ក្រុមកីឡាចំបាប់កម្ពុជាដណ្តើមមេដាយមាស៣គ្រឿងពីការប្រកួតជើងឯកអាស៊ីអាគ្នេយ៍ឆ្នាំ២០២២
- ភ្នំពេញ
រាជធានីភ្នំពេញ ៖ ក្រុមកីឡាករ-កីឡាចំបាប់កម្ពុជាដណ្តើមបានមេដាយមាស៣គ្រឿងក្នុងចំណោមមេដាយសរុប១៩គ្រឿងឈរក្នុងចំណាត់ថ្នាក់លេខ៣ក្នុងនាមម្ចាស់ផ្ទះព្រឹត្តិការណ៍ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ដែលរៀបចំធ្វើក្នុងបរិវេណសាលដំបូលទូកនៃសាកលវិទ្យាល័យភូមិន្ទភ្នំពេញ ។
កម្ពុជាដណ្តើមបានមេដាយសរុប១៩គ្រឿង រួមមានមេដាយមាស ៣ គ្រឿង ប្រាក់៣ គ្រឿង និងសំរឹទ្ធ១៣ គ្រឿង ខណៈវៀតណាម ឈ្នះមេដាយសរុប៣០គ្រឿង មេដាយមាស១៨គ្រឿង ប្រាក់១១គ្រឿង និងសំរឹទ្ធ១គ្រឿង នាំមុខឥណ្ឌូនេស៊ី មេដាយសរុប១៨គ្រឿង មាស៦គ្រឿង ប្រាក់៩គ្រឿង និងសំរឹទ្ធ៣គ្រឿង។
ចំណែកហ្វីលីពីនរកបានមេដាយសរុប១១គ្រឿង មាស១គ្រឿង ប្រាក់៥គ្រឿង និងសំរឹទ្ធ៥គ្រឿង នាំមុខថៃ មេដាយសរុប៩គ្រឿង មាស១ គ្រឿង ប្រាក់២គ្រឿង និងសំរឹទ្ធ៦គ្រឿង និងសិង្ហបុរី មេដាយសរុប៣គ្រឿង មាស១គ្រឿង និងសំរឹទ្ធ២គ្រឿង រីឯឡាវពុំទទួលបានមេដាយឡើយ។
ការប្រកួតនេះមាន ៧ ប្រទេសចូលរួមរួមមាន ម្ចាស់ផ្ទះ កម្ពុជា ឡាវ សិង្ហបុរី ឥណ្ឌូនេស៊ី ហ្វីលីពីន ថៃ និង វៀតណាម ប្រកួតលើ វិញ្ញាសាក្រិចកូរ៉ូម៉ាំង១០ប្រភេទទម្ងន់ ចំបាប់សេរីនារី ១០ប្រភេទទម្ងន់ និងចំបាប់សេរីបុរស ១០ប្រភេទទម្ងន់ ៕
ចែករំលែកព័តមាននេះ