នារីម្នាក់កំដរភ្ញៀវផឹកច្រើនពេក ក៏សុំចូលបន្ទប់ទឹក តែត្រូវភ្ញៀវបង្កហិ.ង្សាលើនាងផ្អើល KTV
រាជធានីភ្នំពេញ ៖ នារីម្នាក់ស្រែកយំនៅមុខទីតាំង KTV មួយកន្លែង បន្ទាប់ពីត្រូវជនបរទេសម្នាក់
រាជធានីភ្នំពេញ ៖ នារីម្នាក់ស្រែកយំនៅមុខទីតាំង KTV មួយកន្លែង បន្ទាប់ពីត្រូវជនបរទេសម្នាក់ប្រើហិ.ង្សាមកលើរូបនាង ដោយសារតែនាងជាអ្នកអង្គុយកំដរភ្ញៀវផឹកស្រាច្រើនពេក គ្រាន់តែរឿងសុំចូលបន្ទប់ទឹកសោះ ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង២និង២០នាទីរំលងអធ្រាត្រឈានចូលថ្ងៃទី១៥ ខែធ្នូ ឆ្នាំ២០២២ នៅចំណុចទីតាំង KTV មួយកន្លែងមានស្លាកយីហោ GOLD PALACE នៅតាមបណ្តោយផ្លូវលេខ៤៧ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពព័តមានពីនារីរងគ្រោះបានឲ្យដឹងថា នៅមុនពេលកើតហេតុនាងបានអង្គុយនៅក្នុងបន្ទប់មួយក្នុង KTV ខាងលើជាមួយជនបង្កជាជនបរទេសនិយាយភាសាចិន ហើយជនបរទេសខាងលើបានឲ្យនាងកំដរផឹកស្រាជាមួយ ដោយសារផឹកច្រើនពេក នាងក៏សុំចូលបន្ទប់ទឹក តែស្មានមិនដល់ ត្រូវជនបរទេសខាងលើប្រើហិ.ង្សាមកលើនាង ដោយចាប់ច្របាច់ក មិនឲ្យចូលបន្ទប់ទឹកនោះទេ។
ក្រោយពេលកើតហេតុ នាងបានស្រែកឆោឡោយ៉ាងខ្លាំង ដោយសារទទួលរងអំពើហិ.ង្សា បន្ទាប់មកត្រូវសន្តិសុខ KTV នាំនាងចេញទៅខាងក្រៅទៅវិញ ហើយនារីរងគ្រោះមិនសុខចិត្ត បានស្រែករកអ្នកសារព័ត៌មានអោយជួយផ្សព្វផ្សាយ ដើម្បីទាមទាររកយុត្តិធម៌ចំពោះខ្លួន ព្រមទាំងបានស្រែកយំក្តែងៗជាមួយទឹកភ្នែកថា «នារីKTVក៏ជាមនុស្សដែរបងៗ» ។
ក្រោយកើតហេតុ ដោយសារមានការចុះមកអន្តរាគមន៍ និងសម្របសម្រួលពីសមត្ថកិច្ចមូលដ្ឋាននៃប៉ុស្តិ៍នគរបាលរដ្ឋបាលស្រះចក នារីរងគ្រោះសម្រេចទទួលយកសំណងចំនួន៥០០ដុល្លារ ដើម្បីបញ្ចប់រឿងនៅទីតាំងកើតហេតុតែម្តង៕
ចែករំលែកព័តមាននេះ