ហួសថ្លែង! បុរសម្នាក់ចូលចាប់ប្អូនថ្លៃដល់ក្នុងបន្ទប់ តែត្រូវប្រពន្ធមកទាន់ឃើញស្តែងៗនឹងភ្នែកផ្អើល
- បន្ទាយមានជ័យ
ជនសង្ស័យម្នាក់ត្រូវបានកម្លាំងនគរបាលក្រុងប៉ោយប៉ែត ឃាត់ខ្លួនសួរនាំ ក្រោយពីមានយុវតីរងគ្រោះម្នាក់បានប្តឹងថា
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ត្រូវបានកម្លាំងនគរបាលក្រុងប៉ោយប៉ែត ឃាត់ខ្លួនសួរនាំ ក្រោយពីមានយុវតីរងគ្រោះអាយុ១៤ឆ្នាំម្នាក់កាលពីថ្ងៃទី២៤ ខែធ្នូ ឆ្នាំ២០២២ បានប្តឹងថា ជនសង្ស័យដែលត្រូវជាបងថ្លៃប្រុសរូបនេះបានព្យាយាមចាប់រំលោ.ភ និងស្ទាបអង្គែលប្រដាប់ភេ.ទរបស់នាងជាច្រើនដង តែសំណាងល្អ បងស្រីបង្កើតមកជួយទាន់ទើបបែករឿង និងបានប្តឹងឲ្យនគរបាលជួយអន្តរគមន៍តែម្តង។
បើតាមនគរបាលប៉ុស្តិ៍ប៉ោយប៉ែត បានឲ្យដឹងនៅថា យោងតាមការរៀបរាប់ក្នុងពាក្យបណ្តឹងរបស់យុវតីរងគ្រោះដែលមានអាយុ១៤ឆ្នាំ រស់នៅក្រុងប៉ោយប៉ែត បានអះអាងឱ្យដឹងថា ឈ្មោះ សូយ សី ភេទប្រុស អាយុ៣៣ឆ្នាំ បានធ្វើសកម្មភាពស្ទាបអង្អែលប្រដាប់ភេ.ទ (ប្រទូសគេខ្មាស់) ខ្ញុំជាច្រើនលើកនៅថ្ងៃទី២១ ខែធ្នូ ឆ្នាំ២០២២ វេលាម៉ោង៩និង០០នាទីព្រឹកនៅក្នុងបន្ទប់។ នាងបន្តថា ពេលនោះ បងថ្លៃរបស់នាងបានព្យាយាមអោបថើប និងបឺតមាត់នាង ហើយនាងបានព្យាយាមរើបំរ៉ាស់ និងចាប់ដៃរុញច្រានចេញពីបន្ទប់។
ប្រភពដដែលបន្តថា ក្រោយមកនៅថ្ងៃទី២២ ខែធ្នូ ឆ្នាំ២០២២ វេលាម៉ោង៩យប់ ខណៈពេលដែលនាងកំពុងដេកនៅក្នុងបន្ទប់ បងថ្លៃប្រុសឈ្មោះ សូយ សី បានដើរចេញពីផ្ទះរបស់ខ្លួន រួចមកលបលួចចូលក្នុងបន្ទប់របស់នាងម្តងទៀត ហើយបងថ្លៃប្រុសរូបនេះក៏បានចាប់អោប និងលូកដៃចូលក្នុងខោស្ទាបអង្អែលនាងទៀត ហើយនិយាយថា «បងស្រលាញ់អូន»។ ពេលនោះនាងបានព្យាយាមរើបំរ៉ាស់ និងរុញច្រានដែរ តែរើមិនរួច ប៉ុន្តែសំណាងល្អ បងស្រីបង្កើតរបស់នាងបានដើរមកបើកទ្វារបន្ទប់ ក៏ឃើញប្ដីរបស់គាត់ឱបខ្ញុំពីក្រោយ ក៏ចាប់អូសទៅក្រៅផ្ទះ ហើយបានជេរ និងវា.យ ព្រមទាំងឈ្លោះគ្នាទៀតផង ហើយរឿងនេះខ្ញុំក៏ធ្លាប់ប្រាប់បងស្រីដែរ ស្រាប់តែពេលនេះគាត់បានឃើញច្បាស់នឹងផ្ទាល់ភ្នែកតែម្តង ទើបសម្រេចចិត្តប្តឹង។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងនៅថ្ងៃទី២៥ ខែធ្នូ ឆ្នាំ២០២២នេះថា នៅចំពោះមុខសមត្ថកិច្ចសួរនាំ ជនសង្ស័យឈ្មោះ សូយ សី បានសារភាពថា «រូបគេពិតជាបានប្រព្រឹត្តដូច្នោះមែន»។
ហើយយោងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ក្រោយពីសួរនាំរួច ជនសង្ស័យត្រូវបានបញ្ជូនទៅកាន់ការិយាល័យនគរបាលប្រឆាំងការជួញដូរមនុស្ស និងការពារអនីតិជន ដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់៕
ចែករំលែកព័តមាននេះ