រាជធានីភ្នំពេញ ៖ បុរសជាកម្មករស្លដែក៣ម្នាក់ បានបាត់ខ្លួនម្នាក់ រងរបួសធ្ងន់ម្នាក់ និងម្នាក់ទៀតរងរបួសស្រាល ខណៈពេលចេញពីផឹកស៊ីស្រវឹង ជិះម៉ូតូខុសផ្លូវធ្លាក់ចូលទឹកក្រោមស្ពាន៧មករា ទាំងម៉ូតូទាំងមនុស្ស បង្កឲ្យមានការភ្ញាក់ផ្អើលកាលពីវេលាម៉ោង០២និង៤៥នាទីរំលងអធ្រាត្រ ឈានចូលថ្ងៃទី២២ ខែមិថុនា ឆ្នាំ២០១៧ តាមបណ្តោយផ្លូវជាតិលេខ៣ ត្រង់ចំណុចគល់ស្ពាន៧មករា ស្ថិតក្នុងភូមិទូលមហាសី សង្កាត់ក្រាំងពង្រ ខណ្ឌដង្កោ ។
រាជធានីភ្នំពេញ ៖ បុរសជាកម្មករស្លដែក៣ម្នាក់ បានបាត់ខ្លួនម្នាក់ រងរបួសធ្ងន់ម្នាក់ និងម្នាក់ទៀតរងរបួសស្រាល ខណៈពេលចេញពីផឹកស៊ីស្រវឹង ជិះម៉ូតូខុសផ្លូវធ្លាក់ចូលទឹកក្រោមស្ពាន៧មករា ទាំងម៉ូតូទាំងមនុស្ស បង្កឲ្យមានការភ្ញាក់ផ្អើលកាលពីវេលាម៉ោង០២និង៤៥នាទីរំលងអធ្រាត្រ ឈានចូលថ្ងៃទី២២ ខែមិថុនា ឆ្នាំ២០១៧ តាមបណ្តោយផ្លូវជាតិលេខ៣ ត្រង់ចំណុចគល់ស្ពាន៧មករា ស្ថិតក្នុងភូមិទូលមហាសី សង្កាត់ក្រាំងពង្រ ខណ្ឌដង្កោ ។
តាមសាក្សីពីកន្លែងកើតហេតុ បានឲ្យដឹងថា មុនដំបូងគេបានឃើញបុរស៣នាក់ជិះម៉ូតូម៉ាក HONDA DREAM ស៊េរី២០១៣ ពណ៍ខ្មៅ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ជាកន្លែងងងឹត បានរេចង្កូតទៅបុកគំនរសម្បកដូងធ្វើឲ្យរអិលចូលទឹកស្ទឹងស្ពាន៧មករា ទាំងម៉ូតូទាំងមនុស្ស បាត់ខ្លួនអស់ម្នាក់រកមិនទាន់ឃើញ រងរបួសធ្ងន់ម្នាក់ និងរបួសស្រាលម្នាក់ ចំណែកម៉ូតូនៅក្នុងទឹកមិនទាន់ស្រង់ចេញនៅឡើយទេ ដោយសមត្ថកិច្ចនៅយាមរង់ចាំព្រឹកទើបស្រង់ចេញពីក្នុងទឹក ។ បើតាមសម្តីអ្នករងរបួសស្រាល បានប្រាប់ទាំងរវើរវាយឲ្យដឹងថា មុនពេលកើតហេតុ ពួកគាត់ចេញពីធ្វើការ បានផឹកស៊ីស្រវឹង ហើយបានជិះម៉ូតូត្រលប់ទៅផ្ទះវិញ នៅស្រុកបាទី ខេត្តតាកែវ ដោយសារតែពួកគេស្រវឹងខ្លាំងពេក ហើយផ្លូវងងឹតផងនោះ មើលអត់ឃើញ បានជិះខុសផ្លូវ ធ្លាក់ចូលក្នុងទឹកស្ទឹងស្ពាន៧មករាតែម្តង ។ ប្រជាពលរដ្ឋដែលរស់នៅក្បែរស្ពាន៧មករា បានសំណូមពរឲ្យអាជ្ញាធរដាក់ភ្លើងបំភ្លឺផ្លូវផង ពីព្រោះផ្លូវនេះរាល់យប់មានមនុស្សគ្រោះថ្នាក់ ស្ទើរាល់ថ្ងៃ និងមានអ្នកបាត់បង់ជីវិតនៅចំណុចខាងលើនេះជាច្រើននាក់មកហើយ ។
ក្រោយពេលកើតហេតុ ប្រជាពលរដ្ឋបានរាយការណ៍ទៅសមត្ថកិច្ចមូលដ្ឋានឲ្យចុះមកដល់ហៅរថយន្តសង្គ្រោះ ដឹកជនរងគ្រោះទៅព្យាបាលនៅមន្ទីរពេទ្យព្រះកុសុមៈ ចំណែកអ្នកដែលបាត់ខ្លួន រងចាំព្រឹកទើបចុះរាវរកបន្តទៀត ៕
ចែករំលែកព័តមាននេះ