គន្លឹះជួយកុមារឱ្យទទួលយកការរិះគន់កាន់តែប្រសើរ
- ភ្នំពេញ
រាជធានីភ្នំពេញ ៖ ពេលខ្លះ ការអង្គុយនៅក្បែរ ហើយចាំជួយកែតម្រូវកូន តើអ្នកមានអារម្មណ៍ថា ជាសមរភូមិទេ ? អ្នកមានបំណងល្អបំផុត ប៉ុន្តែពួកគេរឹងរូសពេលអ្នកចង្អុលបង្ហាញថា…
រាជធានីភ្នំពេញ ៖ ពេលខ្លះ ការអង្គុយនៅក្បែរ ហើយចាំជួយកែតម្រូវកូន តើអ្នកមានអារម្មណ៍ថា ជាសមរភូមិទេ ? អ្នកមានបំណងល្អបំផុត ប៉ុន្តែពួកគេរឹងរូសពេលអ្នកចង្អុលបង្ហាញថា ពួកគេបានធ្វើខុស ។ ទោះបីជាមានចេតនាល្អប៉ុណ្ណាក៏ដោយ ពេលខ្លះអាចជាការពិបាកសម្រាប់កុមារក្នុងការទទួលយកការរិះគន់ ។
ខាងក្រោមនេះ គឺជាវិធី ៧ យ៉ាង ដើម្បីបង្រៀនកូនរបស់អ្នកឱ្យទទួលការរិះគន់បានល្អ ៖
១. រង់ចាំ ៖ រក្សាការអត់ធ្មត់របស់អ្នក ដោយអនុញ្ញាតិឱ្យពួកគេធ្វើ ឬនិយាយ ហើយអ្នកគួរតែរង់ចាំរហូតដល់ពួកគេធ្វើ ឬនិយាយចប់ ជំនួសឱ្យការរំខាន ។
២. រក្សាភាពស្ងប់ស្ងាត់ និងគ្រប់គ្រង ៖ វាមិនពិបាកទេ ក្នុងការខកចិត្តនៅពេលអ្នកមានអារម្មណ៍ថា អ្នកបានកែកូនរបស់អ្នកជាច្រើនដង ហើយគេនៅតែធ្វើខុសដដែល ។ ប៉ុន្តែការខឹងនឹងមិនធ្វើឱ្យអ្វីល្អប្រសើរឡើងនោះទេ ។ ការបាត់ការគ្រប់គ្រង និងនិយាយដោយកំហឹងនឹងធ្វើឱ្យកូនអ្នកភ្ជាប់ការរិះគន់របស់អ្នកដោយការស្រែក ។ ដូច្នេះសូមរំលឹកគេម្តងទៀតដោយថ្នមៗ តាមរយៈការសរសេរកំណត់ចំណាំខ្លះក៏បាន ។
៣. សួរសំណួរដោយគ្មានការវិនិច្ឆ័យ ៖ ជំនួសឱ្យការផ្តល់នូវការរិះគន់ទាំងស្រុង អ្នកអាចសួរកូនរបស់អ្នកនូវសំណួរដែលមានការរិះគិតម្តងវិញ ។ ឧទាហរណ៍ ជំនួសឱ្យការសួរថា «តើកូនឯងចង់ស្លៀកពាក់អាក្រក់ចឹង ?» សូមនិយាយថា តើកូនអាចមើលទៅខុសប្លែកទេ បើស្លៀកពាក់ខុសពីនេះ ? តើកូនគិតថា ពណ៌សអាចល្អជាងពណ៌ខ្មៅទេ ? ។
៤. ត្រូវអប់រំកូន ៖ ឧទាហរណ៍ ពេលកូនបោសសម្អាតផ្ទះ គេមិនដឹងវិធីត្រឹមត្រូវក្នុងការប្រើអំបោសទេ ។ ឪពុកម្តាយគួរបង្ហាញពីវិធីល្អជាងក្នុងការធ្វើ ប៉ុន្តែកុំធ្វើឱ្យកូនមានអារម្មណ៍មិនល្អចំពោះកំហុសរបស់គេ ។ អ្នកអាចនិយាយថា «បើកូនធ្វើវាតាមរបៀបនេះ កូនអាចបោសកាន់តែលឿន និងស្អាតល្អ» ។ ប្រសិនបើកុមារដឹងពីរបៀបដែលការរិះគន់របស់អ្នកនឹងផ្តល់ផលប្រយោជន៍ដល់ពួកគេ ពួកគេនឹងកាន់តែស្តាប់តាម ។
៥. ផ្តល់ឱកាសឱ្យពួកគេព្យាយាមម្តងទៀត ៖ «តើកូនចង់សាកល្បងម្តងទៀតទេ ?» អ្នកគួរសួរកូនៗរបស់អ្នកពេលពួកគេធ្វើមិនបានល្អ ។ ពេលខ្លះ ឱកាសកែកំហុសអ្វីដែលក្មេងបានធ្វើ គឺការមានអារម្មណ៍ល្អ ។ ដូច្នេះ សូមផ្តល់ជម្រើស ហើយព្យាយាមចៀសវាងការបញ្ចេញមតិអវិជ្ជមានដូចជា «ធ្វើបែបនោះខុស» ឬ «តើកូនកំពុងគិតយ៉ាងណា ?» ការនិយាយបែបលើកតម្កើង និងលើកទឹកចិត្តកាន់តែច្រើន ដូចជា «ប៉ាគិតថា កូននឹងទទួលបានជោគជ័យជាងប្រសិនបើ …» និង «ហេតុអ្វីកូនមិនព្យាយាមសាកធ្វើ…» អាចបង្កើនឱកាសរបស់អ្នកក្នុងការបង្រៀនកូនរបស់អ្នកពីរបៀបទទួលការរិះគន់បានល្អ ។
៦. អបអរសាទរ និងកោតសរសើរ នៅពេលដែលពួកគេទទួលយក និងប្រើប្រាស់ការរិះគន់បានល្អ ៖ ការទទួលយកការរិះគន់បានល្អ គឺជាជំនាញ និងជាឱកាសសម្រាប់ការរីកចម្រើន ។ ដូច្នេះ នៅពេលដែលកូនរបស់អ្នកនៅតែគោរព ហើយមិនតមាត់ ឬយំ អ្នកគួរតែចង្អុលប្រាប់កូនថា «ប៉ាចូលចិត្តរបៀបដែលកូនធ្វើតាមដំបូន្មានរបស់ប៉ា» ។
៧. បើកចិត្តទទួលការរិះគន់ក្នុងជីវិតខ្លួនឯងផងដែរ ៖ ការបង្រៀនកូនរបស់អ្នកឱ្យទទួលការរិះគន់បានល្អអាចត្រូវការពេលវេលា ។ វាមិនមែនជាការងាយស្រួល ។ វិធីមួយទៀតដើម្បីជួយកុមារបង្កើតទម្លាប់ល្អ គឺបង្ហាញការដាក់ខ្លួននៅក្នុងជីវិតរបស់យើងជាឪពុកម្តាយផ្ទាល់ ។ ប្រសិនបើយើងរៀន និងរីកចម្រើនក្នុងការងារ និងតួនាទីជាមាតាបិតា នោះយើងប្រហែលជាអាចនឹងធ្វើខុសផងដែរ ។ របៀបដែលយើងដោះស្រាយការរិះគន់ គឺជាវិធីដ៏ល្អសម្រាប់របៀបដែលកូនរបស់យើងនឹងទទួលយកការរិះគន់ពីយើងផងដែរ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនសហគមន៍ ២១ ។ វគ្គសិក្សាថ្មីចូលរៀនថ្ងៃទី ២ ខែមករា ឆ្នាំ ២០២៣ ខាងមុខនេះ ។ សាលារៀនផ្តល់ជូនការបញ្ចុះ តម្លៃរហូតដល់ ១៥% និងឯកសណ្ឋាន ១ កំប្លេ សម្រាប់ការចុះឈ្មោះត្រឹមថ្ងៃទី ៣០ ខែធ្នូ ឆ្នាំ ២០២២ ។
សាលារៀនសហគមន៍ ២១ ជាបណ្តាញស្ថាប័នអប់រំរបស់ក្រុមហ៊ុន វេសឡាញ អេឌ្យូខេសិនគ្រុប ។ សាលារៀនផ្តល់សេវាកម្មអប់រំកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសា អង់គ្លេសទូទៅ កម្មវិធីចំណេះទូទៅខ្មែរ និងកម្មវិធីបណ្តុះបណ្តាលជំនាញវិជ្ជាជីវៈសម្រាប់ សិស្សវិទ្យាល័យ ។ សាលារៀនមាន ៣ ទីតាំង គឺ ១. សាខាក្រាំងធ្នង់ ២. សាខាព្រែកអញ្ចាញ ៣. សាខាផ្សារគគីរ ។ សម្រាប់ព័ត៌មានបន្ថែម សូមទំនាក់ទំនង ៖ 011 888 562 / 071 95 55 865 ៕
ចែករំលែកព័តមាននេះ