អាយុគ្រាន់តែជាតួលេខ…លោកយាយអាយុ106ឆ្នាំផ្តើមស្នេហ៍ជាមួយលាកតាអាយុ73ឆ្នាំ
ជាការពិតស្នេហាពិតប្រាកដគឺមិនប្រកាន់វ័យពណ៌សំបុរ និងវណ្ណៈឡើយ
ជាការពិតស្នេហាពិតប្រាកដគឺមិនប្រកាន់វ័យពណ៌សំបុរ និងវណ្ណៈឡើយ ។ ជាក់ស្តែងលោក យាយMarjorie Hemmerde រស់នៅក្នុងផ្ទះចាស់ជរាប្រទេសអូស្ត្រាលី មានវ័យរហូតទៅដល់១០៦ឆ្នាំទៅហើយ នៅតែមិនទាន់អស់អាល័យជាមួយនឹងកាមកិលេសពោលគឺលោកយាយកំពុងតែសាងទ្រនំស្នេហ៍យ៉ាងផ្អែមល្ហែមជាមួយលោកតា Gavin Granford នៅក្នុងទីក្រុងម៉េលប៊ន ប្រទេសអូស្ត្រាលី ។
លោកយាយ Hemmerdeបាននិយាយថា«គម្លាតអាយុខុសគ្នា៣៣ឆ្នាំមិនមែនជាបញ្ហាទេ សម្រាប់ខ្ញុំ សំខាន់គឺពេលឥឡូវនេះយើងទាំងពីរនាក់កំពុងយល់ចិត្តគ្នាខ្លាំងណាស់» ។ ចំណែកឯលោកតា Crawford វិញក៏មិនចាញ់លោកយាយប៉ុន្មានដែរគឺបានបង្ហាញពីភក្តីភាពស្មោះស្ម័គ្រចំពោះលោកយាយ ដោយនិយាយថា ៖ លោកយាយគឺជាមនុស្សមានសុខភាពល្អ រួសរាយរាក់ទាក់ ហើយយើងតែងតែសើចសប្បាយជាមួយគ្នាគ្រប់ពេល ។
យើងទាំងពីរនាក់បានគិតថា ជីវិតគឺខ្លីពេកដែលថា យើងមិនទាន់បានសប្បាយអស់ចិត្តផង ។គួរបញ្ជាក់ដែរថា លោកយាយនិងលោកតាទាំងពីរនាក់ពុំធ្លាប់បានរៀបការទេពីមុនមក ហើយក៏មិនដែលនឹកស្រមៃពីរឿងរៀបការដែរ ៕
ចែករំលែកព័តមាននេះ