បារាំង ៖ ពិភពបាល់ទាត់បានថ្កោលទោស ចំពោះសកម្មភាពរើ.សអើ.ងពូជសាសន៍ដែលបានកើតឡើងលើកីឡាករក្រុមជម្រើសជាតិបារាំង២រូប បន្ទាប់ពីការបរាជ័យដ៏គួរឱ្យសោកស្ដាយជាទីបំផុត ក្រោមថ្វីជើងក្រុមអាហ្សង់ទីន ក្នុងការប្រកួតវគ្គផ្តាច់ព្រ័ត្រព្រឹត្តិការណ៍ World Cup 2022 នៅកាតា កាលពីពេលថ្មីៗ កន្លងទៅនេះ។
ក្រុមមេឃខៀវអាហ្សង់ទីន បានយកឈ្នះលើក្រុមមាន់គកបារាំង ដែលជាក្រុមការពារតំណែង ដោយការទាត់បាល់ប៉េណាល់ទីកាត់សេចក្តីលទ្ធផល ៤-២ កាលពីថ្ងៃទី១៨ ខែធ្នូ កន្លងទៅ បន្ទាប់ពីបញ្ចប់ការប្រកួត ១២០នាទី បានត្រឹមស្មើគ្នា ៣-៣ ដើម្បីក្លាយជាម្ចាស់ជើងឯក World Cup 2022។
ពិភពលោកបានចាត់ទុកការប្រកួតវគ្គផ្តាច់ព្រ័ត្រព្រឹត្តិការណ៍នៅកាតា គឺជាការប្រកួតផ្តាច់ព្រ័ត្រដ៏អស្ចារ្យបំផុតក្នុងប្រវត្តិសាស្ត្រ World Cup នៅពេលគ្រប់គ្នាបានឃើញ កំពូលខ្សែប្រយុទ្ធបារាំង Kylian Mbappe ធ្វើបាន Hat-trick និងកំពូលខ្សែប្រយុទ្ធអាហ្សង់ទីន Lionel Messi អាចឈ្នះពានមាស World Cup ជាលើកដំបូងក្នុងអាជីព ដើម្បីពង្រឹងតំណែងជាកីឡាករដ៏អស្ចារ្យបំផុតនៅក្នុងប្រវត្តិសាស្ត្រ។
ប៉ុន្តែទោះជាយ៉ាងណាក៏ដោយ ការប្រកួតវគ្គផ្តាច់ព្រ័ត្រនៃព្រឹត្តិការណ៍ World Cup 2022 ត្រូវបានគ្របដណ្ដប់ដោយការរំលោ.ភបំពា.ន និងការរើ.សអើ.ងពូ.ជសាសន៍យ៉ាងធ្ងន់ធ្ងរ ដែលសំដៅលើកីឡាករបារាំង២រូបគឺ ខ្សែបម្រើស្លាប Kingsley Coman និងខ្សែបម្រើការពារ Aurelien Tchouameni បន្ទាប់ពីអ្នកទាំង២ មិនអាចសម្រេចគ្រាប់បញ្ចូលទីនៃការទាត់បាល់ប៉េណាល់ទីកាត់សេចក្តី ដោយការទាត់របស់ Coman ត្រូវបានសង្គ្រោះដោយអ្នកចាំទី Emiliano Martinez និងការទាត់ចេញក្រៅរបស់ Tchouameni ។
ក្រោយមក កីឡាករទាំង២រូប បានរងនូវការបញ្ចេញមតិវា.យប្រហារគ្រប់ទម្រង់ និងការរើ.សអើ.ងពូ.ជសាសន៍យ៉ាងច្រើន នៅលើបណ្ដាញសង្គមរបស់ពួកគេ ខណៈដែលអ្នកគាំទ្រមានប្រតិកម្មខ្លាំងៗ ចំពោះការបរាជ័យនេះ។
សកម្មភាពនេះ បានរំលឹកយើងមកវិញនូវការចងចាំនៃការរើ.សអើ.ងពូ.ជសាសន៍ដ៏អាក្រក់បំផុត កើតឡើងលើកីឡាករនៃក្រុមជម្រើសជាតិអង់គ្លេស៣រូបគឺ ខ្សែបម្រើស្លាប Bukayo Saka ខ្សែប្រយុទ្ធ Marcus Rashford និងខ្សែបម្រើស្លាប Jadon Sancho បន្ទាប់ពីអង់គ្លេសបានចាញ់អ៊ីតាលី នៅក្នុងការប្រកួតវគ្គផ្តាច់ព្រ័ត្រពានរង្វាន់ Euro 2020។
ជាមួយនឹងសកម្មភាពរើសអើងពូជសាសន៍លើកីឡាកររបស់ក្រុមជម្រើសជាតិបារាំង Coman និង Tchouameni បង្កជាការថ្កោលទោសយ៉ាងខ្លាំង នៅលើបណ្តាញសង្គម ដោយហៅការបំពា.ននេះថា ទង្វើគួរឱ្យស្អប់ខ្ពើម និងមិនគួរមានទាល់តែនៅក្នុងពិភពបាល់ទាត់៕ (ដកស្រង់ចេញពី SPORTbible)
ចែករំលែកព័តមាននេះ