រាជធានីភ្នំពេញ ៖ បុរសម្នាក់ស្រវឹងស្រាបើកម៉ូតូបុករបងផ្ទះប្រជាពលរដ្ឋ បណ្តាលឲ្យរងរបួសធ្ងន់ត្រូវរថយន្តសង្គ្រោះគ្លីនិកឯកជន ដឹកយកទៅសង្គ្រោះភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង០៩យប់ ថ្ងៃទី១៤ ខែមិថុនា ឆ្នាំ២០១៧ តាមបណ្តោយផ្លូវបេតុងខ្លោងទ្វារវត្តជន្លង់ម្លូរ ភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
រាជធានីភ្នំពេញ ៖ បុរសម្នាក់ស្រវឹងស្រាបើកម៉ូតូបុករបងផ្ទះប្រជាពលរដ្ឋ បណ្តាលឲ្យរងរបួសធ្ងន់ត្រូវរថយន្តសង្គ្រោះគ្លីនិកឯកជន ដឹកយកទៅសង្គ្រោះភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង០៩យប់ ថ្ងៃទី១៤ ខែមិថុនា ឆ្នាំ២០១៧ តាមបណ្តោយផ្លូវបេតុងខ្លោងទ្វារវត្តជន្លង់ម្លូរ ភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
ជនរងគ្រោះដែលមិនទាន់ស្គាល់អត្តសញ្ញាណជិះម៉ូតូម៉ាក ហុងដាឌ្រីម ស៊េរ៊ីឆ្នាំ២០០៩ ពណ៍ខ្មៅ ពាក់ស្លាក់លេខ កណ្តាល ១I-១៩០៨ បើកបរក្នុងទិសដៅពីលិចទៅកើត ។ តាមប្រភពព័ត៌មានពីកន្លែងកើតហេតុបាននិយាយថា មុនពេលកើតហេតុគេឃើញជនរងគ្រោះខាងលើ បើកម៉ូតូយ៉ាងលឿន ខណៈមកដល់ចំណុចកើតហេតុ ផ្លូវមានសភាពរៀងកោងបន្តិច ធ្វើឲ្យជនរងគ្រោះបួងចង្កូតមិនទាន់ បានបើកទៅបុករបងផ្ទះប្រជាពលរដ្ឋលាន់សូរសន្ធឹកម៉ូតូយ៉ាងខ្លាំង ដោយបានបុកផើងផ្កានៅជិតរបងផ្ទះ បណ្តាលឲ្យបែកអស់ចំនួន៣ផើង ហើយបានបុករបងផ្ទះ បណ្តាលឲ្យជនរងគ្រោះរងរបួសយ៉ាងធ្ងន់ធ្ងរ ។ ភ្លាមៗនោះដែល ជនរងគ្រោះខាងលើត្រូវបានរថយន្តសង្គ្រោះរបស់គ្លីនិកឯកជនបានដឹកយកទៅព្យាបាលផងដែរ ។
ក្រោយពេលកើតហេតុ បន្ទាប់ពីជនរងគ្រោះត្រូវរថយន្តដឹកយកទៅព្យាបាលបាត់ ហើយម៉ូតូជនរងគ្រោះត្រូវបានសមត្ថកិច្ចយកទៅរក្សាទុកដើម្បីរងចាំម្ចាស់យកឯកសារប្រគល់ឲ្យវិញ ៕
ចែករំលែកព័តមាននេះ