រាជធានីភ្នំពេញ ៖ កាលពីរសៀលថ្ងៃទី២៨ តុលា សាលាដំបូងរាជធានីភ្នំពេញ បានប្រកាសផ្តន្ទាទោសនេត ខៃ ឱ្យជាក់គុក១ឆ្នាំ និងសងជំងឺចិត្តដល់នារីរងគ្រោះ៤០លានរៀល និង២លានរៀលទៀតបង់ចូលថវិការដ្ឋ។ នេះជាការផ្តន្ទាទោសលើសំណុំរឿងទី៤ ដែលសំណុំរឿងទី១ ត្រូវជាប់គុក១ឆ្នាំ និងតំរូវឱ្យសងជំងឺចិត្ត៤០លានរៀល ឯសំណុំរឿងទី២ និងទី៣ ដែលទាក់ទិនទៅនឹងនារីជាអនីតិជនជាប់គុក១៧ឆ្នាំ និងសងជំងឺចិត្ត១០០លានរៀល
រាជធានីភ្នំពេញ ៖ កាលពីរសៀលថ្ងៃទី២៨ តុលា សាលាដំបូងរាជធានីភ្នំពេញ បានប្រកាសផ្តន្ទាទោសនេត ខៃ ឱ្យជាក់គុក១ឆ្នាំ និងសងជំងឺចិត្តដល់នារីរងគ្រោះ៤០លានរៀល និង២លានរៀលទៀតបង់ចូលថវិការដ្ឋ។ នេះជាការផ្តន្ទាទោសលើសំណុំរឿងទី៤ ដែលសំណុំរឿងទី១ ត្រូវជាប់គុក១ឆ្នាំ និងតំរូវឱ្យសងជំងឺចិត្ត៤០លានរៀល ឯសំណុំរឿងទី២ និងទី៣ ដែលទាក់ទិនទៅនឹងនារីជាអនីតិជនជាប់គុក១៧ឆ្នាំ និងសងជំងឺចិត្ត១០០លានរៀល។
គួររំលឹកថា កាលពីរសៀលថ្ងៃទី២១ តុលា សាលាដំបូងរាជធានី បានបើកសវនាការកាត់ទោសរឿងក្តីជនកំហូចនេត ខៃ ដែលជាប់ចោទក្នុងអំពើផលិតរូបភាពអាសអាភាសលើកុមារ។ អង្គសវនាការ មានលោកឌិន ស៊ីវុទ្ធី ជាប្រធានក្រុមប្រឹក្សា លោកសួន សំណាង និងលោកស្រីសែម សក្តិកូឡា ចៅក្រមអមតំណាងអយ្យការ មានលោកប្លង់ សុផល ព្រះរាជអាជ្ញារងដើមបណ្តឹងក្នុងរឿងនេះ។
សវនាការបានធ្វើឡើងចំពោះមុខជនកំហូចនេត ខៃ និងមេធាវីការពារក្តី ក្នុងនោះក៏មានជនរងគ្រោះ២នាក់សុទ្ធតែជាអនីតិជនបានចូលរួមផងដែរ។ សវនាការត្រូវបានប្រធានក្រុមប្រឹក្សាលោកស្រីចៅក្រម ព្រមទាំងព្រះរាជអាជ្ញាសួរដេញដោលតាមនីតិវិធី ប៉ុន្តែសវនាការនេះធ្វើឡើងជាអសាធារណៈ មានន័យថា ចំពោះមុខតែជនដែលត្រូវចោទនិងជនរងគ្រោះ។ សវនាការបានសួរដេញដោលអស់រយៈពេលជាង១ម៉ោងប្រធានក្រុមប្រឹក្សាបានសំរាកដើម្បីពិចារណាសំរេចផ្តន្ទាទោស។
តាមប្រភពព័ត៌មានថា អ្នករងគ្រោះដោយ ការលួចថតមានចំនួនជាង៦០០នាក់ ដោយជនឈ្មោះនេត ខៃ ប្រើល្បិចឱ្យចូលក្នុងបន្ទប់ទឹកដោះសំលៀកបំពាក់នៅខ្លួនននលគកដែលធ្វើឱ្យប៉ះពាល់ដល់កិត្ដិយសស្ដ្រីខ្មែរយ៉ាងធ្ងន់ធ្ងរ
បំផុត។ មន្ដ្រីតុលាការនិយាយថា បណ្ដឹងជនរង គ្រោះជាអនីតិជននេះគ្រប់គ្រាន់ពេកទៅហើយ សំរាប់តុលាការផ្ដន្ទាទោសទៅលើជនកំហូចនេត ខៃ ព្រោះជនរងគ្រោះជាអនីតិជន គឺបើជនរង គ្រោះជាអនីតិជន តាមច្បាប់ពាក់ព័ន្ធនឹងការ ផលិត និងចែកចាយរូបអាសអាភាសក្នុងកថា ខណ្ឌទី១ ទី២ មាត្រា៤១ តំរូវផ្ដន្ទាទោសលើជន ជាប់ចោទពី៥ឆ្នាំទៅ១០ឆ្នាំ ឬពី១០ឆ្នាំទៅ២០ឆ្នាំ។
នេត ខៃ ត្រូវបានតុលាការចេញដីកាឃុំខ្លួនបណ្ដោះអាសន្ននៅពន្ធនាគារព្រៃស តាំងពីថ្ងៃ ទី២៩ មិថុនា ដើម្បីរង់ចាំការបើកសវនាការ វិនិច្ឆ័យទោសជាផ្លូវការ។ តាមប្រភពច្បាស់ការណ៍នៅសាលាដំបូងរាជធានី តំណាងអយ្យ ការ គឺលោកឯក ឆេងហួត ព្រះរាជអាជ្ញារងបានធ្វើការឆែកឆេរ និងរកឃើញរូបភាពស្ដ្រី អាក្រាតកាយក្នុងម៉េម៉ូរីកុំព្យូទ័រជនកំហូចឈ្មោះ នេត ខៃ នេះមានចំនួន ៦២៧នាក់ ដែលបានទៅ ងូតទឹកមន្ដក្នុងបន្ទប់៕
ចែករំលែកព័តមាននេះ