សមាជិកសភាអូស្ត្រាលី នឹងទៅទស្សនកិច្ចនៅកោះតៃវ៉ាន់ស្អែកនេះ
អ្នកនយោបាយសហព័ន្ធអូស្ត្រាលីមួយក្រុម នឹងធ្វើដំណើរទៅកាន់កោះតៃវ៉ាន់រយៈពេល៥ថ្ងៃ នៅថ្ងៃអាទិត្យ ទី៤ ខែធ្នូ ឆ្នាំ២០២២ ស្អែកនេះ ក្នុងគោលបំណងដើម្បី
ប្រទេសេអូស្ត្រាលី ៖ អ្នកនយោបាយសហព័ន្ធអូស្ត្រាលីមួយក្រុម នឹងធ្វើដំណើរទៅកាន់កោះតៃវ៉ាន់រយៈពេល៥ថ្ងៃ នៅថ្ងៃអាទិត្យ ទី៤ ខែធ្នូ ឆ្នាំ២០២២ ស្អែកនេះ ក្នុងគោលបំណងដើម្បីបង្ហាញពីបំណងប្រាថ្នារបស់អូស្ត្រាលី ក្នុងការរក្សាសន្តិសុខភាពនៅក្នុងតំបន់ឥណ្ឌូប៉ាស៊ីហ្វិក។ នេះបើយោងតាមការចុះផ្សាយរបស់កាសែតអូស្ត្រាលី The Australian នៅថ្ងៃសៅរ៍ ទី០៣ ខែធ្នូ ឆ្នាំ២០២២នេះ។
អ្នកនយោទាំងនោះមករួមមាន សមាជិកសភាមកពីគណបក្សការងារ និងសម្ព័ន្ធជាតិសេរីនិយមដែលជាបក្សប្រឆាំង។
ក្នុងដំណើរទស្សនកិច្ចទៅកាន់កោះតៃវ៉ាន់ សមាជិកសភាអូស្ត្រាលី នឹងជួបជាមួយប្រធានាធិបតីតៃវ៉ាន់ Tsai Ing-wen និងរដ្ឋមន្ត្រីការបរទេស Joseph Wu។
ហើយដំណើរទស្សនកិច្ចនោះ ក៏ត្រូវបានគេនិយាយផងដែរថា នឹងជួបប្រជុំគ្នាស្តីពីសន្តិសុខ ពាណិជ្ជកម្ម កសិកម្ម និងកិច្ចការក្នុងស្រុក។
សូមបញ្ជាក់ថា អូស្ត្រាលី បានប៉ះទង្គិចជាមួយចិន ដែលជាដៃគូពាណិជ្ជកម្មដ៏ធំបំផុតរបស់ខ្លួន ជុំវិញជម្លោះពាណិជ្ជកម្ម និងប្រភពដើមនៃជំងឺរាតត្បាត COVID-19 ចំពេលមានការកើនឡើងនៃវត្តមានរបស់ចិននៅក្នុងតំបន់ប៉ាស៊ីហ្វិក។
ទោះជាយ៉ាងណាក៏ដោយ នាយករដ្ឋមន្ត្រី Anthony Albanese កាលពីខែមុនបានជួបជាមួយប្រធានាធិបតី Xi Jinping នៅក្រៅកិច្ចប្រជុំកំពូល G20 នៅប្រទេសឥណ្ឌូនេស៊ី ដោយលើកឡើងពីការរំពឹងទុកថា ទំនាក់ទំនងទ្វេភាគីនៃប្រទេសទាំងពីរកាន់តែជិតស្និទ្ធ។
ដូចប្រទេសជាច្រើនផងដែរ អូស្ត្រាលីមិនមានទំនាក់ទំនងការទូតផ្លូវការជាមួយកោះតៃវ៉ាន់នោះទេ ប៉ុន្តែអូស្ត្រាលីបានចូលរួមជាមួយសម្ព័ន្ធមិត្តសហរដ្ឋអាមេរិកក្នុងការសម្តែងពីការព្រួយបារម្ភពីការដាក់សម្ពាធរបស់ចិន ជាពិសេសផ្នែកយោធា៕ (យោងតាមប្រភព៖ The Australian & Reuters)
ចែករំលែកព័តមាននេះ