាក់ព័ន្ធករណី រក្សាទុកដោយខុសច្បាប់នូវសារធាតុញៀន
ខេត្តកណ្តាល ៖ កម្លាំងនគរបាលរដ្ឋបាលប៉ុស្តិ៍ព្រែកដាច់ សហការជាមួយកម្លាំងជំនាញផ្នែកប្រឆាំងគ្រឿងញៀ.នស្រុកលើកដែក
ខេត្តកណ្តាល ៖ កម្លាំងនគរបាលរដ្ឋបាលប៉ុស្តិ៍ព្រែកដាច់ សហការជាមួយកម្លាំងជំនាញផ្នែកប្រឆាំងគ្រឿងញៀនស្រុកលើកដែក បានស្ទាក់ឃាត់ខ្លួនមនុស្ស២នាក់ពាក់ព័ន្ធករណីរក្សាទុកដោយខុសច្បាប់នូវសារធាតុញៀន ដើម្បីប្រើប្រាស់ កាលពីវេលាម៉ោង៦និង១០នាទីល្ងាច ថ្ងៃទី២៤ ខែមិថុនា ឆ្នាំ២០១៧ នៅតាមបណ្តោយផ្លូវជាតិលេខ១៤ ត្រង់ចំណុចទល់មុខធនាគារអម្រិត ស្ថិតក្នុងភូមិព្រែកដាច់ ឃុំព្រែកដាច់ ស្រុកលើកដែក ខេត្តកណ្តាល។
មនុស្ស២នាក់ដែលសមត្ថកិច្ចឃាត់ខ្លួននោះ ទី១.ឈ្មោះ ឌឹម ប្រុស ហៅដា ភេទប្រុស អាយុ១៧ឆ្នាំ ជនជាតិខ្មែរមានទីលំនៅភូមិព្រែកតូច ឃុំព្រែកដាច់ ស្រុកលើកដែក និងទី២.ឈ្មោះ ជឿន ណារឿន ហៅអូន ភេទប្រុស១៩ឆ្នាំ ជនជាតិខ្មែរ មានទីលំនៅភូមិ.ឃុំជាមួយគ្នា។ សមត្ថកិច្ចឲ្យដឹងថា បន្ទាប់ពីទទួលបានព័ត៌ពីពលរដ្ឋល្អរាយការណ៍មកប្រាប់ថា មុខសញ្ញាទាំង២នាក់ខាងលើចុះទៅទិញគ្រឿងញៀនពីឃុំពាមរាំង ដើម្បីយកមកប្រើប្រាស់ ហើយបានត្រលប់ឡើងមកវិញ។
ភ្លាមនោះកម្លាំងនគរបាលប៉ុស្តិ៍ព្រែកដាច់ សហការជាមួយផ្នែកជំនាញប្រឆាំងគ្រឿងញៀនស្រុកក៏បានចេញស្ទាក់ចាប់ឃាត់ខ្លួនមុខសញ្ញាទាំង២នាក់ធ្វើការឆែកឆេរ ដកហូតបានវត្ថុតាងនូវម្ស៉ៅក្រាមពណ៌សថ្លាសង្ស័យសារធាតុញៀន(ប្រភេទម៉ាទឹកកក)ចំនួន២កញ្ចប់តូច ដែលដាក់នៅក្នុងកាបូបដៃ។ ក្រោយសួរនាំរួចជនសង្ស័យនិងវត្ថុតាងត្រូវនគរបាលរដ្ឋបាលប៉ុស្តិ៍ព្រែកដាច់កសាងសំណុំរឿងទៅអធិការដ្ឋាននគរបាលស្រុកលើកដែកដើម្បីចាត់ការបន្តតាមនីតិវិធី៕
ចែករំលែកព័តមាននេះ