ត្រួតពិនិត្យទំនិញខូចគុណភាពនិងហួសកាលបរិច្ឆេទ
ខេត្តបន្ទាយមានជ័យ ៖ តូប ស្តង់លក់ដូរ ហាង និងកូនផ្សារ(ម៉ាត)លក់ទំនិញទំនើបមួយចំនួននៅក្នុងក្រុងសិរីសោភ័ណត្រូវបានមន្ត្រីជំនាញកាំកុងត្រូលសាខាខេត្តបន្ទាយមានជ័យសហការនឹង
ខេត្តបន្ទាយមានជ័យ ៖ តូប ស្តង់លក់ដូរ ហាង និងកូនផ្សារ(ម៉ាត)លក់ទំនិញទំនើបមួយចំនួននៅក្នុងក្រុងសិរីសោភ័ណត្រូវបានមន្ត្រីជំនាញកាំកុងត្រូលសាខាខេត្តបន្ទាយមានជ័យសហការនឹង
ខេត្តបន្ទាយមានជ័យ ៖ តូប ស្តង់លក់ដូរ ហាង និងកូនផ្សារ(ម៉ាត)លក់ទំនិញទំនើបមួយចំនួននៅក្នុងក្រុងសិរីសោភ័ណត្រូវបានមន្ត្រីជំនាញកាំកុងត្រូលសាខាខេត្តបន្ទាយមានជ័យសហការនឹងមន្ត្រីមន្ទីរពាណិជ្ជកម្ម មន្ត្រីនគរបាលប្រឆាំងបទល្មើសសេដ្ឋកិច្ចខេត្តដឹកនាំសមត្ថកិច្ចចម្រុះ ចុះពិនិត្យទំនិញរកទំនិញខូចគុណភាព និងហួសកាលកំណត់ប្រើប្រាសជាច្រើនក្នុងប្រតិបត្តិការកាលពីថ្ងៃទី២៣ ខែមិថុនា ឆ្នាំ២០១៧ ។ លោក ឈុន ឃាង ប្រធានប៉ុស្តិ៍តំបន់សេដ្ឋកិច្ចពិសេសអូរនាងប៉ោយប៉ែតនៃសាខាកាំកុងត្រូលខេត្តបន្ទាយមានជ័យបានឲ្យដឹងនៅថ្ងៃទី២៣ ខែមិថុនា ថាតាមការណែនាំរបស់លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យ និងដើម្បីធានាបាននូវគុណភាព និងសុវត្ថិភាពអនាម័យទំនិញម្ហូបអាហារក្នុងទូទាំងខេត្តបន្ទាយមានជ័យ ។
ជាលទ្ធផលមន្ត្រីជំនាញរបស់លោកបានដកហូតបានទំនិញខូចគុណភាព និងហួសកាលបរិច្ឆេទមួយចំនួនរួមមាន១៧មុខដូចជា ប៉ាតេកំប៉ុងស្ប៉ាម(Spam)១០កំប៉ុង ទឹកដោះគោផាលេស(Palace)៨កំប៉ុង តែអូអ៊ីឈិ(Oichi)៤ដប ទឹកក្រូចកូកាកូឡា២ដប ស្រាបៀរហ្គ្រោន៣កំប៉ុង ទឹកស៊ីអ៊ីវម៉ាស៊ីភ្នំមាស២១ដប ទឹកត្រីថៃ៨ដប មីកញ្ចប់១កញ្ចប់ ទឹកផ្លែឈើវាហាហា១៦ដប ទឹករ៉ែធម្មជាតិភ្នំភ្លើង(Mont Fleur)៩ដប ទឹកប៉េងប៉ោះកេតជប់(Ketchup)៤ដប ទឹកផ្លែឈើស្រស់ម៉ាលី(Malee)៧ដប ភេសជ្ជៈអូវានទីនសយ៣កញ្ចប់ នំប៉័ងក្រៀមប្រនរ៉ាយ(Brown Rice) តែខ្ញីហតតា(Hotta)៣កញ្ចប់ គូលែនកំប៉ុង និងសាវម៉ាវម៉ាលី (Malee )១១កំប៉ុង និងនំណេសលេ(Nestle)៦ប្រអប់ ។ ទំនិញខូចគុណភាព និងហួសកាលកំណត់ប្រើប្រាស់ទាំងនេះភាគច្រើនរឹបអូស និងធ្វើកិច្ចសន្យាពីផ្សារតូចទំនើបឈ្មោះ ហេបភី ម៉ាត (Happy Mart) នៅផ្លូវជាតលេខ៦ ភូមិសូភីសង្កាត់កំពង់ស្វាយ ក្រុងសិរីសោភ័ណ និងហាងខ្លះនៅក្រុងនេះ ។
លោក ឈុន ឃាង និយាយបន្តថា ពេលបានលទ្ធផលបង្ក្រាបគួរភ្ញាក់ផ្អើលនេះលោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យក៏បានអំពាវនាវ និងសំណូមពរដល់ពលរដ្ឋដែលមានមូលដ្ឋាននៅក្នុងខេត្តបន្ទាយមានជ័យធ្វើយ៉ាងណាមុនទិញទំនិញ ឬម្ហូបអាហារទៅបរិភោគត្រូវពិនិត្យឱ្យបានច្បាស់លាស់នូវកាលបរិច្ឆេទ និងគុណភាណទំនិញ ។ ពោលគឺចៀសវាងទិញប៉ះទំនិញក្លែងក្លាយ ឬអាហារខូចគុណភាពដែលអាចធ្វើឲ្យប៉ះពាល់ដល់សុខភាពខ្លួនឯង និងកូនចៅ ៕
ចែករំលែកព័តមាននេះ