ខ្ចីឧបករណ៍ជាងជួសជុលខ្លួនឯងមានអីឆេះអស់ទាំងផ្ទះជាងទៀត
ខេត្តសៀមរាប ៖ ម្ចាស់តូបជួសជុលម៉ូតូដែលកំពុងប្រកបអាជីវកម្មសព្វថ្ងៃ ខណៈកំពុងបូមសាំងដាក់ដបត្រូវបានម្ចាស់គោយន្តមកខ្ចីដែកឆាបយកទៅឆាបដែកគោយន្តខ្លួនឯងពុំបានប្រើជាង
ខេត្តសៀមរាប ៖ ម្ចាស់តូបជួសជុលម៉ូតូដែលកំពុងប្រកបអាជីវកម្មសព្វថ្ងៃ ខណៈកំពុងបូមសាំងដាក់ដបត្រូវបានម្ចាស់គោយន្តមកខ្ចីដែកឆាបយកទៅឆាបដែកគោយន្តខ្លួនឯងពុំបានប្រើជាង
ខេត្តសៀមរាប ៖ ម្ចាស់តូបជួសជុលម៉ូតូដែលកំពុងប្រកបអាជីវកម្មសព្វថ្ងៃ ខណៈកំពុងបូមសាំងដាក់ដបត្រូវបានម្ចាស់គោយន្តមកខ្ចីដែកឆាបយកទៅឆាបដែកគោយន្តខ្លួនឯងពុំបានប្រើជាង ទើបបណ្តាលឱ្យបែកផ្កាភ្លើងប៉ះចំដបសាំងបណ្តាលឱ្យឆេះអស់ទ្រព្យសម្បត្តិទាំងស្រុងបង្កឱ្យមានការភ្ញាក់ផ្អើលដល់ពលរដ្ឋនៅជុំវិញទាំងព្រឹក ។ ហេតុការអគ្គីភ័យឆេះតូបជួសជុលម៉ូតូអស់ទាំងស្រុងនោះបានកើតឡើងនៅវេលាម៉ោង៨ព្រឹក ថ្ងែទី២១ ខែមិថុនា ឆ្នាំ២០១៧ នៅចំណុចជិតផ្លូវបំបែកទៅគោកដូង ស្ថិតក្នុងភូមិឫស្សីធំ ឃុំស្វាយស ស្រុកវ៉ារិន ខេត្តសៀមរាប ។
លោកវរសេនីយ៍ទោ ណុបសារ៉ាក់ អធិការនគរបាលស្រុកបានបញ្ជាក់ឱ្យដឹងនៅវេលាម៉ោង២និង៤០នាទីរសៀលថ្ងៃទី២១ ខែមិថុនា ឆ្នាំ២០១៧ នេះថា មានករណីអគ្គីភ័យកើតឡើងមែនដោយសារជនបង្កឈ្មោះ ណុក ភេទប្រុស ត្រូវជាកូនប្រសារបស់ឈ្មោះ ឡឹក ឆុល មានទីលំនៅភូមិ ឫស្សីធំ ឃុំស្វាយស ស្រុកវ៉ារិន ខេត្តសៀមរាប បានយកគោយន្តកន្ត្រៃមកជួសជុលប៉ុន្តែមិនឱ្យជាងធ្វើឱ្យទេសុខចិត្តធ្វើខ្លួនឯង ខណៈកំពុងឆាបដែកគោយន្តកន្ត្រៃ ស្របពេលដែលក្រុមគ្រួសារជនរងគ្រោះរបស់ម្ចាស់តូបជួសជុលម៉ូតូកំពុងតែបូមសាំងច្រកដបសម្រាប់ទុកលក់ ទើបបណ្តាលឱ្យផ្កាភ្លើងខ្ទាតប៉ះចំដបសាំងឆាបឆេះតូប និងម៉ូតូ គោយន្ត យ៉ាងសន្ធោសន្ធៅតែម្តង ។
លោកបានបញ្ជាក់ថា ជនរងគ្រោះដែលជាម្ចាស់តូបមានឈ្មោះ ណាន លយ ភេទប្រុស អាយុ២៧ឆ្នាំ មានប្រពន្ធឈ្មោះ ហើយ ហួង អាយុ២៥ឆ្នាំស្នាក់នៅកន្លែងកើតហេតុខាងលើ ។ លោកបានបញ្ជាក់បន្ថែមទៀតថា ក្នុងហេតុការគ្រោះអគ្គីភ័យនេះបណ្តាឱ្យខូចខាតមាន តូប១ខ្នងធ្វើអំពីឈើប្រក់ស័ង្កសីទំហំ៤គុណនឹង៦, ធុងខ្យល់បូមម៉ូតូ មួយ, ធុងផ្សារដែកមួយ, ម៉ូទ័រកាត់បីគ្រឿង, ម៉ូទ័រស្វានបីគ្រឿង, ម៉ូតូសង់សេរីចាស់មួយគ្រឿង, ប្រាក់ចំនួន៥.២០០.០០០ លានរៀល និងប្រាក់២០០ដុល្លារ គ្រឿងបន្លាស់គោយន្ត និងគ្រឿងបន្លាស់ម៉ូតូខូចខាតអស់ទាំងស្រុងព្រមទាំងខូចខាតក្បាលគោយន្តកន្ទ្រៃរបស់ជនដែលជាអ្នកបង្កទាំងស្រុងផងដែរ ។ បច្ចុប្បន្នជនរងគ្រោះ២នាក់ប្តីប្រពន្ធកំពុងដាក់ពាក្យបណ្តឹងនៅអធិការដ្ឋាននគរបាលស្រុកវ៉ារិន ខេត្តសៀមរាប ដើម្បីទាមទារសំណង ដែលជនបង្កធ្វើឱ្យឆេះតូបអស់ទាំងស្រុងនោះនូវទឹកប្រាក់ចំនួន២០.០០០ដុល្លា ៕
ចែករំលែកព័តមាននេះ