វៀតណាមបានប្រឆាំងការសម្រេចចិត្តរបស់អាមេរិកដែលបានដាក់ខ្លួនក្នុងបញ្ជីខ្លាំងមើលពិសេសពីបទចូលរួម និងការរំលោ.ភបំពានលើសេរីភាពសាសនា និងបានហៅការសម្រេចចិត្តនោះថាធ្វើឡើងដោយមិនមានព័ត៌មានត្រឹមត្រូវ។ អ្នកនាំពាក្យរងក្រសួងការបរទេសវៀតណាម Phạm Thu Hằng ថ្លែងកាលពីថ្ងៃព្រហស្បតិ៍កន្លងទៅថា «គោលនយោបាយរបស់វៀតណាមគឺគោរព និងធានាសិទ្ធិមនុស្ស…
វៀតណាមបានប្រឆាំងការសម្រេចចិត្តរបស់អាមេរិកដែលបានដាក់ខ្លួនក្នុងបញ្ជីខ្លាំងមើលពិសេសពីបទចូលរួម និងការរំលោ.ភបំពានលើសេរីភាពសាសនា និងបានហៅការសម្រេចចិត្តនោះថាធ្វើឡើងដោយមិនមានព័ត៌មានត្រឹមត្រូវ។
អ្នកនាំពាក្យរងក្រសួងការបរទេសវៀតណាម Phạm Thu Hằng ថ្លែងកាលពីថ្ងៃព្រហស្បតិ៍កន្លងទៅថា «គោលនយោបាយរបស់វៀតណាមគឺគោរព និងធានាសិទ្ធិមនុស្ស ក៏ដូចជាសេរីភាពខាងសាសនា និងជំនឿ»។
លោកស្រីថ្លែងថា «សេរីភាពនេះត្រូវបានបង្កើតឡើងនៅក្នុងរដ្ឋធម្មនុញ្ញឆ្នាំ ២០១៣ ព្រមទាំងឯកសារច្បាប់ពាក់ព័ន្ធ ហើយត្រូវបានធានា និងគោរពក្នុងការអនុវត្ត»។
អ្នកនាំពាក្យរូបនេះបន្ថែមថា វៀតណាមបានកែលម្អយ៉ាងខ្ជាប់ខ្ជួននូវប្រព័ន្ធច្បាប់ ក៏ដូចជាគោលនយោបាយសាសនា និងជំនឿ ហើយការខិតខំប្រឹងប្រែង និងសមិទ្ធិផលរបស់វៀតណាមក្នុងការធានាសេរីភាពសាសនា និងជំនឿ ត្រូវបានសហគមន៍អន្តរជាតិទទួលស្គាល់យ៉ាងទូលំទូលាយ។
«ការដែលអាមេរិកដាក់វៀតណាមក្នុងបញ្ជីឃ្លាំមើលពិសេសទាក់ទងនឹងសេរីភាពសាសនាគឺផ្អែកលើការវា.យតម្លៃគ្មានគោលបំណង ព្រមទាំងជាព័ត៏មានមិនពិតអំពីស្ថានភាពសេរីភាពសាសនា និងជំនឿនៅវៀតណាម»។
«វៀតណាមត្រៀមខ្លួនរួចរាល់ដើម្បីពិភាក្សាជាមួយអាមេរិកលើបញ្ហាផលប្រយោជន៍ទៅវិញទៅមកដោយផ្អែកលើភាពបើកចំហ ស្មោះត្រង់ និងការគោរពគ្នាទៅវិញទៅមក រួមចំណែកដល់ការពង្រឹងភាពជាដៃគូលើគ្រប់ជ្រុងជ្រោយរវាងប្រទេសទាំងពីរ»៕ (យោងតាមប្រភព៖ Vietnam News)
ចែករំលែកព័តមាននេះ