ចំនួនអ្នកស្លា.ប់ដោយសារភ្លៀងធ្លាក់ខ្លាំងនៅថ្ងៃបុណ្យណូអែលនៅប្រទេសហ្វីលីពីន បានកើនឡើងដល់ ១៣នាក់ហើយ ដោយអាជ្ញាធរកំពុងបន្តស្វែងរកមនុស្សបាត់ខ្លួន ២៣នាក់ទៀត ខណៈទឹកជំនន់បានចាប់ផ្តើមស្រកចុះ។ នេះបើយោងតាមការបញ្ជាក់របស់អាជ្ញាធរនៅថ្ងៃអង្គារ ទី ២៧ ធ្នូនេះ។

ជនរងគ្រោះភាគច្រើនស្លា.ប់ដោយសារការលង់ទឹកជំនន់ បន្ទាប់ពីភ្លៀងធ្លាក់ខ្លាំង ២ថ្ងៃជាប់គ្នា ដែលបានរំខានដល់ការប្រារព្ធពិធីបុណ្យណូអែល និងបានបង្ខំឱ្យមនុស្សជាង ៤៥.០០០នាក់ជ្រកកោននៅមណ្ឌលជម្លៀសខ្លួន។

ប្រតិបត្តិការសង្រ្គោះកំពុងធ្វើបន្ត ខណៈកំពុងមានការវា.យតម្លៃពីការខូចខាតចំពោះកសិកម្ម។

អភិបាលក្រុង Clarin លោក ​Emeterio Roa បាននិយាយតាមវិទ្យុថា “ការខូចខាតដ៏ធំនៅទីនេះគឺសត្វពាហនៈ ពីព្រោះជ្រូក មាន់ ពពែ និងគោរបស់អ្នកស្រុកបានងាប់អស់ហើយ”៕ (យោងតាមប្រភព៖ Reuters)