ប្រជាពលរដ្ឋនាំគ្នាស៊ីឈ្នួលបកសម្បកពោតក្រហម យកថវិកាផ្គត់ផ្គង់ជីវភាព
- ប៉ៃលិន
ខេត្តប៉ៃលិន ៖ រហូតមកដល់ថ្ងៃទី១៤ ខែធ្នូ ឆ្នាំ២០២២នេះ គេសង្កេតឃើញប្រជាពលរដ្ឋរស់នៅក្រុង
ខេត្តប៉ៃលិន ៖ រហូតមកដល់ថ្ងៃទី១៤ ខែធ្នូ ឆ្នាំ២០២២នេះ គេសង្កេតឃើញប្រជាពលរដ្ឋរស់នៅក្រុង
ខេត្តប៉ៃលិន ៖ រហូតមកដល់ថ្ងៃទី១៤ ខែធ្នូ ឆ្នាំ២០២២នេះ គេសង្កេតឃើញប្រជាពលរដ្ឋរស់នៅក្រុងប៉ៃលិន ភាគច្រើន មានការមមមាញឹក ក្នុងការប្រមូលផលដំណាំពោតក្រហម ខណ:ពេលដែលតម្លៃទីផ្សារនៃដំណាំមួយនេះនៅខ្ពស់ដដែល ពោលគឺមិនមានការធ្លាក់ថ្លៃនោះទេ ខណ:អ្នកខ្លះ ជួលកម្មករឱ្យចូលទៅកាច់ស្នៀតពោតទុំនេះ បកសំបកក្នុងចំការ រួចច្រកការ៉ុងដឹកយកទៅលក់តែម្តង។ ចំណែកឯអ្នកខ្លះទៀត គ្រាន់តែជួលកម្មករឱ្យចូលកាច់ស្នៀតពោតច្រកការ៉ុង រួចដឹកទាំងសំបកយកទៅផ្ទះ ដោយជួលកម្មករឱ្យនាំគ្នាអង្គុយបកវិញ ដោយអ្នកខ្លះអះអាងថា ការបកសម្បកនៅឯចំការ មានការលំបាកច្រើនជាងការបកសម្បកពោតនៅឯផ្ទះ។
បើតាមប្រភពព័ត៌មានពីស្ត្រីម្នាក់ ឈ្មោះ ទេស ម៉ុន អាយុ៦៨ឆ្នាំ រស់នៅភូមិអូរប្រើស សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន បានឱ្យភ្នាក់ងារយើងដឹងថា ៖ គាត់ដាំពោតក្រហមចំនួន៦ហិកតា នៅលើដីចំការរបស់ខ្លួន កាលពីជាង២ខែមុន លុះមកដល់ពេលនេះពោតក៏ទុំល្មមប្រមូលផល។ គាត់ស ប្បាយចិត្ត ដោយសារតែនៅឆ្នាំ២០២២នេះ ដំណាំពោតក្រហមរបស់ខ្លួន អត់សូវខូចច្រើននោះទេ ព្រោះមានទឹកភ្លៀងគ្រប់គ្រាន់ លុះក្រោយពេលប្រមូលផលជាបន្តបន្ទាប់ គាត់បានលក់អស់ជាង១០តោនហើយ ដោយស្នៀតពោតលក់ទាំងស្នូល ឈ្មួញទិញ១គីឡូក្រាម តម្លៃ៦.៥ ទៅ៧បាត (ប្រាក់ថៃ) ជាង៧០០រៀល។
គាត់បន្តទៀតថា ពេលនេះ កំពុងបន្តឱ្យកម្មករ ចូលទៅប្រមូលផល ដើម្បីយកមកបកសំបករួច ច្រកលក់យកថវិកាផ្គត់ផ្គង់ជីវភាពប្រចាំថ្ងៃ រួចជួលឱ្យគេចូលទៅភ្ជួរដីដាក់ហាល ដើម្បីដាំសារជាថ្មីឡើង វិញ។ គាត់ពិតជាមិនព្រួយបារម្ភក្នុងការសងជំពាក់គេនោះទេ ព្រោះមើលទៅដំណាំពោតរបស់ខ្លួន ល្អគួរ សមអាចនឹងលក់សងជំពាក់បំណុលគេគ្រប់គ្រាន់ ហើយក៏អាចនឹងសល់តិចតួចសម្រាប់ផ្គត់ផ្គង់ជីវភាព។
ចំណែកបុរសម្នាក់ ឈ្មោះ ចំរើន អាយុ៤៥ឆ្នាំ ជាកម្មករស៊ីឈ្នួលបកសំបកពោត រស់នៅក្នុងភូមិ ខាងលើ បានឱ្យដឹងដែរថា ៖ រហូតមកដល់ពេលប្រមូលផលពោតក្រហម គាត់បាននាំប្រពន្ធកូន ទៅស៊ីឈ្នួល អង្គុយបកសំបកពោតឱ្យគេ ដោយគិតក្នុង១ធុងស្ពេត្រូ ទទួលបានប្រាក់កម្រៃ៥០០រៀល ហើយក្នុង១ថ្ងៃ ម្នាក់ៗ អាចរកបានចំណូលចាប់ពី៣ម៉ឺនទៅ៤ម៉ឺនរៀល។
គាត់បន្តទៀតថា ដូច្នេះពួកគាត់ មិនហ៊ានឈប់សម្រាកនៅផ្ទះទំនេរខាតពេលនោះទេ ព្រោះគ្មានដីស្រែចំការធ្វើនឹងគេឡើយ ទើបនាំគ្នាដើរស៊ីឈ្នួលដកដំឡូងមី កាច់ពោត និងបកសំបកពោតតាមចំការជាដើម ដើម្បីសន្សំថវិកាទុកពេលខ្វះខាត ឬកើតជម្ងឺរោគាផ្សេងៗផងដែរ៕
ចែករំលែកព័តមាននេះ