ខេត្តមណ្ឌលគិរី៖ សេចក្តីរាយកាណ៍ឱ្យដឹងថា កម្លាំងសមត្ថកិច្ចចម្រុះជាង៥០នាក់ ដឹកនាំនិងសម្របសម្រួលដោយអយ្យការអមសាលាដំបូងខេត្តមណ្ឌលគិរី បានចុះបង្ក្រាបការកាប់រានដីរដ្ឋខុសច្បាប់ ស្ថិតត្រង់ចំណុចអូរនិម្មិត ក្នុងភូមិព្រះ ឃុំស្រែឈូក ខេត្តមណ្ឌលគិរី លើដីសម្បទានសេដ្ឋកិច្ចក្រុមហ៊ុន…
ខេត្តមណ្ឌលគិរី៖ សេចក្តីរាយកាណ៍ឱ្យដឹងថា កម្លាំងសមត្ថកិច្ចចម្រុះជាង៥០នាក់ ដឹកនាំនិងសម្របសម្រួលដោយអយ្យការអមសាលាដំបូងខេត្តមណ្ឌលគិរី បានចុះបង្ក្រាបការកាប់រានដីរដ្ឋខុសច្បាប់ ស្ថិតត្រង់ចំណុចអូរនិម្មិត ក្នុងភូមិព្រះ ឃុំស្រែឈូក ខេត្តមណ្ឌលគិរី លើដីសម្បទានសេដ្ឋកិច្ចក្រុមហ៊ុន ផេស៊ីហ្វិក យញ្ញស្តុក ខមផេនី លីមីតធីត កាលពីព្រឹកថ្ងៃទី២០ ខែធ្នូ ឆ្នាំ២០២២ ឈានដល់ការឃាត់ខ្លួនជនសង្ស័យសរុប៤នាក់ បញ្ជូនទៅសាលាដំបូងខេត្តមណ្ឌលគិរី ។
ជនសង្ស័យដែលឃាត់ខ្លួនបាន ១-ឈ្មោះសំ វេត ភេទប្រុស អាយុ៤២ឆ្នាំ រស់នៅភូមិស្ពានសង្គម ឃុំតាឡូង ស្រុកមេមត់ ខេត្តត្បូងឃ្មុំ ២-ឈ្មោះជា សីហា ភេទប្រុស អាយុ៣០ឆ្នាំ រស់នៅភូមិចុងផាត ឃុំចុងផាត ស្រុកតំបែ ស្រុកមេមត់ ខេត្តត្បូងឃ្មុំ ៣-ឈ្មោះញែម សីហា អាយុ៥១ឆ្នាំ រស់នៅភូមិស្ពានសង្គម ឃុំតាឡូង ស្រុកមេមត់ ខេត្តត្បូងឃ្មុំ និង៤-ឈ្មោះ មួង សីហា ភេទប្រុស អាយុ១៧ឆ្នាំ រស់នៅខេត្តតាកែវ ។
សូមបញ្ជាក់ថា ការបង្ក្រាបមានកម្លាំងអាវុធហត្ថខេត្តមណ្ឌលគិរី កម្លាំងស្នងការខេត្តមណ្ឌលគិរី រដ្ឋបាលព្រៃឈើ និងគណ:បញ្ជាការឯកភាពស្រុកសរុបប្រមាណ៥៥នាក់ ដឹកនាំដោយលោក អ៊ាង សុគន្ធ ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះទៅពិនិត្យការកាប់រានដីរដ្ឋខុសច្បាប់ ត្រង់ចំំណុចអូរនិម្មិត ស្ថិតក្នុងដីសម្បទានសេដ្ឋកិច្ចក្រុមហ៊ុន ផេស៊ីហ្វិក យញ្ញស្តុក ខមផេនី លីមីតធីត ចាប់បានជនកាប់រានចំនួន៤នាក់ កំពុងតែនាំខ្លួនមកកាន់សាលាដំបូងខេត្តមណ្ឌលគិរី ដើម្បីបន្តនីតិវិធី ។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ