អាជ្ញាធរខេត្តចុះប្រតិបត្តិការពិនិត្យទីតាំងស្រាវជ្រាវរ៉ែក្រុមហ៊ុនចិន(មានវីដេអូ)
ខេត្តមណ្ឌលគិរី ៖ អាជ្ញាធរខេត្តមណ្ឌលគិរី និងក្រុមមន្ត្រីជំនាញរ៉ែ និងថាមពល កាលពីថ្ងៃទី២០ ខែមិថុនា ឆ្នាំ២០១៧
ខេត្តមណ្ឌលគិរី ៖ អាជ្ញាធរខេត្តមណ្ឌលគិរី និងក្រុមមន្ត្រីជំនាញរ៉ែ និងថាមពល កាលពីថ្ងៃទី២០ ខែមិថុនា ឆ្នាំ២០១៧
ខេត្តមណ្ឌលគិរី ៖ អាជ្ញាធរខេត្តមណ្ឌលគិរី និងក្រុមមន្ត្រីជំនាញរ៉ែ និងថាមពល កាលពីថ្ងៃទី២០ ខែមិថុនា ឆ្នាំ២០១៧ បានចុះប្រតិបត្តិការពិនិត្យអតីតទីតាំងស្រាវជ្រាវរ៉ែរបស់ក្រុមហ៊ុនចិនមួយកន្លែងនៅក្នុងតំបន់អូរដែងព្រះ ឃុំក្រង់តេះ ព្រំប្រទល់ស្រុកកោះញែក និងស្រុកពេជ្រាដា ក្រោយទទួលពាក្យបណ្តឹងពីអង្គការ WWF ថា មានការរុករករ៉ែខុសច្បាប់ ។
លោក សាន់ ដារិទ្ឋ ប្រធានមន្ទីររ៉ែ និងថាមពលខេត្តបានឲ្យដឹងថា ក្រោយទទួលបានពាក្យបណ្តឹងពីអង្គការ WWF ដែលបានដាក់ទៅមន្ទីរបរិស្ថានខេត្ត ក្រសួងរ៉ែ និងថាមពលថា មានសកម្មភាពកកាយរុករករ៉ែក្នុងតំបន់ខាងលើ ។ លោកក៏បានបញ្ជូនមន្ត្រីជំនាញដែលមានលោកអនុប្រធានមន្ទីររ៉ែ សហការជាមួយមន្ទីរបរិស្ថាន និងក្រុមការងាររបស់ថ្នាក់ខេត្តចុះទៅធ្វើការត្រួតពិនិត្យមើលដល់ទីតាំង កាលពីថ្ងៃទី២០ ខែមិថុនា ឆ្នាំ២០១៧ ដោយចំណាយពេលពេញមួយថ្ងៃតែម្តង ។ លោកប្រធានមន្ទីរថា ក្នុងលិខិតដែលអង្គការ WWF ដាក់ទៅក្រសួងបានបញ្ជាក់ថា មានមនុស្សលួចធ្វើសកម្មភាពជីករុករករ៉ែខុសច្បាប់ហើយក៏មានអ្នកប្រចាំការនៅទីនោះ ដើរបបាញ់សត្វព្រៃខុសច្បាប់ និងកាប់ឈើផងដែរ ទើបអង្គការ WWF បានស្នើរឲ្យមានការចុះត្រួតពិនិត្យក្នុងតំបន់នោះ ។
បើយោងតាមការបញ្ជាក់ពីក្រុមមន្ត្រីជំនាញថា នៅពេលចុះធ្វើសកម្មភាពពិនិត្យនោះកម្លាំងមន្ត្រីចម្រុះមិនបានរកឃើញគ្រឿងចក្រ ឬករណីគួរឲ្យសង្ស័យណាមួយនោះទេ ។ ដោយក្រុមហ៊ុនមិនបានបោះទីតាំងនៅទីនោះទៀតទេគេបានរើអស់ហើយ ប៉ុន្តែនៅឥវ៉ាន់មួយចំនួនដែលក្រុមហ៊ុនយកចេញមិនទាន់អស់ ។ បើតាមការបញ្ជាក់ពីមន្ទីររ៉ែ និងថាមពលខេត្តមណ្ឌលគិរីបានឲ្យដឹងថា កន្លងមកទីតាំងខាងលើពិតជាមានក្រុមហ៊ុនចិនមួយបានធ្វើការសិក្សាស្រាវជ្រាវរ៉ែ ប៉ុន្តែក្រុមហ៊ុននោះបានផុតអាជ្ញាប័ណ្ណ និងបានផ្អាកធ្វើសកម្មភាពស្រាវជ្រាវយូរហើយដែរ ។ ទីតាំងក្រុមហ៊ុនដែលក្រុមមន្ទីរជំនាញចុះទៅត្រួតពិនិត្យនោះមានឈ្មោះ ភ្លែគដាយមែន មានទំហំផ្ទៃដីសរុប៣០ហិកតាធ្វើអាជីវកម្មលើរ៉ែប្រភេទ ថ្មអារ ។ អ្នកយកព័ត៌មានមិនអាចសុំការបំភ្លឺពីមន្ត្រីបរិស្ថានខេត្ត និងលោក មូល ផាត ប្រធានអង្គការ WWF ប្រចាំខេត្តមណ្ឌលគិរីបានទេនៅថ្ងៃទី២១ ខែមិថុនា ឆ្នាំ២០១៧ នេះ ៕
ចែករំលែកព័តមាននេះ